The Online Library of Liberty

A project of Liberty Fund, Inc.

• Preface.
• De Septem Mundi Miraculis, Manu Hominum Factis & of the Seven Wonders of the World.
• De Septem Mundi Miraculis, Manu Hominum Factis.
• Of the Seven Wonders of the World.
• Martyrologium De Natalitiis Sanctorum; Cum Auctario Flori Et Aliorum.
• Beati Felicis Confessoris Vita.
• The Life of the Holy Confessor Saint Felix.
• De Vita Et Miraculis Sancti Cuthberti, Episcopi Lindisfarnensis.
• The Life and Miracles of Saint Cuthbert, Bishop of Lindisfarne.
• Vita Beatorum Abbatum Wiremuthensium Et Girvensium, Benedicti, Ceolfridi, Easterwini, Sigfridi, Atque Huetberti.
• The Lives of the Holy Abbots of Weremouth and Jarrow, Benedict, Ceolfrid, Easterwine, Sigfrid, and Huetberht.
• De Locis Sanctis Libellus, Quem De Opusculis Majorum Abbreviando Beda Composuit.
• The Book of the Holy Places, Abridged By Bede From the Works of the Ancients.
• VariÆ Lectiones Ad Opuscula Historica.

MARTYROLOGIUM DE NATALITIIS SANCTORUM;

CUM AUCTARIO FLORI ET ALIORUM.

• JANUARIUS.
• 1 Kalendis.Octavæ Domini, et secundum carnem circumcisio ejus. Et natalis Almachii; qui jubente Alypio urbis præfecto, cum diceret, Hodie Octavæ Dominicæ diei sunt, cessate a superstitionibus idolorum et sacrificiis pollutis, a gladiatoribus hac de causa occisus est.A. T. L. C. Eodem die natalis S. Basilii episcopi. Et passio S. Martinæ virginis. A. Et S. Euphrosynæ. L. Eodem die in Æthiopia Rutuli. Hierosolyma natale S. Stephani.
• 2 IV. Nonas.Vacat Beda.Florus in A. T. L. Romæ natale S. Telesphori papæ et martyris: is ex anachoreta cum per xii. annos Ecclesiæ Romanæ præesset, jejunium septem hebdomadarum ante Pascha, et missam in nocte Natalis Domini, sed et ante sacrificium hymnum angelicum, videlicet Gloria in excelsis Deo, decantandum instituit: passusque est temporibus Antonini et Marci martyrium.D. Apud Antiochiam passio B. Isidori episcopi. Et in Ponto civitate Tomis trium fratrum, Argei, Narcissi, et Marcellini pueri: qui sub Licinio principe inter tirones comprehensus, mersione maris martyrizatus est. C. V. Hierosolyma Stephani, Macari abbatis, Isidori episcopi. T. Eodem die depositio B. abbatis Macarii.
• 3 III. Non.Romæ nat. Anteros papæ et mart. qui duodecim annos rexit ecclesiam, et in cœmeterio Calixti sepultus est via Appia. Eodem die Parisius Genovefæ virginis.Florus in A. T. L. addit. Quæ in corpore posita tantum in virtute prævaluit, ut mortuum suscitaret.Florus in A. T. L. In civitate Auclara passio S. Petri, qui crucifixus est sub Maximiano imperatore. Ipso die passio S. Theogenis, qui præcipitatus est in mari tempore Licini. Et natalis Potiti, qui sub Antonino imperatore primo fustibus cæsus est; deinde carcere inclusus, magno pondere ferri damnatus; unde eductus in eculeum est suspensus: et cum jussu imperatoris secare et canibus projicere vellent eum milites, tangere non poterant. Inde jussus est frigi in sartagine, frixusque plumbo superfundi: postea vero palo ferreo fixus est a capite usque deorsum. Quo ab angelo ereptus, jussit illi imperator linguam abscindi et oculos compungi. Et cum nec sic vinci posset, jussus est capite plecti, cum esset tredeeim annorum puer.A. In pago autem Viromandensi inventio corporis B. Quirini mart. ab Eligio episcopo, et translatio ipsius. Etenim corpus ejusdem martyris pro tempore in secretis locis repositum, illic a populis diu venerabatur ubi non erat. Itaque S. Eligius divino nutu instigatus, quæsitum nocte reperit: perforatoque tumulo tantum lumen, comitante permaxima odoris fragrantia, ex eo manavit, ut obscuritatem noctis in magnam diei claritatem mutaret. Sicque de tellure elevatum exosculans, cum ex maxilla ejus dentes pro reliquiis auferret, de radice eorum gutta sanguinis exivit. Scriptum in gestis ejus.
• 4 II. Non.Vacat Beda.D. Natalis B. Titi, qui ordinatus est ab Apostolo Paulo Cretensium Episcopus. A. T. L. In Africa nat. Aquilini, Gemini, Eugenti, Vincti, Triphonis. In Oriente Bononia civitate, Hermetis, Aggæi, Gagii. C. V. In Africa Aquilini. In Bononia civitate Hermetis, Aggæi. Deficit nomen utrumque in C.
• 5 Nonis.Vacat Beda.Florus in A. T. L. Hierosolyma depositio Simeonis prophetæ, qui a Spiritu Sancto responsum accepit, non visurum se mortem, nisi videret Christum Domini. In Antiochiæ ecclesia, quæ vocatur Pœnitentia, depositio S. Simeonis confessoris, qui in columna stans arctissime vixit, et incolis loci illius multas tribuit sanitates. Hic post conversionem nullam unquam mulierem oculis attentis aspexit. Postquam vero columnæ editiori se sanctitate fervens invexit, non modo extraneæ mulieri, verum etiam nec propriæ matri se videndum permisit. Scriptum in gestis ejus.D. Romæ natalis Telesphori papæ et martyris, qui septimus post Petrum pontifex ordinatus est. V. C. Hierosolyma Simeonis prophetæ: et Simeonis confessoris, qui in columna stetit. A. Eodem die in Noviomo translatio corporis B. Eligii confessoris atque pontificis: qui multum miraculorum signis cnituit. T. Eodem die natale sanctorum Honorii, Luciani, Jocundi.
• 6 VIII. Idus. Epiphania Domini.Florus addit in A. T. L. Quando stella duce Magi ab Oriente ad Dominum venerunt et mysticis muneribus ut deum, hominem, regemque venerati sunt. Idem Florus ibidem: In Antiochia passio sanctorum Juliani et Basilissæ sponsæ ejus, quam Deus in pace orantem suscepit, et Celsi pueri sub Martiano præside tempore Diocletiani et Maximiani. Hucusque L. Qui Julianus post flagella et catenarum nexus variasque torsiones præfatum puerum, nomine Celsum, filium præsidis convertit, eorumque postmodum custodes et matrem pueri, uxorem ipsius Præsidis. Postea vero missi in carcerem, cæteris trucidatis, videlicet viginti militibus et septem germanis, Julianus ad audientiam et cum filio mater, et Antonius presbyter, et ille quem S. Julianus de morte suscitaverat, reservati sunt. Postea jussit præses S. Juliano et Celso puero cutem capitis auferri: sancto vero Antonio presbytero et Anastasio, qui suscitatus fuerat, oculos: sanctam vero Marcianillam matrem pueri Dominus defendit ne tangi posset. Sed post talia tormenta, cum sani essent inventi, gladio sunt addicti.L. Et depositio Alberti episcopi et confessoris. D. In territorio Remensi passio S. Macræ virginis: quæ jubente Rictiovaro præside, cum in igne præcipitata esset, permansit illæsa. Redonis S. Melanii episcopi et confessoris. V. C. Et passio SS. Juliani et Basilissæ et Celsi.
• 7 VII. Idus.Vacat Beda.Florus in MSS. A. T. L. In Nicomedia S. Luciani presbyteri: qui in quatuor est partes divisus: singulæ autem partes singulis lapidibus alligatæ in mari sunt mersæ: quas Deo redintegrante, Elenopoli altera die consolidatum corpus cum ipsis lapidibus inventum est. Item clerici et diaconi Antiocheni, qui septies torti et de carcere producti, decollati sunt.D. Relatio pueri Jesu ex Ægypto. D. V. C. In Nicomedia S. Luciani presbyteri. V. C. In Militana civitate nat. Poliocti, Januarii.
• 8 VI. Idus.Vacat Beda.Florus in A. T. L. Belvacus civitate natale SS. Luciani presbyteri, Maximiani, Juliani martyrum: qui [Lucianus] ab urbe Roma egressus, Galliarum civitatem Belvacensium perveniens, verbo prædicationis et miraculorum signis coruscans, multum populum ibidem Domino acquisivit. Quem apparitores Juliani imperatoris perquirentes, vinctis manibus cæsum decollaverunt. Cujus corpus exanime, ut fertur, se erigens, et propria manu caput sanctum abscissum apprehendens, stabili gressu ad locum, quem vir sanctus funeri tradendum elegerat, deportavit. Scriptum in gestis ejus.D. Neapoli Campaniæ natale S. Severini episcopi et confessoris, fratris B. Victorini martyris. V. C. In Græcia Rustici episcopi, Timothei, Telesphori, Anastasiæ.
• 9 V. Idus.Vacat Beda.D. Apud Antiochiam sanctorum martyrum, qui sub Diocletiano et Maximiano cum aliis multis gloriam martyrii adepti sunt. Deerant vel erasa erant nomina. A. Natale Juliani et Basilissæ martyrum: perperam præponitur, In Africa. A. T. L. In Africa natalis Epicteti, Jucondi, Quinti. In Smyrna Revocati, Firmini Saturnini. Deest in L. Epictetus, et hujus sociis omissis intermediis cum ipso loco, conjungitur Saturninus: In V. et C. sic habebatur. In Africa Epicteti, Jucundi, Secundi, Vitalis, Felicis. C. addit, et septem aliorum.
• 10 IV. Id.Natale Pauli primi eremitæ: qui a sexto decimo anno usque ad centesimum tertium decimum solus in eremo permansit: cujus animam inter apostolorum et prophetarum choros ad cœlum ferri ab angelis Antonius vidit. Eodem die Romæ Melchiadis episcopi et confessoris.Florus addit in A. T. L. Qui post B. Petrum trigesimus secundus per quadriennium rexit ecclesiam.Addit C. et aliorum xii.
• 11 III. Id.In Africa S. Salvii: in cujus natali S. Augustinus verbum fecit ad populum Carthagine.Florus in A. T. Passio sanctorum Poliucti, Candidiani, et Filotomi, qui pariter in confessione Christi perseverantes, igni traditi sunt. A. T. L. In Achaia passio S. Juliani martyris, qui sub Martiano præside in carcere gladio peremptus est.
• 12 II. Id.Apud Achaiam nat. B. Saturi martyris. Ita D. ast V. In Achaia Cyriaci: plene et integre C. et R. In Achaia Cyriaci, Mosanti, Saturi civis Arabiæ, qui transiens ante templum cujusdam idoli, insufflans, cum signasset frontem, corruit. Tenentes eum ibidem observantes, duxerunt ad ducem: et indicantes factum, decollatus est.Hæc ut arbitramur ex ipsa origine verbotenus Beda. Florus in A. T. L. phraseos barbariem sic emollivit. In Achaia natale Saturi Arabiæ civis, de quo fertur, quia dum ante cujusdam idoli templum transiret, et idem idolum in fronte insufflaret ac consignaret, statim corruerit: cujus cultores hoc videntes duci dicunt, narrantes quod fecerat; qua de causa decollationis ictum accepit.V. In Achaia Cyriaci. V. C. In Africa Zotici, Rogati, Modesti. C. Castuli, Coronæ, et militum xi.
