Home

No. XVI. (page 263.): Narrative of the Exploits and Death of Hereward. 1 - History of the Conquest of England by the Normans; Its Causes, and its Consequences, in England, Scotland, Ireland, & on the Continent, vol. 1

Return to Title Page for History of the Conquest of England by the Normans; Its Causes, and its Consequences, in England, Scotland, Ireland, & on the Continent, vol. 1

The Online Library of Liberty

A project of Liberty Fund, Inc.

Also in the Library:

Subject Area: History

No. XVI. (page 263.): Narrative of the Exploits and Death of Hereward. 1 - Augustin Thierry, History of the Conquest of England by the Normans; Its Causes, and its Consequences, in England, Scotland, Ireland, & on the Continent, vol. 1 [1856]

Edition used:

History of the Conquest of England by the Normans; Its Causes, and its Consequences, in England, Scotland, Ireland, & on the Continent, translated from the seventh Paris edition, by William Hazlitt (London: H.G. Bohn, 1856). In 2 volumes. Vol. 1.

Author: Augustin Thierry
Translator: William Hazlitt

Part of: History of the Conquest of England by the Normans; Its Causes, and its Consequences, in England, Scotland, Ireland, & on the Continent, 2 vols.

About Liberty Fund:

Liberty Fund, Inc. is a private, educational foundation established to encourage the study of the ideal of a society of free and responsible individuals.

Copyright information:

The text is in the public domain.

Fair use statement:

This material is put online to further the educational goals of Liberty Fund, Inc. Unless otherwise stated in the Copyright Information section above, this material may be used freely for educational and academic purposes. It may not be used in any way for profit.

No. XVI. (page 263.)