• 13 Idibus.In Pictavis depositio Hilarii, Pictavensis episcopi et confessoris, de quo inter alias virtutes fertur quod mortuum suscitaverit.Florus in A. T. L. Qui ob fidei veritatem in Phrygia a Constantio imperatore relegatus est exilio. Hic doctrinis et miraculis valde coruscavit. Idem Florus ibidem: Remis depositio S. Remigii episcopi et confessoris. Hic primus Francorum gentem, cum Clodoveo principe eorum, baptizavit. Qui plurimorum miraculorum signis coruscans, puellam, quam prius dæmonio vexatam sanaverat, postea mortuam suscitavit. Scriptum in gestis ejus. Ibidem ante omnia ponuntur, Octavæ Epiphaniæ, vel Theophaniæ.
• 14 XIX. Kal. Febr.In Campania nat. Felicis presbyteri et confes., de quo inter alia scribit Paulinus episcopus, quia cum a persecutoribus in carcere mitteretur, et cochleis ac testulis vinctus superpositus jaceret, per noctem ab angelo solutus atque eductus sit.Florus in A. T. L. Eodem die in Antiochia natalis clerici diaconi, multis tormentis passi, et in mare mersi.
• 15 XVIII. Kal.Vacat Beda.D. Abacuch et Micheæ prophetarum, et B. Macarii abbatis discipuli B. Johannis. V. In Ægypto Crisconii. C. Tyrsi. V. C. Et depositio Abacuc prophetæ. C. Et S. Remedii episcopi. A. T. In Ægypto passio sanctorum martyrum Crisconi et Tyrsi. Et depositio Abacuch et Micheæ prophetarum. Et depositio S. Mauri abbatis. Et S. Macharii. Et S. Ysidori episcopi. T. S. Mauri abbatis. Eodem die in Ægypto SS. martyrum Crisconi et Tyrsi, et depositio Abacuch prophetæ. L. Depositio Abacuch prophetæ. Et in Ægypto SS. Crisconi et Tirsi. Et eodem die S. Mauri discipuli S. Benedicti.
• 16 XVII. Kal. Febr.Nat. S. Marcelli papæ, qui jubente Maximino imperatore primo fustibus cæsus, et a facie ejus quem corripiebat expulsus est. Deinde audiens quod domum S. Lucinæ, quam ipse proscriptione damnaverat, eo quod de facultatibus suis Christianis donaverit, ecclesiam faceret, atque in ea missas celebraret in media civitate: jussit in eadem Ecclesia plancas sterni ad animalia catabuli publici, et eidem stabulo episcopum ad servitium animalium deputavit cum custodia publica. Ubi etiam post multos annos serviendo, indutus amictu cilicino, defunctus est; et conditus aromatibus, a Johanne presbytero et B. Lucina sepultus est in cœmeterio Priscillæ.Florus in A. T. L. Ipso die in Galliis Peronæ monasterio natalis Fursei abbatis, qui corpore sublatus multa de supernis audivit et vidit: quæ et postea reanimato corpore per duodecim annos multis annuntiavit. Scriptum in gestis ejus.V. C. Arelate depositio S. Honorati episcopi. Passio S. Marthæ.
• 17 XVI. Kal.In Ægypto depositio Antonii monachi.Florus addit in MSS. qui cum esset abstinentissimæ vitæ multis miraculis effloruit: cujus vitam B. Athanasius conscripsit.Et apud Lingones natale geminorum Pseusippi, Elasippi et Melasippi: qui cum essent viginti quinque annorum, cum avia sua Leonilla, et Ionilla et Neone, martyrio coronati sunt, tempore Aureliani imperatoris. Gemini quidem in una arbore suspensi, ligatis manibus sursum, pedibus deorsum, ita extenti ut putarentur ab ipsa membrorum compage separari: et post hæc in ignem præcipitati, nec tamen flammis læsi inter verba orationum simul migraverunt ad Dominum. Hic finit A. [Ionilla hæc videns confessa est se etiam Christianam, et post comprehensa a turbis, a capillis suspensa ac multis afflicta suppliciis, cum Christum negare noluisset, cum Leonilla est simul gladio perempta. Neon exceptor gestorum et ipse Christi nomen confessus, martyrio coronatus est. Docuit autem et baptizavit geminos hos Benignus presbyter, quem misit ab Oriente B. Polycarpus, B. Joannis apostoli auditor, in Galliam, cum Andochio presbytero et Thyrso diacono:] sepulti sunt autem iidem gemini in secundo milliario ab urbe Lingonum.Tornacensi et Letiensi MSS. desunt quæ [ ] uncis inclusa vides: Tornacensi autem etiam extremo loco ponitur S. Antonius. Florus in A. T. L. Bituricas S. Sulpicii episcopi et confessoris: per quem Dominus miracula operari dignatus est præclara.
• 18 XV. Kal.Natalis S. Priscæ virginis et martyris.Florus in A. T. L. Eodem die in Ægypto triginta septem militum, qui in quatuor partes divisi, jussi sunt interfici, ita ut qui in parte orientali segregati erant, igni traderentur, septentrionales vero capite plecterentur, meridiani autem igne cremarentur: illos quippe qui de occidentali constiterant, passioni Dominicæ tradiderunt.C. Et depositio S. Mariæ virginis, matris D. N. Jesu Christi. L. Et passio S. Tyrsæ cum sociis suis. A. Et depositio Attæ abbatis. T. ante omnia hæc habet: Romæ cathedra S. Petri apostoli.
• 19 XIV. Kal.Vacat Beda. D. In Smyrna. B. Germanici martyris, qui sub Marco Antonino et Lucio Aurelio per gratiam virtutis Dei, metum corporeæ fragilitatis excludens, sponte præparatam bestiam provocavit. Apud Spoletum S. Pontiani martyris. V. In Africa Pauli, Quinti, Germani, et aliorum triginta novem. A. T. L. In Africa SS. Pauli, Hermetis, Quinti, Januarii, Successi, Valentis, Publii, Gagi, cum aliis sexcentis. A. Et depositio Marthæ et Mariæ. Et translatio S. Hugonis Rotomagensis archiepiscopi. T. Eodem die depositio S. Launomari abbatis et confessoris. L. Et Hierosolymis SS. Mariæ et Marthæ, sororum Lazari.
• 20 XIII. Kal.Romæ Fabiani episcopi: qui cum viginti quinque annis ecclesiæ præesset, passus est martyrium tempore Decii, et cœmeterio Callixti sepultus. Eodem die S. Sebastianus de Mediolano, qui in tantum carus erat imperatoribus Diocletiano et Maximiano, ut principatum ei primæ cohortis traderent. Quem Diocletianus, ubi Christianum agnovit, nec a fide posse revocari, jussit ligari in medio campo quasi signum ad sagittas, et sagittari a militibus. Qui cum sagittis plenus quasi ericius staret, putantes eum mortuum abierunt. Nocte autem veniens quædam mulier, nomine Herene, tollere corpus, invenit eum viventem, et adduxit ad domum suam, et curam ejus egit. Qui ubi convaluit multos in fide confortavit: [nec mora, ipsis imperatoribus apparens, hos, ut digni erant, corripuit. Tunc jussit eum Diocletianus in hippodromum duci, et fustigari donec deficeret. Quem mortuum in cloacam maximam miserunt: sed ille apparuit in somnis sanctæ matronæ Lucinæ dicens: Juxta circum invenies corpus meum pendens in unco: hoc sordes non tetigerunt: et dum laveris perduces ad catacumbas, et sepelies me in crypta, juxta vestigia apostolorum. Quæ ipsa nocte cum servis veniens totum ita complevit.] Eodem die nat. sanctorum Marii et Marthæ cum filiis suis Audifax et Abacuc nobilium de Persida, qui ad orationem venerant Romam tempore Claudii principis: e quibus, post toleratos fustes, eculeum, ignes, ungues, manuum præcisiones, Martha in nympha necata, cæteri decollati, et cætera sunt omnia incensa. L. Et membra eorum cæsa atque incensa.
• 21 XII. Kal.Romæ S. Agnetis, quæ sub præfecto urbis Sempronio ignibus injecta, sed his per orationem ejus extinctis, gladio percussa est.Florus in A. T. L. Ipso die in Hispania Tarracona civitate, passio sanctorum Fructuosi episcopi, Augurii et Eulogii diaconorum: qui per ignem confessionis suæ gloriam acceperunt sub Æmiliano præfecto, tempore Valeriani et Galieni imperatorum.L. Et in Valeria civitate S. Valerii episcopi et martyris. C. Alibi Felicis, Fructuosi, Ceciliani, Martialis.
• 22 XI. Kal.In Hispania Vincentii diaconi et martyris. Ad Aquas-salvias S. Anastasii monachi et martyris de Persida: qui post plurima tormenta carceris, verberum, et vinculorum, quæ in Cæsarea Palæstinæ perpessus fuerat a Persis, postremum in Perside multa pœna affectus, atque ad ultimum decollatus est a rege eorum Chosroe.Florus in A. T. L. In Valentia civitate Hispaniæ, passio S. Vincentii diaconi sub Daciano præside. Hunc enim præses primo eculeo suspendi jussit et vehementer torqueri. Unde depositus torquetur, tunditur, flagellatur, exuritur, et distentis membris crescebat corpus ad pœnam: sed spiritus, qui Christum Dominum fatebatur, in victoria permanebat. Hactenus Atrebatense, et hinc ad Anastasium transit: alia duo MSS. elogium prosequuntur his verbis. Imprimuntur ardentes pectori laminæ, et liquefactus inter ipsas candentis ferri acies liquor guttis flamma stridente respergitur. Vulnera vulneribus imprimuntur, et supra tormenta desæviunt. Sales ignibus sparsi crepitantibus minutiis per membra dissiliunt: et jam non ad artus tantum, sed ad ipsa viscera suppliciorum tela jaciuntur, nulla jam corporis parte integra remanente. Sed postmodum clausus carcere et super congeriem testarum fragminum missus jacere, non multo post tantis affectus pœnis, invictus fide, defecit corpore.T. Eodem die natale Victoris et Orontii.
• 23 X. Kal.Romæ natalis S. Emerentianæ virginis Christi et martyris, quæ erat collactanea S. Agnetis, et dum oraret ad sepulchrum S. Agnetis, ac simul orantes a gentilium læsione defenderet, lapidata est ab eis.A. Et passio Parmenæ diaconi, et Macarii. C. Eodem die S. Savinæ virginis. T. L. Eodem die natalis S. Macarii martyris.
• 24 IX. Kal.Natale S. Timothei apostoli. Et in Antiochia S. Babyllæ, et trium parvulorum, Urbani, Prilidiani, et Epolonii. Eadem die S. Sabinæ virginis.Florus in A. T. L. In Antiochia passio S. Babilæ episcopi, et trium parvulorum, Urbani, Parilidani, et Epolonii sub Numeriano imperatore: quem imperator per manum Victorini ducis validis catenis ligari jussit, et per civitatem trahi. Post hæc Babilam in eculeo suspendi, et pueros præcepit verberari: quorum primus duodecim annorum, secundus novem, tertius septem fuerat. Deinde pariter in fide et virtute perseverantes, imperator eos gladio ferire jussit. Eodem die Trecas passio S. Saviniani martyris. Et depositio S. Sabinæ virginis, sororis ejus.A. Apud Ephesum natale S. Timothei episcopi et martyris, discipuli Beati Pauli apostoli. Eodem die elevatio corporis S. Autberti Cameracensis episcopi.
• 25 VIII. Kal.S. Gregorii theologi, et natale S. Projecti.Florus in A. et T. In civitate Mileto passio S. Tyrsi, qui passus est sub Cumbricio, Sylvano, et Plaudo proconsulibus in civitate Cæsarea. Hic enim primum jussus est catenis ad pœnam extendi, ut dissiparentur membra ejus. Sed catenis disruptis, vas quoddam jussum est impleri aqua, in quod Martyr deorsum suspensus capiteque mersus flagellaretur. Vase autem virtute Domini dissipato, bis in carcere recluditur et ad audientiam reservatur: postmodum vero resticulis flagellatus, bestiis traditur. Unde illæsus exiens, jussus est fieri locellus, in quo missus medius secaretur. Sed illis deficientibus qui eum secare debuerant, cum B. Tyrsus de locello exiret, divino nutu calcaneus ejus locello adhæsit: quod ille cognoscens, iterum se in locello collocavit, taliterque passionis suæ terminum fecit. In iisdem MSS. et simul in L. Eodem die in pago Arvernico natalis Projecti episcopi et martyris: qui more prophetico electus ab utero, purpurantem stolam servavit in triumpho.C. A. T. L. Conversio S. Pauli apostoli.
• 26 VII. Kal.Natale S. Polycarpi, episcopi Smyrnæ: qui sub Marco Antonino et Lucio Aurelio Commodo, sedente Smyrnæ proconsule, conjurante in eum omni populo, igni traditus est.Florus addit in MSS. A. T. L. Cum esset octoginta sex annorum. L. Scriptum in Historia Ecclesiastica. T. Cum ergo eum catenis ligare vellent, consuetudinem legemque servantes; Permittite me sic, inquit: qui enim mihi dedit velle, largietur et posse, atque ipsum tolerabilem faciet violenti ignis ardorem. Itaque ferro eum nemo vinxit: sed post tergum ligatis manibus, ut devotus aries, passionis limen ingressus est: illicque oratione completa subjiciunt ignem: sed flamma martyris corpusculum nullo violabat amplexu. Totus ergo in igne splendidus factus, pro fœtore mirabilem ex se dedit odorem. Jussum deinde est gladiunculum sancto pectori injicere: quo facto, ecce subito fluente sanguinis copia, de corpore columba processit: ac statim cruore sopitum cessit incendium.T. Eodem die Bethleem civitate transitus S. Paulæ, Deo dicatæ.
• 27 VI. Kal.Vacat Beda.D. Natale B. Joannis cognomento Chrysostomi: qui verbis atque exemplo plurimum Christianæ profuit religioni. V. C. In Africa Dativi et Juliani, Vincentiæ, Secundi, Æmiliani, et aliorum triginta quinque. A. T. L. In Africa passio SS. Secundi et Fortunati. Et natale S. Processi. Et S. Joannis Chrysostomi. In L. deest Processus. In T. primo loco ponitur Chrysostomus: sed perperam in Burgundia.
• 28 V. Kal.Natale S. Agnetis virginis de nativitate.Aliter T. Romæ nativitas S. Agnetis virginis. V. C. Perpetuæ, Juliani, et aliorum quadraginta quatuor. A. In Africa natalis Dativi et Juliani. Eosdem habet L. sed absque loco agonis. T. Eodem die natalis Publiani, Quintilli, Festi, et aliorum. Dativi et Juliani. Et in Burgundia S. Joannis abbatis.
• 29 IV. Kal.Romæ natale SS. Papiæ et Mauri militum, tempore Diocletiani: qui videntes constantiam Saturnini et Sisinnii martyrum, conversi sunt ad fidem, statimque jussum est a Laudicio præfecto, ut os sanctorum, quo Christum confitebantur, cum lapidibus contunderetur, et retruderentur in carcere: ubi baptizati sunt a B. Marcello. Quos post dies duodecim eductos jussit sterni in terram et fustibus cædi: deinde levatos de terra plumbatis cædi, donec expirarent. Quorum corpora colligens noctu Joannes presbyter, sepelivit via Nomentana, ad nymphas B. Petri, ubi baptizabat. Scriptum in Gestis beati papæ Marcelli.
• 30 III. Kal.Vacat Beda.Florus in A. T. L. In Malbodio monasterio depositio S. Aldegundis virginis, quæ ex prosapia regali edita, suasionem matris super conjunctionem mariti spernens, Christum sponsum elegit: unde et ejus allocutione et sæpe angelica meruit perfrui.D. Antiochia passio S. Hippolyti, Hierosolymis S. Matthiæ episcopi. V. C. In Africa Feliciani, Philippi, et aliorum. C. Centum viginti trium. A. T. L. In Antiochia passio S. Ypoliti. In Africa natale SS. Cleri, Pelliani, Philippiani, et aliorum centum viginti trium.
• 31 II. Kal.Vacat Beda.D. Alexandria Mytrani martyris. Trientinæ S. Vigilii episcopi et martyris. V. In Alexandria natale SS. Abbaciri et Joannis, Cyriaci, Tarsi, Galerici, et aliorum quindecim sacerdotum. A. T. L. In Alexandria SS. Tyrsici, Zotici, Ammonis. In Africa SS. Victoris, Publii. L. et Polycarpi. Et depositio S. Veroni confessoris. A. T. Et passio SS. Callini et aliorum quindecim sacerdotum. C. In Alexandria Tarsacii, Zodici, Cyriaci, Tyrsi, Galeni, et aliorum. Et Cyri et Joannis.

• FEBRUARIUS.
• 1 Kalendis.Natale S. Brigidæ virginis.Præponit Florus in A. T. L. in Scotia: deinde subjungit: quæ ab ineunte ætate Christo juncta est amore. Hæc casto proposito sanctissime vivens multis coruscavit miraculis.V. C. In Græcia SS. Polycarpi, Dionysii martyrum. C. Eodem die natalis SS. Aproniani, Fortunati, Feliciani. A. T. L. Eodem die passio SS. Vindemialis et Eugenii. In Augusta civitate S. Ursi episcopi et confessoris. L. Et natale S. Præcordii. L. A. Et passio S. Ignatii martyris. T. Et in Ravenna natalis S. Severini episcopi.
• 2 IV. Nonas.Hypapante Domini. Eodem die natalis S. Aproniani.Addit V. Et Feliciani. C. ad diem præcedentem retulit. L. Et in Hierosolyma depositio B. Simeonis prophetæ: qui a Spiritu Sancto responsum accepit, non visurum se mortem, nisi prius videret Christum Domini.
• 3 III. Nonas.Vacat Beda.D. Beati Celerini Diaconi et Celerinæ aviæ ejus. V. C. S. Blasii episcopi. In Africa Felicis, Simpronii, Laurentii, Ypoliti, Felicitatis. A. T. In Africa Felicis et Felicitatis. In Sebastia Cappadociæ passio S. Blasii episcopi et martyris. Lugduno depositio Lupicini episcopi et confessoris. L. Monte Castriloco translatio S. Waldetrudis. Et in Africa natale Felicis et Felicitatis, et S. Blasii episcopi et martyris.
• 4 II. Nonas.Vacat Beda.D. In civitate Ægypti Tmuium B. Phileæ, ejusdem urbis episcopi, et Philoromi tribuni, et innumerabilium martyrum. V. C. Natale Gemini, Gelasii, Manniæ, Donati, Aquilinæ. A. T. L. Natale Gemini, Gelasi, et Magni.A. Fortassis ex Floro. Ipso die depositio S. Uualdetrudis; quæ in magno honore posita mundum dereliquit, cum sacrum velamen ex manibus B. Autberti pontificis suscepit, sponsumque suum cœlestem sæpissime videre promeruit. Ipso die passio S. Liphardi martyris, Cantorbejæ archiepiscopi.
• 5 Nonis.S. Agathæ virginis in Sicilia, sub Quintiano consule tempore Diocletiani: quæ post alapas et carcerem, post eculeum et tortiones, post mamillarum abscissionem, sed a Domino sanationem, post volutationem in testulis et carbonibus, tandem in carcere consummata est.L. In Gandavo depositio S. Bertulfi confessoris.
• 6 VIII. Idus.Vacat Beda.Florus in A. T. L. sed ordine ob S. Vedastum in A. mutato. Elnone monasterio depositio S. Amandi episcopi: qui multorum miraculorum virtutibus pollens, inter alia fertur, quod reum cui ante mortem a sævo judice vitam non potuit impetrare, post mortem a pio judice Christo vitam impetravit et salutem. Eodem die Atrebata civitate depositio S. Vedasti episc. et confessoris: hic dum plurimorum miraculorum signis rutilaret, diversis diversas impertiens sanitates, gentem Francorum barbaricam ad fidem paulatim convertit Catholicam.D. Cæsarea Cappadociæ S. Dorotheæ virginis et Theophili scholastici. V. C. A. T. Romæ via Appia passio Soteris virginis. Et S. Dorotheæ virginis.
• 7 VII. Idus.Britanniis in Augusta natale Augusti episcopi et martyris.Addunt V. et C. interposito commate, Et martyris Anatolii. A. T. L. Et sanctorum Statiani et Saturnini.
• 8 VI. Idus.Vacat Beda.D. Dionysii, Æmiliani, et Sebastiani. Alexandria S. Coyntæ martyris. V. C. Natale S. Inventii episcopi et confessoris. V. C. A. T. L. Romæ depositio S. Pauli episcopi. Lucii. C. Et alibi, Luci et depositio Thomæ. A. T. L. Et Julii papæ. In Armenia SS. Dionysii et Sebastiani.
• 9 V. Idus.Vacat Beda.D. Alexandriæ S. Apolloniæ virginis. V. C. Natale Alexandriæ et aliorum triginta octo. V. Depositio Thomæ. A. T. L. Sueno apud Cyprum natale Alexandri, Ammonis, et Didymi. L. In Fontanellæ monasterio depositio S. Ansberti archiepiscopi Rotomagensis. C. Eodem die ædificatio B. Benedicti abbatis, et S. Senæ virginis.
• 10 IV. Idus.Romæ SS. Zotici, Irenæi, Hyacinthi, et Amantii.Addit C. Et aliorum nonaginta. A. T. L. Eodem die in Campania natale S. Sylvani episcopi et confessoris. V. C. A. T. L. Et S. Scholasticæ virginis. A. T. Ipso die in Bethleem Judæ, sub Herode rege, passio SS. Andreæ et Apori. A. L. Et S. Soteris. L. Et elevatio S. Gertrudis virginis.
• 11 III. Idus.Romæ Calloceri et Parthenii. Eodem die Lugduno Desiderii episcopi.A. T. L. In Campania natale Basiliani et Amantii.
• 12 II. Idus.Vacat Beda.D. Barcinona Eulaliæ virginis et martyris. Alexandriæ Modesti et Ammonii. V. C. In Africa passio Damiani militis. Carthagine Modesti, Juliani. A. T. L. In Africa passio S. Damiani martyris. In Italia depositio Simplicii episcopi. In insula Ratensi natale S. Basilii monachi. T. In civitate Carthagine natalis SS. Saturnini presbyteri, Dativi, et Felicis.
• 13 Idibus.Vacat Beda.D. Agabi prophetæ in Novo Testamento apud Antiochiam. S. Polyocti martyris Melitena Armeniæ. V. C. In Nicomedia passio S. Juliani. Et alibi S. Dicentii. Et depositio Stephani episcopi. A. T. L. In Nicomedia passio S. Juliani martyris. In Alexandria natale SS. Tulliani et Ammonii. Lugduno depositio B. Stephani episcopi.
• 14 XVI. Kal. Martii.Natale S. Valentini presbyteri Romæ: qui post multa sanitatum et doctrinæ insignia fustibus cæsus, et sic decollatus est, sub Claudio Cæsare. Eodem die natale S. Valentini Interamnensis episcopi: qui tentus a paganis ac virgis cæsus, et post diuturnam cædem custodiæ mancipatus, cum superari non posset, mediæ noctis silentio ejectus de carcere decollatus est, jussu furiosi Placidii urbis præfecti. Huc usque A. Tunc Proculus, Efybus, et Apollonius, discipuli ejus, transferentes corpus ad suam ecclesiam Interamnanam urbem, noctu sepelierunt: ubi cum quotidianis vigiliis incubarent, tenti a gentilibus, custodiæ sunt traditi consulari Leontio. Quos ille jussit medio noctis suis tribunalibus præsentari: et cum a fide revocari nec blandimentis nec minis possent, jussit capite cædi: qui non longe sunt a corpore S. Valentini sepulti.A. T. L. Eodem die natale SS. Vitalis, Feliculæ, et Zenonis. L. In Alexandria Bassiani, Orionis, Agathonis: qui igue combusti sunt.