Narrative of the Exploits and Death of Hereward.1

Un an après l’évesque Elwine
Et Siward Bern en la marine
Meurent d’Escoce od noef esnecces,
Tresq’en Humbre siglent ès brecces.
Li quiens Morgar encontre vint,
Ès niefs entra, od eus se tint;
A Welle encontrèrent les Englois,
Fuiz sont à Willam li rois.
Tant ont parlé de compaignie,
Chescuns vont faire à autre aie.
Un gentil home lur sire estoit.
Des utlaghes mult i avoit.
Par la terre sont alez
Et vont degastant le régné.
Li rois Willam, quant il ceo sout,
Mult fu irez, si l’en pesout;
S’ost somonst, manda guerroiers,
François, Anglois et chevaliers;
Devers la mier mist marinaus,
Bucecarles, valez as peaus
E autres genz, dont tant i out.
Nul des assis aler n’i pout;
E derichef par les boscages
Furent gardez tuz les passages,
E li marchis tut environ
Fut bien gardé par contençon.
Après ceo comanda li rois
Faire ponz outre les marois
Et dist que tuz les destruieroit;
Jà nuls n’en eschaperoit.
Quant il ceo seurent en Ely,
Si se sont mis en sa merci;
Tuz alèrent merci crier
Fors Ereward, qui mult fu bier.
Il eschapa od poi de gent,
Geri od lui, un son parent
Od eus eurent v compaignons.
Uns homs qui amenoit peissons
As gardeins long le mareis,
Fist qe prodom et qe surpreis
En un batel les recuillit,
De ros, de glais tuz les coverit,
Vers les gardeins prist à nager.
Si come un soir deit anuiter,
Vint près des loges od sa nief.
François estoient en un tref,
Wid le viesconte en ert seignour,
Bien conuissoit le pescheour,
Et bien seurent q’il venoit,
De lui nule garde n’avoit;
Le pescheour virent nager,
Nuit ert et sistrent au manger.
Fors de la nief ist Ereward,
De hardement sembloit leopard,
Si compaignon apres issirent,
Desouz un bois le tref choisirent.
A eus ala le pescheour,
Ereward ert seins son seignour.
Q’en dirroie? Li chevaler
Furent suspris à lur manger.
Cil entrent, haches en lur mains;
De bien ferir ne sont vilains,
Normanz occistrent et desconfirent,
Cil qui poeient s’enfuirent.
Grant fut l’effrei par les osteaus,
De la fuite sont communaus,
Chevaus lessent enseelez.
Les outlaghes i sont montez
Tut à leisir et seinement,
Onques n’eurent desturbement;
A eise erent de fere mal.
Chescuns choisit très bon cheval.
Li bois sont près, enz sont entré,
Il n’alèrent pas esgarré,
Bien seurent tut cel païs,
Mult i avoit de lur amis.
A une ville où sont turnez
Trovèrent x de lur privez.
Od Ereward cil se sont pris,
Einz furent vi ore sont plus de dis.
Dis e huit sont li compaignon;
Einz qu’il passèrent Huntedon,
Eurent cent homes bien armez,
De Ereward liges privez.
Si home erent et si fideil.
Einz qu’au demain levast soleil,
vii cenz sont à lui venuz,
En Bruneswald l’ont aconseuz
Ore fut grant la compaignie
Une cité ont assaillie,
Burgh assaillirent cil forfet:
Bien tost en fut le meur tut fret
Entrent dedenz, assez ont pris
Or et argent et veir et gris.
Autre hernois i ont assez,
La chose as moignes ont tensez.
D’ilœc s’en vont à Estamford,
De ceo que pernent ne font tort;
Car li burgois eurent bracé
Que Ereward en fut déchacé,
Meslé l’eurent envers le roi
A mult grant tort et à deslei.
S’il se vengoit, ne fut nul tort,
De ceux de Burgh et de Stanford.
Qu’en dirroie? Par plusurs anz
Tint Ereward contre Normanz,
Il et Winter son compaignon
E dan Geri un gentil hom,
Alveriz, Grugan, Saiswold, Azecier.
Icil et li altre guerreier
Guerreièrent issi Franceis;
Si un d’els encontrout treis
Ne s’en alasent sanz asalt.
Ço pert uncore en Bruneswald,
Là ù Gier se combati,
Ki mult fu fort e fier e hardi.
Lui setme asailli Hereward,
Sul par son cors, n’i out reguard,
Les quatre oscist, les treis fuirent:
Naffrez, sanglant, cil s’en partirent
En plusurs lius ceo avint.
En contre vii très bien se tint,
De vii homes avoit vertu,
Onques plus liardi ne fut veu.
Par plusurs anz tant guerroia
Si qe une dame le manda,
Que de li out oi parler;
Par meinte foiz l’ad fet mander
Q’à lui vensist, si li plesoit;
L’onor son pière li dorroit;
Et, s’il la pernoit à muiller,
Bien porroit François guerreier.
Ceo fut Alfued qe ço manda
A Ereward, qe mult ama;
Par plusurs foiz tant le manda
Qe Ereward s’apresta.
Vers lui ala ad mult de gent,
Triwes avoit tut veirement,
Au roi se devoit acorder;
Dedenz cel mois passer la mer
Devoit pur guerroier Mansaus,
Qui ont au roi tolet chasteaus.
Il i avoit ainceis esté,
Walter del Bois avoit maté,
Et dan Geffrei cil de Meine
Tint en prison une simeine.
Ereward, qui doit aler en pees,
D’or et d’argent avoit meint fès.
Quant li Normant ceo entendirent.
Fruissent la pès, si l’assaillirent,
A son manger l’ont assailli.
Si Ereward en fust garni,
Le plus hardi semblast couard.
Malement le gaita Aaelward,
Son chapelein: le deust gaiter,
Si s’endormit sus un rocher.
Qu’en dirroie? Suspris i fu;
Mès gentement s’est contenu,
Si se contint come leon,
Il et Winter son compaignon.
Quant nul haubert n’i pout aveir
Ne ses armes pur soi armer,
Ne sur destrer ne pout saillir,
Un escu prist q’il vist gisir
Et une lance et une espée.
L’espée ceinst, si l’ad nuée,
Devant trestuz ses compaignuns
S’est acemez come uns leons,
Mult fièrement dist as François:
“Triwes m’avoit doné li rois;
Mès vus venez ireement,
Le mien pernez, tuez ma gent,
Suspris m’avez à mon manger;
Fel traitres, vendrai moi cher.”
iii gavelocs un sergant tint,
Sis homs estoit, devant li vint,
L’un en bailla à son seignour.
Un chevalier aloit entour,
Par tout le champ aloit quérant
E Ereward mult demandant.
De ses homes aveit oscis
E morz getez dès-ci k’à dis.
Si come il l’alout demandant,
Li bier li est venu devant,
Le gaveloc i fet aler,
Parmi l’escu le fet voler.
L’auberc rumpit, pas ne se tint,
Le queor trencha, issi avint;
E cil chait, ne pout el estre,
A son morir n’ont point de prestre.
Donc l’assaillirent li Normant,
Traient à lui et vont lançant,
De totes parz l’avironèrent,
En plusurs lius son cors nafrèrent;
Et il fiert eus come sengler
Tant com la lance pout durer;
Et quant la lance li faillit,
Del brant d’ascer grant coup férit.
Tiel le quida mult vil trover,
De son cors l’estuet achater;
Et quant le trœvent si amer,
Asquanz n’i osent arester;
Car il férit vigerousemens,
Si’s requist menu e sovent,
Od s’espée iiii en occist,
Dès qu’il fiert le bois retentist;
Mès donc brusa le brant d’ascer
Desus l’elme d’un chevalier,
Et il l’escu en ses mains prist,
Si en fiert qe ii Franceis occist;
Mès iiii vindrent à son dos
Qui l’ont féru par mi le cors,
Od iiii lances l’ont féru;
N’est merveille s’il est cheu,
A genuillons s’agenuilla,
Par tiel air l’escu getta
Que uns de ceus qi l’ont féru
Fiert en volant si del escu
Qu’en ii moitiez li freint le col.
Cil out à non Raol de Dol,
De Tuttesbire estoit venuz.
Ore sont amdui mort abatuz
E Ereward e li Breton,
Raol de Dol avoit à non;
Mès Alselin le paroccist.
Cil de Ereward le chef prist.
Si jura Dieu et sa vertu,
Et li autre qui l’ont veu
Par meinte foiz l’ont fort juré,
Que oncques si hardi ne fut trové,
Et s’il eust eu od lui trois,
Mar i entrassent li François;
E s’il ne fust issi occis,
Touz les chaçast fors del païs.

end of vol. i.