• 15 XV. Kal.Vacat Beda.Florus in A. T. L. Bituricas depositio S. Austregisili episcopi et confessoris: qui in Dei rebus magnificus atque insignis fuit.D. Romæ S. Cratonis martyris. Apud Sebastiam passio S. Blavii episcopi. V. C. Interamnæ natale S. Agapæ virginis, Saturnini, Castulii, Magni. V. In Antiochia Joseph diaconi et Romani, Lucii, Rogati. C. Lucium Interamnensibus jungit. A. T. addunt S. Agapæ socios martyres xxx. T. Et depositio S. Salvini episcopi et confessoris. Ipso die passio S. Desiderii episcopi et martyris. Eodem die in Antiochia natalis SS. Josippi et Rufini. L. Ipso die SS. Joannis, Magni, et Josephi diaconi.A. Ipso die Tarvennæ civitatis depositio B. Silvini ejusdem civitatis episcopi. Hic dum in corpore vixit multis miraculorum effulsit signis: et, ut liber vitæ ejus elucidat, magnæ abstinentiæ fuit, volens talenta sibi commissa cum usuris sine fraude suo reddere Creatori. Postea de Ægypto ad terram promissionis vocatus, cum Deo vivit, possidens gaudia perpetuæ felicitatis. Quæ Flori stylum sapiunt.
• 16 XIV. Kal.S. Onesimi apostoli. Et in Cumis natale S. Julianæ virginis: quæ tempore Maximiani imperatoris primo a suo patre Africano cæsa et graviter cruciata a præfecto Eolesio, quem sponsum habuerat, nuda virgis cæsa et a capillis suspensa, et plumbo soluto a capite perfusa. Huc usque A. et rursum in carcere recepta, ubi palam cum diabolo conflixit, et rursum evocata, rotarum tormenta, flammas ignium, ollam ferventem superavit, ac decollatione capitis martyrium consummavit. Quæ passa est quidem in Nicomedia: sed post paucum tempus Deo disponente in Campaniam translata.V. C. Alibi Maximæ, Junellæ, et quinquaginta quatuor. L. Et depositio Tetrardi episcopi.
• 17 XIII. Kal.In Babylonia natale Polocronii episcopi ejusdem civitatis: qui præsente Decio persecutore os lapidibus cæsus, manibus extensis oculos ad cœlum elevans, emisit spiritum. Scriptum in passione S. Laurentii.L. Ipso die SS. Donati, Secundiani, Casti, et Marcelli. V. C. Eodem die S. Faustini martyris et aliorum quadraginta quatuor, quorum nomina Deus scit.
• 18 XII. Kal.Vacat Beda.D. Hierosolymis Simeonis episcopi et martyris. V. In Africa SS. Rutuli, Silvani, Classici, Secundini, Fructuli. A. T. In Africa Rutuli, Damasi, Silvani, Casici. Et depositio S. Martialis episcopi. L. In Africa natale SS. Rutuli, Damasi. Ipso die Salvini et Paulini.
• 19 XI. Kal.Vacat Beda.D. Romæ Gabinii presbyteri et martyris. V. In Africa Publii, Juliani, Marcelli, Lampasii, Maiuli. Iidem præter Lampasium sunt in A. T. L. sed ultimo loco refertur Marcellus: qui in L. Marcellinus. C. In Africa Marubii, Publii, Juliani, Marcelli, Tullii, Jamnasii, Juli, Victoris, Coronæ.
• 20 X. Kal.Vacat Beda.D. Apud Tyrum martyrum quorum numerum Dei scientia sola colligit. V. C. Apud Cyprum natale Potaminæ. Romæ via Appia depositio Gagi episcopi. A. T. L. Romæ via Appia in cœmeterio Calixti depositio Gagii episcopi. Apud Cyprum natale sanctorum Potamiæ et Didymi. A. T. Et alibi Victoris martyris. T. primo loco, In civitate Tornaco depositi S. Eleutherii, ejusdem urbis episcopi et confessoris.
• 21 IX. Kal.Vacat BedaD. Sicilia martyrum septuaginta novem qui sub Diocletiano passi sunt. V. C. In Africa natale SS. Veroli, Secundini, Servuli, Siricii, Felicis. C. Saturnini. A. T. L. In Africa natale SS. Secundi, Servuli, Juliani, Saturnini, Felicis, et aliorum septemdecim. Primus deest in L.A. primo loco, Nobiliaco monasterio dedicatio ecclesiæ S. Vedasti episcopi et confessoris: quæ per revelationem angelicam B. Autberto episcopo manifestata est.
• 22 VIII. Kal.Apud Antiochiam cathedra S. Petri.Addit V. et C. Et S. Theclæ. A. T. Nicomedia natale S. Theclæ virginis, discipulæ S. Pauli apostoli. Romæ via Tiburtina ad S. Laurentium natale S. Concordiæ. In Sirmio natale S. Serenæ: quæ tempore Maximini plexione capitis suscepit martyrium. Eadem habentur in L. sed abest Concordia.
• 23 VII. Kal.Vacat Beda.D. Apud Sirmium Sinerii monachi, et sexaginta duorum martyrum. V. C. In Asia Polycarpi episcopi cum aliis duodecim et S. Herotis. A. T. L. Nativitas S. Joannis evangelistæ. A. T. Smyrnæ natale sanctorum de antiquis Heroti et Garphori. T. interponit: Eodem die natalis S. Polycarpi presbyteri et confessoris. L. Et in Pannoniis SS. Antigoni, Rutuli, Libii, Ominandri, et Zenonis.
• 24 VI. Kal.Inventio capitis Joanuis præcursoris, et natale S. Matthiæ apostoli.Addit Florus in A. T. L. Qui ex discipulis septuaginta sorte electus pro Juda Scarioth duodecimus inter apostolos subrogatus est.Similia habet V. et subjungit: solus sine cognomento, cui datur Evangelii prædicatio in Judæa. A. T. In Nicomedia natalis Luciani presbyteri. L. Et Romæ S. Primitivi. V. Primitivæ. C. Romæ natale S. Primitivæ.
• 25 V. Kal.Vacat Beda.D. Apud Ægyptum Victorini, Victoris, Nicephori, et aliorum martyrum. V. C. In Africa Donati, Justi, Herenei, Ingenui, et aliorum quadraginta quinque. A. T. L. In Africa natalis SS. Donati et Justi. In Pamphilia natalis Nestoris et Castæ. Et depositio S. Eugeniæ. Abest hæc a L. et pro Casta Castus legitur.
• 26 IV. Kal.Vacat Beda.D. Pergen Pamphiliæ B. Nestoris episcopi. V. C. Natale SS. Alexandri, Nestoris. V. Fortunati. V. C. et aliorum viginti sex. A. T. L. In Alexandria natalis SS. Felicis et Alexandri, Nestoris. Ultimus abest a L.
• 27 III. Kal.Vacat Beda.D. Apud Alexandriam Julianæ martyris. V. C. Alexandri, Abundantii, Januarii, Dionysii, et aliorum viginti quatuor. A. T. L. Romæ via Aurelia natalis S. Felicis episcopi et martyris. Smyrna Asiæ natalis SS. Serviliani, Daciani, et Leandri. T. Et translatio S. Ragnulsi martyris.
• 28 II. Kal.Vacat Beda.D. Alexandria Metrani martyris et aliorum. V. C. Natalis SS. Celeris, Pupilli, Serapionis, Justi. V. Candidi. C. Claudiani. A. In Alexandria natalis SS. Dionysii, Claudiani, et Theophili. T. L. In Alexandria natalis SS. Serapionis, Celeris, Claudii. Addit T. Victorini, Saturnini, Alexandri, et Victoris.

• MARTIUS.
• 1 Kalendis.Vacat Beda.D. Sanctorum ducentorum sexaginta, qui temporibus Claudii passi sunt. V. C. Natale SS. Leonis, Donati, Habundantii, Nicefori, et aliorum novem. A. T. L. In Africa passio S. Leonis et Donati. Et in Andegavis civitate depositio S. Albini episcopi, cujus vitam Fortunatus presbyter conscripsit comptam miraculis. Abest hoc ultimum a L. et primo loco ponitur, Depositio Moysi hominis Dei.
• 2 VI. Nonas.Vacat Beda.D. Romæ Joviniani et Basilei et plurimorum martyrum.V. C. In Cæsarea Cappadociæ Lucæ episcopi, Primitivi. Romæ Pauli, Januarii. V. Marini. C. Antigoni, Januarii. A. T. L. In Cæsarea Cappadociæ natalis Lucæ episcopi, Januarii et Primitivi. T. Eodem die in portu Romano in cœmeterio Pauli natalis Secundolæ et Januariæ virginum.
• 3 V. Nonas.Vacat Beda.D. SS. Emytherii et Celedonii et Calagurri martyrum. V. C. A. T. L. Felicis, Justi, Fortunati. V. Marciæ Antigoni, Januarii. T. præponit locum agonis. In Africa natale SS. &c.
• 4 IV. Nonas.Vacat Beda.D. Lucii papæ et martyris, et aliorum octingentorum martyrum. V. C. Natalis martyrum octoginta decem. Romæ depositio Julii episcopi, et aliorum viginti septem. A. T. L. Romæ depositio Julii episcopi, Sisinnii et Gagi. Et via Appia natale sanctorum martyrum octingentorum. L. tamen hos conjungit prioribus et pariter omnes in cœmeterio via Appia collocat. A. T. Nicomediæ passio S. Adriani cum aliis viginti tribus et Nataliæ uxoris ejus.
• 5 III. Non.Vacat Beda.D. Antiochia S. Phocæ martyris, et S. Eusebii palatini, et aliorum octo martyrum. V. C. In Africa Adriani. In Antiochia passio S. Focæ. C. et aliorum xii. A. T. L. Natale SS. Adriani, Rustici, Victoris, et Eusebii. L. præmittit locum: in Antiochia. A. deest Victor. A. T. Antiochiæ passio S. Focæ virginis. T. Eodem die in Gallia civitate Suessionensi depositio S. Drautionis episcopi.
• 6 II. Non.Vacat Beda.D. A. T. L. Nicomedia Victoris et Victorini. Addit D. qui in carcere mortui sunt. A. T. Et depositio S. Claudiani. T. et Diodori et Mercurii. L. Claudianum et Mercurium jungit duobus primis. V. C. plenius et distinctius de his: In Nicomedia Victuris, Victurini, qui per triennium in persecutione apud Apamiam civitatem Bithiniæ exhibiti cum Claudiano et Bassa uxore ejus: qui ex laicis tenti atque tormentis multis afflicti et retrusi in carcerem ibidem vitæ suæ cursum impleverunt. Quid si forte hæc sint Bedæ in aliis MSS. temere omissa? Sic videtur Ado reperisse et transcripsisse Notkerus.
• 7 Nonis.Apud Carthaginem Perpetuæ et Felicitatis, quæ bestiis sunt deputatæ sub Severo principe: et cum Felicitas parturiret in carcere, omnium militum qui simul patiebantur precibus impetratum est, ut octavo mense pareret. Jam vero Perpetuæ inter alia concessum est, ut ejus mens quodammodo averteretur a corpore, in quo vaccæ impetum pertulit: ita ut adhuc futurum expectaret, quod in se jam gestum esse nesciret.L. Et S. Cassiani episcopi.
• 8 VIII. Idus.Vacat Beda.D. Carthagine Pontiani diaconi et beati Cypriani martyris. V. C. Nicomedia Quintilli episcopi. In Africa Rogati, Felicis, Felicitatis. A. T. L. In Africa natalis sanctorum Rogati, Felicis, Urbani, et Cyrilli episcopi. T. L. In Nicomedia Quintilli episcopi et Capitulini.
• 9 VII. Id.In Sebaste in Armenia minore, quadraginta militum, tempore Licinii regis, sub præside Agricolao: qui post vincula et carceres creberrimos, post cæsas lapidibus facies, missi sunt in stagnum; ubi gelu constricta corpora eorum noctu disrumpebantur, et mane crurifragio martyrium consummarunt. Deinde corpora eorum combusta et in flumen projecta, sed dispensatione divina reliquiæ eorum sunt integræ repertæ, et digno honore conditæ. Erant autem nobiliores inter eos Quirion et Candidus.
• 10 VI. Idus.Vacat Beda.D. Apamia Alexandri et Gaii de Eumenia. Perside quadraginta duorum martyrum. V. C. In Nicea Gorgonii, Palatini, Firmi. V. C. A. T. L. In Antiochia Agapæ virginis. T. L. et Marianæ. A. T. In Antiochia natalis SS. Firmiani et Palatini. T. L. Et in Alexandria natalis SS. Candidi et Valerii.
• 11 V. Idus.Vacat Beda.D. Sebasten Armeniæ minoris quadraginta martyrum sub Licinio. V. C. Carthagine Eraclii, Zosimi. In Alexandria Gagi, Candidi. C. et alii xv. A. T. L. In Nicomedia SS. Gorgonii, Eraclii, Alexandri: sed deest in L. locus agonis. T. In Carthagine Zosimi. In Alexandria natale SS. Candidi, Marciani, Quirilli. L. In Carthagine Zosimi, Candidi, Martiani, Quirilli. A. In Pago Atrebati depositio S. Vindiciani.
• 12 IV. Id.Depositio S. Gregorii papæ beatæ memoriæ.Florus in A. T. L. Et in Nicomedia passio Pioni presbyteri: qui passus est sub proconsule Asiæ Julio Proclo et Quintiliano: qui post carceres et corporis dilacerationem confixus ligno, cum Metrodoro presbytero igni traditus est.V. C. Nicomediæ Egdoni presbyteri et aliorum septem suffocatorum diebus singulis. C. ut aliis videntibus timor incuteretur. Romæ depositio Innocentii episcopi: qui etiam nominatur in A. T. L.
• 13 III. Id.In Nicomedia natalis Macedonii presbyteri, et Patriciæ uxoris ejus, et filiæ Modestæ.A. T. L. Et S. Eufrasiæ virginis.
• 14 II. Id.Vacat Beda.D. Romæ martyrum quadraginta septem militum a B. Petro apostolo baptizatorum. V. C. In Nicomedia Felicissimi, Dativi, Frontinæ, Pionis. Sed postremos duos C. connectit Modestæ die præcedenti. A. T. In Alexandria passio S. Petri martyris. A. Eufrosii et Frunimii. Et S. Leonis papæ. T. In Thessalonica natalis SS. Alexandri et Eufrosii, et S. Frunimii. L. In Alexandria SS. Alexandri et Eufrasii. B. quod hucusque habemus acephalum. In Africa Alexandri, Petri. Antiochia Nicomediæ Pionis.
• 15 Idibus.Vacat Beda.D. Thessalonica Matronæ ancillæ et martyris. B. C. In Cappadocia S. Longini. B. C. V. In Nicomedia Luci episcopi. V. C. Carthagine S. Jacobi fratris Domini. B. Carthagine Pauli, Salvatoris, Alexandri, Theophili, Octavi, Theodoli. A. T. L. Ierosolyma natale SS. Jacobi apostoli et Lucæ evangelistæ. In Nicomedia natalis S. Luci episcopi et martyris. In A. recentiori manu correctum erat Luciani. C. Et vigilia S. Cyriaci.
• 16 XVII. Kal.Apr. Romæ natalis S. Cyriaci: qui post longam carceris macerationem, quam sub Maximiano pertulit, cum Sisinnio diacono suo et Smaragdo et Largo, post multa facta miracula, in quibus filiam Diocletiani Artemiam ipsius rogatu a dæmonio curavit et baptizavit, [hucusque A.] filiam quoque Saporis regis Persarum Jobiam, missus illuc a Diocletiano pro hoc, æque a dæmonio liberavit ac baptizavit, cum ipso rege et aliis quadringentis triginta, [hucusque S. Cyriaci et deficit usque 18 Julii,] rediens Romam post mortem Diocletiani, tentus est inter alios Christianos a filio ejus Maximiano, et in custodiam missus, eo quod sororem suam Christianam fecisset. Deinde præcepit ut die processionis suæ nudus, catenis obligatus, ante rhedam ejus traheretur: et post hæc eductus est e carcere, cum sociis Largo et Smaragdo et Crescentiano, per Carpasium vicarium, et pice eliquata caput ejus perfusum est. Denuo de carcere in catasta extentus, attractus nervis, et fustibus cæsus, post hoc jubente Maximiano capite truncatus est, cum Largo et Smaragdo et aliis viginti. Scriptum in gestis Marcelli papæ. Ipso tempore Maximianus interfecit sororem suam Arthemiam.B. In Nicomedia Castoris, Dionysii, Nonni, Sereni, Quiriacæ.
• 17 XVI. Kal.In Scotia S. Patricii confessoris. Eodem die obitus S. Gertrudis virginis.In Rabano deest Gertrudis. In B. ponitur in Niviala. deinde Romæ Alexandri episcopi et Theodoli diaconi. B. Hierosolymæ Quiriaci episcopi.
• 18 XV. Kal.Vacat Beda.D. S. Alexandri episcopi, qui cum Narcisso Hierosolymitanæ ecclesiæ gubernaculum suscepit. V. B. T. In Alexandria Collegi diaconi. V. B. Rogati, Saturi. Romæ Pigmenii presbyteri. A. T. L. In Campania natalis SS. Rogati, Victoris. A. T. et S. Luciani. T. L. et Mauri. L. et Saturnini. B. In Nicomedia Apurilis, Servuli. In Campania Quinti, Luciani, Victoris, et Mauri. In Mauritania Currenti et Timothei.
• 19 XIV. Kal.Vacat Beda.D. Pararense civitate S. Joannis magnæ sanctitatis viri. B. V. L. In Cæsarea Cappadociæ S. Theodori presbyteri. B. In Africa Lucillæ, Basii, Apollonii, Ammonii. A. T. In Africa depositio S. Leonis episcopi et confessoris. Et S. Quinti. Eodem die natalis Theodori episcopi. Et S. Landualdi archipresbyteri et confessoris.
• 20 XIII. Kal.S. Gutberti episcopi.Perperam A. et T. In Africa. V. B. In Antiochia S. Joseph. V. B. In Syria Pauli. B. Cyrilli, Exuperii. D. Archippi commilitonis Pauli apostoli. A. T. Et depositio Wulfranni episcopi et S. Valentini. T. Romæ via Appia natalis Fabiani episcopi et martyris.
• 21 XII. Kal.S. Benedicti abbatis.Addit in L. forte Florus: qui maximis elucens virtutibus regulam monachorum et ordinem descripsit. Hujus vitam beatus papa Gregorius claro stylo dilucidavit.A. T. L. B. In Alexandria natalis SS. Serapionis monachi et Amatoris. D. Et Serapionis anachoretæ.
• 22 XI. Kal.Vacat Beda.Florus in A. T. L. Civitate Narbona natale S. Pauli episcopi: quem ita labor domesticus et tribulatio exercuit, ut eum verum Domini famulum approbaret.D. Narbonæ S. Pauli episcopi discipuli apostolorum. V. B. In Narbona civitate S. Pauli confessoris. V. In Africa Saturnini.
• 23 X. Kal.Vacat Beda.Florus in A. T. L. In Antiochia Theoderici presbyteri: qui tempore Juliani imperatoris gladio percussus occubuit.D. In Africa martyrum Victoriani, Frumentii, et duorum germanorum. V. B. In Africa Fidelis. In Antiochia Theodori presbyteri. V. Juliani. B. In provincia Carmillæ, Pauli, Cæsareæ, Juliani. L. Et SS. Pauli et Juliani.
• 24 IX. Kal.Vacat Beda.D. Romæ Pigmenii presbyteri et martyris. B. In Syria Seleuci. In Africa Agapiti, Romuli. V. Rogati. A. T. L. In Syria natalis SS. Seleuci, Agapiti, et S. Romuli. T. L. B. Et in Mauritania Veruli, Felicis, et Saturnini. B. et aliorum xvi. Ibidem ante alios tres, Secunduli.
• 25 VIII. Kal.Annuntiatio Dominica. Natale Dulæ ancillæ militis: quæ pro castitate occisa est. Et Romæ Cyrini: qui interfectus est a Claudio et in Tiberim jactatus, in insula Lycaonia inventus, et in cœmeterio Pontiani conditus est. Scriptum in passione S. Valentini.V. primo loco: In Hierosolyma D. N. Jesus Christus crucifixus est: ultimo loco, et quadraginta martyrum et S. Theodolæ. A. secundo loco, Et Crucifixio Christi: ultimo, et depositio confessoris Christi et episcopi Monas. T. apud Nazareth civitatem Galileæ, ut fides fidelium adorat, veneratur et prædicat, virginem Dominum parituram angelus Gabriel venerando salutat. Eodem die crucifixio D. N. Jesu Christi secundum carnem. Et victoria Michaelis archangeli. B. In Nicæa Victorini, Alexandri, Eufratæ, Cassulæ, Nicostrati, Lucillæ, et quadringentorum martyrum. Alibi S. Theodolæ.
• 26 VII. Kal.In Sirmio Montani presbyteri, Maximæ uxoris ejus, et aliorum quadraginta.Florus in A. T. L. Eodem die Romæ S. Castuli martyris, qui tempore Diocletiani cum fuisset arctatus, et tertio appensus, tertioque auditus, in confessione Domini perseverans, missus est in foveam, et dimissa super eum massa arenaria, talique martyrio migravit ad Christum. Scriptum in Gestis S. Sebastiani.B. In Antiochia Timothei, Diogenis. In Africa Victoris, Saturnini, Salvatoris, et aliorum xii.
• 27 VI. Kal.Vacat Beda.D. Apud Ægyptum Joannis eremitæ. V. Natale S. Marciani. In Africa Romuli, Donati. Et Resurrectio D. N. Jesu Christi. A. T. Resurrectio Domini. A. T. L. In Nicomedia natale SS. Pastoris et Victorini. A. T. In Africa natalis Romuli. B. In Africa Romuli, Maroli, Successi. In Pannonia passio S. Alexandri mart.
• 28 V. Kal.Vacat Beda.D. Cæsarea Palæstinæ martyrum Prisci, Malchi, et Alexandri. V. In Cæsarea Rogati, Alexandri, Dorothei. L. omittit Dorotheum. A. et T. Alexandrum. quo etiam omisso B. habet Audactam. addit T. et alii decem. B. In Tarso Ciliciæ Castori. B. T. L. In civitate Cabulon depositio Guntranni regis.
• 29 IV. Kal.Vacat Beda.D. Apud Africam confessorum Armogasti, Archinimi, et Satyri. V. B. Nicomediæ Pastoris, Victorini, et Saturnini. B. et aliorum trium. A. T. In Nicomedia natale SS. Pastoris et Victoris. Et depositio S. Saturnini. A. Et ordinatio S. Gregorii papæ. B. T. L. In Antiochia natale S. Theodori presbyteri et Juliani. L. Et in Nicomedia S. Victoris.