Venit et extremis legio prætents Britannis,
Quæ Scoto dat frena truci, ferroque notatas
Perlegit exangues, Picto moriente, figuras.
Claudianus, de Bello getico, v. 416, et seq.

Quin et aremoricus piratam saxona tractus
Sperabat, cui pelle salum sulcare Britannum
Ludus, et assuto glaucum mare findere lembo.
(Sidonii Apollinaris, Carmina, ap. Script. rer. Gallic. et Franc., i. 807.)

Portavimus umbram
Imperii.
(Sidon. Apoll., Carmina, ap. Script. rer. Gallic. et Francic., i. 810.)

Præcipue cum vana colas, nec dogmata serves,
Avia curva petas, tu populusque tuus.
(Eimoldi Nigelli, Carmen, lib. iii. apud Scriptores, &c., vi. 40.)

E Rou esgarda la vile e lunge et lée,
Et dehorz et dedenz là sovent esgardee:
Bone li semble et bele, mult li plest e agrée,
Et li compaignanz i ont a Rou mult loée.
Frankes un archeveske, ki a Roem esteit.
(Wace, Roman de Rou, i. 60.)

Nà ne boef, ne charrue, ne vilain en arée,
Ne vigne provignie, ne couture semé,
Mainte iglise i a ja essilie e gastée,
Se ceste guerre dure, la terre iert degastée.
(Roman de Rou, i. 73.)

Raol Tesson ...
Poinst li cheval, criant: Tur aie! ...
... Willame crie: Dex aie!
Cèst l’enseigne de Normaudie.
(Roman de Rou, ii. 32, 34.)

William de Conigsby
Came out of Britany
With his wife Tiffany
And his maide Maufas
And his dogge Hardigras.
(Hearne, præf., ad Joh. de Fordun, Scoti-chronicon, p. 170.)

...Mery and free
Under the leves green.
(Robin Hood, a collection of all the ancient poems, songs, and ballads relating to that famous outlaw. Lond., 1823. i. 68, &c.)

A more mery man than I am one
Lyves not in Christiantè.—
(Ib. ii. 221.)

En plusurs lius ceo avint,
Encontre VII. tres bien se tint.
(Geoff. Gaymar, ut sup. p. 22.)

Ceo fut Alsued qe ço manda
A Ereward, que mult ama
Au roy se devoit accorder—
(Ib. p. 22.)

Mult fierement dist as Francois:
Triwes m’avoit done li rois,
Fel traitres, vendrai moi cher—
(Ib. p. 24.)

Mes IIII. viendrent à son dos
Qui l’ont feru par mi le cors,
Od IIII. lances l’ont feru.—
(Ib. 26.)

. . . . Τουϱκους μὴ πϱοσκυνουμεν.
Πᾶμεν νὰ λιμεριαζωμεν, ὸπου ϕωλεαζουν λυκοὶ
Σταις χὼραις σκλαϐοι κατοικουν.
(Chants populaires de la Grèce Moderne, publies par M. Fauriel, i. Sterghios, Song No. 24.)

Amplas Anglorum terras et prædia multa
Distribuens, quas adhuc presens videt et dolet ætas.
(Hearne, notæ ad Guill. Neubrig., p. 722.)

Gens Anglorum, turbastis principem,
Qui virtutis amabat tramitem.
(Script. rer. Norman., p. 318.)

Cujus regnum pacificum,
Fuit atque fructiferum.
(Raynaldus Andegavensis, Chron., apud rer. Script. rer. Gallic. et Francic., xii. 479.)

Ther was by king Willame’s day worre and sorwe ynon,
. . . . . . . . . . .
So that muchadel Engelond thogte his lyf to long.
(Robert of Gloucester, ii. 374.)

Mold the gode queene gaf in conseile
To luf his folc.
(Robert of Brunne’s Chronicle, p. 98.) Robert of Gloucester’s Chronicle, p. 193.

“When Adam delved and Eve span,
Who was then the gentleman?”
(Old verses quoted by Sharon Turner, H. of the Anglo-Normans, ii.)

[1 ] Chronique de Geoffroy Gaymar; Chroniques Anglo-Normandes, i. 16-27.