• 30 III. Kal.Vacat Beda.D. Romæ Quirini tribuni. V. In Thessalonica civitate Domnini et Palatini. B. interponit Philophili. B. Et alibi Victoris, Marcellini, Saturnini, et Eulaliæ virginis. A. T. Natale S. Eulaliæ virginis et Palatini. A. T. L. In Silvanectis depositio S. Reguli episcopi et confessoris.
• 31 II. Kal.Vacat Beda.D. Romæ S. Balbinæ virginis. V. B. In Africa Anesii, Felicis, Diodoli, Corneliæ, Valeriæ. A. T. In Antiochia natale S. Romani monachi. A. T. L. Et S. Corneliæ virg. T. L. In Africa natale SS. Felicis, Anesii, Diodoli.

• APRILIS.
• 1 Kalendis.In Thessalonica natale Agapes et Chioniæ, sub Diocletiano: quæ primo in carcere maceratæ, postea in ignem missæ sunt; sed intactæ a flammis post orationem ad Deum fusam animas reddiderunt.V. Natale Paterni, Quintiani, Victuris. B. In Ægypto passio SS. Victoris et Stephani. In Armenia natale SS. Partini, Quintiani, Secundi.
• 2 IV. Nonas.Vacat Beda.Florus in A. T. L. Lugduno natale S. Niceti episcopi et confessoris: qui vir totius sanctitatis, conversationis castissimæ, caritatis eximiæ vita perfunctus est.D. Cæsarea Cappadociæ Theodosiæ virginis. V. In Africa Amsani, Victuris, et aliorum decem. Et Marcelli. B. In Africa natale SS. Amphiani, Victoris, et aliorum xiv. Et alibi Marcellini, Quiriaci, cum aliis sex. Lugduno Galliæ depositio S. Niceti episcopi. T. Eodem die Luxovio depositio Eusebii abbatis. A. Eodem die natalis S. Mariæ Ægyptiacæ.
• 3 III. Nonas.Vacat Beda.Florus in A. T. L. Romæ S. Sixti papæ et martyris qui [dum cathedræ B. Petri Romæ decem annis præsideret, constituit ut intra actionem sacerdos incipiens populo hymnum decantaret, videlicet Sanctus, Sanctus, Sanctus; Dominus Deus Sabaoth, &c.] martyrioque coronatur tempore Veri et Anniculi.D. Thessalonicæ virginum Agapes et Chioniæ. V. B. In Cæsarea Palæstinæ Theodosiæ virginis: in Nicomedia Donati. T. A. L. In Cæsarea Palæstinæ natale S. Theodosiæ virginis. Et in Sicilia natale SS. Evagrii et Benigni. B. C. In Cilicia natale SS. Thomæ, Evagri. B. Benignæ, Rufi, Patricii. Et passio S. Ampriani martyris.
• 4 II. Nonas Aprilis.Mediolano depositio S. Ambrosii confessoris.Addit Florus in A. T. L. Qui ingentibus doctrinis coruscavit et virtutibus.B. In Thessalonica nat. SS. Agathonis diaconi, Theodoli. Alibi Pauli, Mantutini, Orbani.
• 5 Nonis.In Thessalonica natale Irenes: quæ post tolerantiam carceris et interrogationes sagitta percussa est a Sisinnio comite: sub quo et sorores ejus Agape et Chionia martyrizaverunt.V. In Sicilia Taraci. C. In Nicomedia natalis Claudiani, Taraci. B. In Nicomedia natalis SS. Martiani, Nicandri, Apollonii. In Alexandria natale SS. Didymi presbyteri, Quirici, Pancrati, Successi.
• 6 VIII. Idus.Vacat Beda.Florus in A. T. In Sirmiensium civitate passio S. Irenei episcopi: qui gladio est percussus tempore Diocletiani imperatoris.D. Xysti papæ et martyris, temporibus Hadriani passi. V. Nicomediæ, Firmi, Irenei episcopi. Et alibi natalis S. Marinæ. A. T. L. Libya superiori natale SS. Theodori episcopi, Erenæi diaconi, et Serapionis.T. L. B. In Africa natale S. Epiphanii episcopi, Donati, Rufini, Modesti, et aliorum undecim. C. In Africa natale Epiphaniæ, Rufini. B. In Nicomedia Firmi, Benerei episcopi. In Sirmia Rufinæ, Moderatæ, Romanæ, Secundi, cum aliis septem. In Macedonia Timothei, Diogenis.
• 7 VII. Idus.Vacat Beda.Florus in A. T. In Chalcedonia passio S. Eufemiæ et Eucapiæ: quæ multa tormenta pro Christi nomine tolerantes, requieverunt in Christo.D. Hegesippi, qui vicinus apostolorum extitit. V. C. B. L. T. In Antiochia Syriæ Timothei, Diogenis, Macariæ. Deest postrema in L. et T.; in B. additur Maximæ. Et alibi Eleusi presbyteri. Libyæ superioris, Copricæ et Victori. In Alexandria nat. S. Peleusii presbyteri.
• 8 VI. Idus.Vacat Beda.D. Turonis Perpetui episcopi. C. In Africa Timoris et Machari. V. In Africa Macarii, Conexi, Maximæ, Concessi. B. In Africa Timoris, Macharii, Conexi, Maximæ. Et alibi Concessi, Ammonii, et Successi. L. In Africa SS. Macarii, Conexi, et Maximi. A. T. L. Et depositio S. Salvatoris et S. Mariæ Ægyptiacæ. A. T. In Africa natale S. Macarii et S. Frontini monachi.
• 9 V. Idus.In Sirmio natale septem virginum, quæ in unum meruerunt coronari.A. T. L. B. Et natale S. Demetrii diaconi. B. Hylarii, Concessi. Et alibi Fortunati, Donati. A. Et depositio S. Hugonis Rothomagensis episcopi. T. Eodem die natale S. Mariæ Ægyptiacæ. L. Et translatio S. Waldetrudis.
• 10 IV. Idus.Ezechiel prophetæ.B. In Alexandria Apollonii presbyteri, Saturnini, Concessi. In Thracia natale Gaiani. A. T. Natale S. Saturnini. A. T. L. In Africa natale SS. Successi et Marcelli.
• 11 III. Idus.Romæ Leonis papæ et confessoris.B. In Salmona Dalmatiæ Domionis episcopi, et militum octo: et Dalmati. In Africa Fortunati et aliorum ducentorum quadraginta. A. T. Et Domnini episcopi. Et S. Dalmatii. V. Donati et aliorum ducentorum quadraginta et unius. A. Eodem die Noviomo depositio S. Godebertæ eximiæ virginis, quæ in pago Ambianensi nobili prosapia orta extitit. T. Eodem die Lugduno depositio Fiagri et Patricii.
• 12 II. Idus.Romæ depositio Julii episcopi et confessoris: qui sub Constantio Arriano, filio Constantini, decem mensibus tribulationes et exilia perpessus, post ejus mortem cum magna gloria ad suam sedem reversus est.Addit V. Positus ad S. Mariam in Transtiberim. C. In Capua Cyprianæ. B. In Capua natale SS. Cypriani, Novellæ, Silvani. In Cepingo civitate depositio B. Constantini episcopi. Et alibi Euphemiæ, Macharii, et aliorum novem.
• 13 Idibus.Vacat Beda.D. Pergamum Asiæ Carpi presbyteri, et Agathonicæ, et aliarum multarum. B. V. A. T. L. In Chalcedonia natale S. Euphemiæ virginis et martyris. addunt T. L. B. Et Eucapiæ, B. post multa tormenta requiescentium. V. Secutoris, Caroli, Januarii. A. T. Eodem die natale S. Secutoris. B. Et alibi Januari, Pauli.
• 14 XVIII. Kal. Maii.Romæ Tiburtii, Valeriani, et Maximi, sub Almachio urbis præfecto: quorum primi fustibus cæsi et gladio sunt percussi, ultimus tamdiu plumbatis verberatus, donec spiritum redderet.B. Valeriani, Quiriaci, Optati. Interamnæ Proculi, Valentini. In Alexandria Frontoris monachi.
• 15 XVII. Kal.In civitate Cordula natale Olympiadis et Maximi nobilium: qui jubente Decio fustibus cæsi et deinde plumbatis, ad ultimum eorum capita securibus tunsa sunt, donec emitterent spiritum.B. In Mesopotamia Archelai, Cypriani, Diogenis, cum duobus fratribus. In Hispaniis Cæsareæ passio SS. Luberti, Apomidi, cum duobus fratribus.
• 16 XVI. Kal.Vacat Beda.D. Corinthum Calixti et Carisii, cum aliis septem, in mari mersorum. V. In Achaia Corintho civitate Calixti, Leonidis. Et passio sanctorum omnium in mari martyrum. B. In Achaia Corintho civitate natale SS. Calisti, Carissi, Leonidis, Lotæ, Tertiæ, Christianæ, Gallæ, et Theodoræ: hi omnes in mari sunt mersi. In Mauritania natale Basiliæ. Et alibi natale Mauritani, Faustini, et Luciani. A. T. L. In Achaia passio S. Calixti martyris. L. et Fausti. A. T. Eodem die natale SS. Fausti et Leonidis. T. L. In pago Constantiensi depositio S. Paterni episcopi et confessoris.
• 17 XV. Kal.Vacat Beda.Apud Africam S. Mappalici. D. V. A. T. L. Antiochiæ Petri diaconi et Hermogenis ministri ejus. B. Fortunati et Marciani. In Africa Juliani presbyteri, Banici, Theodoræ, et Meconi. Et alibi S. Domnini martyris. A. T. L. Romæ natalis S. Eleutherii episcopi et S. Fortunati. L. Et Turonis depositio Cogitosi episcopi.
• 18 XIV. Kal.Vacat Beda.Florus in A. T. In Africa natale SS. Victoris et Donati. Eodem die Romæ passio S. Eleutherii et ejus genitricis Anthiæ, [Hucusque A.] qui sub Adriano imperatore passi sunt. Quorum Eleutherius in craticula missus prunis suppositus est, postea in clibanum ardentem projectus et non consumptus, alligatus est quatuor equis indomitis, nec etiam sic per frusta divisus, sed ab Angelo solutus, novissime jussu imperatoris gladio est percussus. Anthia vero mater ejus cum se supra corpus filii projecisset, confessa se Christianam, mox capite plexa est.D. Nesano Apuliæ Eleutherii episcopi et Antiæ matris ejus. V. B. Roma Eleutherii episcopi et Antiæ matris. V. Proculi, Apolonii. A. T. L. Eodem die Lobiis natale S. Ursmari episcopi. B. In Salona civitate nat. SS. Septimi diaconi et Victorici. In Africa Victoris, Pamphylii, Prisciani. T. Turonis depositio Cogitosi episcopi.
• 19 XIII. Kal.Vacat Beda.D. Corinthum Timonis diaconi de septem. Melitina Hermogenis cum aliis quinque. V. T. In Armenia Hermogenis, Gagi, Expediti, Rufi. Ultimus hoc loco omittitur in T. ast L. Rufum præponit Expendito et interponit Vincentium, addens cum T. qui pariter sunt coronati. A. T. B. In Militana civitate passio S. Rufi martyris. A. T. et Vincentii. B. Antonici. A. T. Romæ natale Adriani episcopi et Anthiæ matris ejus, qui percussi sunt gladio sub Adriano principe. B. In Africa Sericiani, Heladii, Ermogenis. A. Ipso die depositio Leonis papæ, requiescentis in Ecclesia B. Petri apostolorum principis. L. Et depositio bonæ memoriæ Leonis papæ, qui Bruno dictus est nomine.
• 20 XII. Kal.Vacat Beda.Florus in A. T. L. Romæ depositio S. Aniceti papæ et martyris: qui cum ecclesiam Romanam annis undecim rexisset, passus est tempore Severi et Marci.D. Romæ depositio Victoris episcopi et martyris Sulpitii et Serviliani. V. B. Romæ depositio S. Victoris episcopi, Felicis, Alexandri. Et in cœmeterio juxta viam Numentanam Salviani, Aragaci, vel juxta B. Silviani Aiaraci, B. Donatæ. A. T. Eodem die depositio S. Victoris episcopi et passio Donati martyris. Autisiodoro civitate depositio S. Martini episcopi et confessoris. B. In Africa natale Servani, Silviani, Joannis. In Autisidoro civitate depositio S. Marciani presbyteri. C. Depositio Victoris episcopi et Serviani.
• 21 XI. Kal.Vacat Beda.D. Perside S. Simeonis episcopi, cum aliis centum. V. B. Romæ in cœmeterio Calixti via Appia Valeriani, Tiburtii, et Maximi. A. T. Romæ depositio S. Valeriani. In Alexandria natale S. Victoris (L. Amatoris) presbyteri et Vitalis. T. B. In Terracina Campaniæ passio S. Cæsarii diaconi. B. In Alexandria natale SS. Fortunati, Aratoris presbyteri, Felicis, Silvii, Vitalis, in carcere quiescentium.
• 22 X. Kal.Romæ depositio S. Gaii Papæ: qui cum ecclesiam duodecim annos, menses quatuor, dies duodecim rexisset, martyrio coronatur sub Diocletiano principe cum Gabinio fratre. Eodem die in Cordula civitate natalis Parmenii, Helymæ, et Chrysoteli presbyteri, et Luci et Musæ diaconorum, [hactenus A.] de Babylonia, quorum præcisa etiam lingua loquebatur. Omnes in eculeo suspensi et nexibus arctati sunt, deinde laminis ardentibus circum latera appositis ustulati, et ungulis lacerati: ad ultimum gladio truncati sunt, præsente persecutore Decio. [Hactenus T.] Scriptum in passione S. Laurentii.L. Et S. Eutropii martyris.
• 23 IX. Kal.Natale S. Georgii martyris.Florus in A. T. L. Et in Ægypto passio SS. Victoris et Coronæ sub principe Antonino: quorum Victor post evulsionem nervorum, et ferventis olei in ejus pudilibus membris effusionem, et post eructionem oculorum, suspensus deorsum, decoriatus est atque sic decollatus. Corona vero alligata duabus arboribus divisa est.V. B. Romæ Naboris. V. Vitalis, Felicis. L. Passio SS. Felicis, Fortunati, et Achillei. T. Natale SS. Felicis presbyteri, Fortunati, et Achillei, et S. Naboris martyris. A. Natale S. Naboris. Ipso die S. Reguli episcopi et confessoris. B. In Africa SS. Catulini, Felicis, Theodori, Venusti, Vitalis, Faustini.
• 24 VIII. Kal.Depositio Melliti episcopi in Britannia.Florus in A. T. L. Gallia Lugduno civitate, passio SS. Alexandri et Ypipodi cum aliis triginta quatuor: quorum Alexander in crucem extensus, ita laniatus crudelitate verberantium extitit, ut crate soluta costarum, patefactis visceribus secreta animæ panderentur, atque sic spiritum exanimatus emisit. Ypipodus vero toto ore plumbatis confracto, eculeo est suspensus et postmodum gladio est percussus.V. Et in hoc die Sidrach, Misac, et Abdenago, qui et Ananias, Asarias, Misael: qui in Babylonia civitate magna de camino ignis ardentis liberati sunt. In civitate Lugduno Galliæ passio S. Alexandri cum aliis numero triginta quatuor, et dedicatio cryptæ ubi corpora eorum requiescunt. Et alibi commemoratio S. Georgii. B. In Alexandria nat. SS. Coronæ virginis, Victoris, Zotici. In Africa nat. SS. Faustini, Victorini, Valerii. Et nat. SS. Hecheracti et Ulfredi. Idem Alexander cum sociis nominatur in B.
• 25 VII. Kal.Natale S. Marci evangelistæ in Alexandria: qui constitutis et confirmatis ecclesiis per Lybiam, Marmaricam, Ammoniacam, Pentapolim, Alexandriam, atque Ægyptum universam; ad ultimum tentus est a paganis, qui remanserant Alexandriæ. [Hactenus A.] Qui videntes eum die sancto Paschæ missas facientem, miserunt funem in collo ejus, et trahebant eum ad loca Buculi, quæ erant juxta mare sub rupibus, ubi erat ecclesia exstructa: et defluebant carnes ejus in terram, ac saxa inficiebantur sanguine. Vespere autem facto miserunt eum in carcerem: ubi circa mediam noctem primo angelica visitatione confortatus est, deinde ipso Domino sibi apparente ad cœlestia regna vocatus. Et mane dum traheretur ad loca Buculi, gratias agens et dicens, Domine in manus tuas commendo spiritum meum, octavo Neronis anno defunctus est, et a viris religiosis Alexandriæ sepultus, in loco lapidis excisi cum gloria. Ordinaverat autem pro se Alexandriæ episcopum Annianum: aliis quoque longe lateque ecclesiis episcopos, presbyteros, et diaconos dederat.V. L. Eodem die Letania major. B. In Syracusa civitate Siciliæ natale SS. Evadi, Ermogenis, Calistæ. Lugduno S. Rustici episcopi.
• 26 VI. Kal.Natale S. Cleti papæ et martyris.Florus addit in A. T. L. Qui tertius post Petrum annis duodecim ecclesiæ præfuit, martyriumque passus est tempore Vespasiani et Titi.Ipso die depositio S. Marcelli papæ: qui cum ecclesiam novem annis menses quatuor rexisset, temporibus Diocletiani et Maximiani, ab eodem Diocletiano capite truncatus est, et post dies triginta quatuor sepultus via Salaria in cubiculo, a Marcello presbytero et diaconibus cum hymnis.Addit v. vi. Kalendas Maias.A. T. Eodem die depositio S. Richarii confessoris. T. sacerdotis Christi. B. In Africa, Honorati, Pauli, Maximi, Apollonii.
• 27 V. Kal.Vacat Beda.D. S. Anastasii Papæ. Nicomedia S. Anthimi episcopi cum innumera multitudine martyrum. V. In civitate Tharso Ciliciæ natale S. Castorii. In Nicomedia Antimi episcopi. Et Stephani episcopi. A. T. L. B. In Nicomedia S. Anthimi episcopi. B. Stephani episcopi. Antonini presbyteri. A. T. L. B. Et in Ægypto depositio Victoris, Maximi, Martiani, Paulini, Germani [et Germani]. L. Castoris et Stephani episcopi. A. Eodem die Noviomo translatio beatorum Mumulini et Hunonis, atque S. Godebertæ virginis. T. Eodem die in civitate Tharso Ciliciæ natale S. Castoris. T. L. Et in civitate Militana militum Hermetis et Eppei. T. presbyteri. B. In Lidia Genesi, Sodoclis, Marini.
• 28 IV. Kal.Passio S. Vitalis Martyris.Florus addit in A. T. L. Qui dum fuisset cum Paulino judice suo Ravennam ingressus, et videret in conspectu suo quendam Christianum, nomine Ursicinum, post nimia tormenta ob sententiam decapitationis pavere, exclamavit dicens: Noli, noli, Ursicine medice, qui alios curare consuevisti, teipsum æterno mortis jaculo vulnerare, [Hactenus A.] et qui per passiones nimias venisti ad palmam, ne perdas coronam a Domino tibi præparatam. Hæc audiens Ursicinus genu posuit, et spiculatorem ut veniret hortatur, agens pœnitentiam quod expavisset in Christi martyrio. Fecitque statim ipse Vitalis corpus martyris rapi, et intra Ravennatium urbem sepeliri cum honore maximo: ob quam causam ipse Paulinus eum teneri mandavit: et quia idolis sacrificare contempsit, in foveam usque ad aquam supinum fecit demergi, et terra ac lapidibus obrui.Eodem de natalis S. Christophori mart.Florus in A. et L. Eodem die Bituricas civitate depositio S. Eusicii episcopi et confessoris, [Hactenus L.] qui totum aurum et divitias hujus mundi tanquam stercora exhorruit.A. Eodem die depositio S. Winwaloei confessoris. L. Et commemoratio translationis reliquiarum S. Lamberti episcopi et martyris. B. In Alexandria natale S. Victurini. In Tarso Ciliciæ Marinæ cum aliis clxx. In Africa natale SS. Malinii, Maurilli, Lucani, cum aliis cclxx. In Pannonia Eusebii episcopi. Cornubiæ nat. S. Guingualoei confessoris.
• 29 III. Kal.Vacat Beda.D. Paphum Tychici apostolorum discipuli. V. T. B. In Alexandria natale S. Germani presbyteri. B. et Prostoci diaconi. V. L. B. In Nicomedia Prudentii, Martialis. B. Et Theodoræ virginis. A. T. L. In Nicomedia natale S. Urbani et Valentini. T. Et Martialis. Et depositio S. Prudentii. A. Et depositio S. Germani episcopi et confessoris.
• 30 II. Kal.Vacat Beda.Florus in A. T. L. Romæ depositio S. Quirini episcopi et martyris. Eodem die apud Asiam passio Maximi martyris, qui tempore Decii imperatoris, et Optimi proconsulis, postquam fustibus cæsus est et in eculeum suspensus, inde depositus et lapidibus obrutus est.D. Sanctorum martyrum Mariani et Jacobi. V. B. In Alexandria natale S. Dorothei presbyteri. V. Et alibi Podoniani diaconi. Romæ Prætextati, Quirini. B. Rodociani diaconi, Clementi, Honorati, Reducti, Secundini episcopi.

• MAIUS.
• 1 Kalendis.Jeremiæ prophetæ. Et in Hieropoli Philippi apostoli, et Jacobi apostoli fratris Domini.Addit Florus in A. T. L. Quorum primus in Asia in civitate Hierapoli provinciæ Phrygiæ passus est, ibique cum filiabus suis requiescit: secundus autem ex utero matris suæ sanctus fuit. Huic post Ascensionem Christi episcopalis in Hierosolymis delata est ab apostolis sedes: sed cum Judæis Christum Dei filium prædicaret, de pinna templi ab ipsis est præcipitatus et lapidibus obrutus. [Hactenus A.] Cumque lapidibus urgeretur, pro eisdem persecutoribus exorabat dicens: Rogo Domine Deus pater, dimitte eis hoc peccatum: non enim sciunt quid faciunt. Et ecce unus ex ipsis fullo, arrepto fuste quo uda vestimenta extorqueri solent, cerebra ejus illisit, et tali martyrio consummatus est, ac sepultus in eodem loco prope templum. Scriptum in Historia Ecclesiastica libro ii. Idem Florus in A. T. L. Eodem die passio S. Judæ Hierosolymitani episcopi cognomento Quiriaci, qui passus est in Hierosolyma sub Juliano imperatore, et passio Annæ matris ejus: sed et Ammonis incantatoris. [Hactenus A.] Nam Julianus proficiscens adversus Persicum bellum cum Hierosolymis venisset, statim ejusdem urbis episcopum sibi adduci præcepit, et cum in fidei confessione constantissimum invenisset, jussit ei manum dexteram abscindi, deinde forcipe ferrea os ejus aperiri, plumbumque remissum infundi, ut interiora viscera ejus efflarentur. Et cum nec ita taceret, jussit grabatum æreum afferri, et in eo extendi sanctum virum, et substerni carbones ignis et spargi super eum sal et adipem, et insuper virgis cædi, ut venter et interiora viscera ejus laxarentur ab igne. Taliterque virtute Domini necdum consumpto, cum postea inclusus servaretur, venit ad eum Anna mater ejus, consolans et corroborans eum. Et cum agnita esset Christiana, jussit eam imperator per capillos suspensam ob confessionem Christi nominis exungulari, magnasque lampadas lateribus ejus applicari usque dum deficeret. Postea vero Quiriacus vocatus, in fossam serpentibus plenam missus, exivit illæsus. Quod Ammon incantator videns, Christi virtutem confessus, statim jussus est decollari. Sanctum vero Quiriacum in olei ferventis cacabum missus, cum non deficeret, jussit eum magno cuneo in pectus ferire sicque occidere. L. Scriptum in passione ipsius.C. Et S. Sigismundi regis. B. In Tolosa natale S. Orienti episcopi. Autissiodoro Galliæ depositio S. Amatoris episcopi. Agauno passio Sigismundi regis. Cornubiæ natale S. Conrintini confessoris atque pontificis. Et Bricii episcopi.
• 2 VI. Nonas.Sancti patris nostri Athanasii episcopi Alexandrini.Florus addit in A. T. L. Orthodoxi, qui pro Christi fide multa perpessus est.MS. V. addit, et ordinatio vi. Kalendas Januarii creditur. N. Alexandriæ natale S. Saturnini in carcere quiescentis cum Neapoli socio suo. B. Et Saturnini cum Neapoli. Et nat. SS. Cœlestini, Urbani, Privatæ. Autisiodoro nat. SS. Optati episcopi, Memori et Santiani presbyterorum.
• 3 V. Nonas.Romæ SS. Alexandri papæ, et Eventii et Theodoli presbyterorum, [Hactenus A.] quorum primus post vincula et carceres, eculeum, ungulas, et ignes, punctis creberrimis per tota membra peremptus est: sequentes, et ipsi post longam carceris sustinentiam ignibus examinati et ad ultimum decollati sunt, sub Aureliano judice tempore Trajani principis. Ipso die inventio sanctæ Crucis.Florus addit in A. T. L. Ab Helena ducentesimo tricesimo tertio anno post passionem Domini, regnante Constantino imperatore.L. Ipso die S. Juvenalis episcopi. B. Autisiodoro depositio S. Eusebii presbyteri et Aviti diaconi. Alibi S. Juvenalis martyris.
• 4 IV. Nonas.Vacat Beda.Florus in A. T. L. Ex eodem auctore descripsisse videtur, unde V. sumpsit sequentia: In Nicomedia natale S. Antoniæ: quæ nimium torta et variis tormentis afflicta, ab uno brachio tribus diebus suspensa, et in carcere biennio retrusa, a Priscilliano præside flammis exusta obiit.B. In Africa SS. Callisti, Felicis, Urbani. In Cæsarea nat. S. Silvani. In Alexandria xl. martyrum. Autissiodoro depositio S. Concordini diaconi. D. Civitate Gaza Silvani episcopi, cum pluribus clericorum suorum coronati. A. T. Passio Antonini martyris. A. In suburbio Virdunensi translatio sanctorum confessorum pariterque pontificum Pulchronii, Bossessoris, atque Firmini.
• 5 III. Nonas.Vacat Beda.D. B. Alexandria Euthymii diaconi, in carcere quiescentis. B. V. Arelato depositio S. Hilarii episcopi. V. T. L. Viennæ depositio Nectarii. V. et Nicetæ. T. et Niceti. B. A. T. Ascensio Domini. In Thessalonica natale SS. Herenæi. B. peregrinorum. A. T. et Peregrini; qui ignibus sunt adusti. A. T. L. Autissiodoro passio S. Juviniani lectoris et martyris. A. Eodem die Duaco depositio S. Mauronti confessoris et levitæ. T. L. In Gallia ipso die festivitas S. Mauronti abbatis.
• 6 II. Nonas.Vacat Beda.V. In Persida natale S. Matthæi apostoli et evangelistæ, qui publicanus a Christo vocatus, primum in Judæa, postea in Macedonia prædicavit, passus in Persida requievit in montibus: cujus natalis celebratur xi. Kalendas Octobris. Eodem die S. Joannis apostoli et evangelistæ ante Portam Latinam: quod ultimum etiam est in cæteris omnibus MSS. et solum quidem in Divionensi, sed varia ubique phrasi, ut vel hinc appareat non esse Bedæ: prosequitur autem. L. quando coram senatu in ferventis olei dolium missus est jussu Domitiani Cæsaris: unde cum virtute Domini protectus illæsus exisset, in insula quæ dicitur Pathmos exilio deportatus est. B. In Africa S. Secundiani episcopi mart. A. T. Mediolano natale SS. Victoris et Felicis. A. T. L. In Galliis vico Julio depositio S. Geronti confessoris et Edentii. V. Ipso die S. Floriani et S. Valerii episcopi.
• 7 Nonis.Vacat Beda.D. Juvenalis martyris. Et Flaviæ Domitillæ. Nicomedis et aliorum. V. In Nicomedia Flavi episcopi, Augustini, Marcelli, Maximi. A. T. Natale S. Augustini Nicomediæ pontificis. A. T. L. Arelato depositio Hilarii episcopi et confessoris. Augustiduno depositio B. Placidi episcopi. T. In pago Aquitaniæ provinciæ Herbatilico nativitas S. Amandi. Eodem die translatio S. Nicolai in Barrensem urbem.
• 8 VIII. Idus.Vacat Beda.D. Mediolani S. Victoris martyris: addunt V. A. T. capite cæsi. A. T. In Sanctonico depositio S. Martini episcopi. A. T. L. Eodem die natale S. Elladii episcopi. Ipso die apparitio S. Michaelis archangeli in monte Gargano.
• 9 VII. Idus.Vacat Beda.V. D. A. T. L. In Persida natale martyrum trecentorum decem. D. T. L. sed varia ubique phrasi, Nazianzi oppido B. Gregorii episcopi qui theologus dicitur. A. T. In Anziopoli natale S. Quirilli. Romæ natalis sanctorum Beati confessoris et S. Primoli. L. Romæ via Latina passio S. Primoli. V. Romæ natale confessorum Gordiani et Primoli. T. Eodem die in Constantinopoli natale S. Timothei.
• 10 VI. Idus.Natale sanctorum Gordiani et Epimachi, et Romæ natale Calepodii senis presbyteri, sub Alexandro imperatore; qui eum fecit occidi a Laodicio, et corpus trahi per civitatem, atque in Tiberim jactari die Kalendarum Maiarum. Quod inventum piscatores levaverunt, et narraverunt Calixto episcopo. At ille acceptum condidit cum aromatibus et linteaminibus, et sepelivit eum in cœmeterio ejusdem via Aurelia, milliario ab urbe tertio, vi. idus Maii. Tunc decollatus est ab Alexandro Palmatius consul cum uxore et filiis et aliis promiscui sexus quadraginta duobus, cum quibus et Simplicius senator, qui per doctrinam Calixti papæ et Calepodii presbyteri nuper fuerant baptizati. Scriptum in passione S. Calixti papæ.Et depositio Job prophetæ.
• 11 V. Idus.Vacat Beda.Florus in A. T. L. Viennæ depositio S. Mamerti episcopi et confessoris, cujus præsulatu in Vienna urbe terræ motus permaximus fuit: sed et bestiæ in homines irruentes devorabant. Unde isdem Antistes multorum consultu, triduanum jejunium, quod ante Ascensionem Domini Galliarum populus celebrat, instituens, iram Dei in misericordiam convertere promeruit.V. Romæ via Salaria milliario duodecimo natale S. Anthimi. D. Romæ S. Anthimi. Viennæ Mamerti episcopi: qui ob imminentem cladem solennes ante Ascensionem Domini letanias instituit. T. L. Eodem die Romæ via Salaria passio SS. Achillis, Serapionis, Januarii. A. L. Et S. Gengulfi martyris. A. T. Ipso die depositio S. Majoli abbatis.
• 12 IV. Idus.Romæ SS. Nerei et Achillei. Et S. P. N. Epiphanii episcopi Cypri. Et Romæ S. Pancratii: qui cum esset annorum quatuordecim, sub Diocletiano martyrium capitis detruncatione complevit.T. Eodem die natale S. Rictrudis.
• 13 III. Idus.Dedicatio S. Mariæ ad martyres. Eodem die S. Servatii.Florus in A. T. L. Trajecto portu natale S. Servatii episcopi. Hic dum ad B. Petri apostolorum principis sepulcrum pro ereptione populi Galliarum Domino supplicaret, ne ab Hunnis vastarentur, ab ipso apostolo, ut fertur, accepit responsum in visu et ipsum cito corpore migraturum, et nullam Galliarum urbem præter Metensium, propter pignora B. Stephani martyris ibi recondita, liberandam.In Palæstina Taraci, Probi, et Andronici, [Hactenus A.] qui sub Maximo præside post plura tormenta in amphitheatrum projecti, cum a bestiis non læderentur, gladiis sunt deputati.Idem, ut videtur sed in solo T. Ipso die passio S. Mucii presbyteri: qui passus est in Amphipoli civitate, sub Laodicio et Maximo proconsulibus. Qui jussus est primo suspendi et exungulari pæne usque ad ossa: deinde missus est in caminum ignis ardentis: inde virtute Domini illæsus exiens, sub duas rotas mittitur, ut volventes dividerent membra ejus: quibus solutis, novissime gladio traditus est.
• 14 II. Idus.Sancti patris nostri Pachomii, qui cum esset factis apostolicæ gratiæ insignis, fundatorque Ægypti cœnobiorum, scripsit monasteriorum regulas, quas angelo dictante didicerat: simul et de tempore paschali. Ipso die in Syria natalis Victoris et Coronæ sub Antonino imperatore, duce Alexandriæ Sebastiano. [Hactenus A.] Erat autem Victor miles a Cilicia, cui Sebastianus in confessione fidei confringi digitos et velli jussit a cute. Deinde illum jussit in caminum ignis mitti, ubi triduo permanens non est læsus. Deinde venenum bibere jussus, non est mortuus, sed veneficum potius ad fidem convertit. Deinde jussum est nervos corporis ipsius tolli; deinde oleum bulliens mitti in pudendis ejus. Post hæc jussit ardentes lampades suspenso ad latera applicari. Post hoc acetum et calcem simul misceri et dari ei in ore: deinde oculos erui: deinde triduo jussum capite suspendi, et dum adhuc spiraret, jussit eum excoriari. Tunc Corona, cum esset uxor cujusdam militis, cœpit beatificare S. Victorem pro gloria martyrii. Id dum faceret vidit duas coronas de cœlo lapsas, unam Victori et alteram sibi missam. Cumque et hoc cunctis audientibus protestaretur, tenta est a judice, et jussum est duas arbores palmæ curvari ad invicem, et canabinis funibus ligari Coronam in utraque manu et pede utroque, et sic arbores dimitti. Quod dum fieret, divisa est Corona in duas partes: erat autem annorum sedecim. Tunc quoque Victor decollatus, et ipse victoriæ perennis triumphum promeruit.V. Eodem die S. Bonifacii in Apennino. B. In Mediolano Victoris, Felicis, Rustici. Et natale sanctorum quadringentorum quatuor martyrum qui cum S. Cyrio passi sunt.
• 15 Idibus.Vacat Beda.Florus in A. T. L. Apud Lampsacum passio SS. Petri, Pauli, Andreæ, et Dionysiæ virginis: quorum Petrus post diversa tormenta gladio est percussus, Andreas et Paulus lapidibus obruti, Dionysia gladio deputata. B. solum locum et nomina habet.D. Natale sanctorum confessorum, Torquati, Ctesiphontis, Secundi, Indaletii, Cecilii, Esicii, Euphrasii. B. In Sirmia Timothei, et alibi septem virginum. In Sardinia Simplicii. B. V. A. T. L. In portu Romano natale SS. Præstabilis, Felicis, Victoris, Cirici, Januarii, Geruli. Ex his Victor est in solo V. Gerulus in solo B. Ciricus in V. et L. Sed in hoc ultimus: qui in B. Cyrinus dicitur.
• 16 XVII. Kal. Junii.Vacat Beda.D. Apud Isauriam Aquilini et Victoriani: addunt T. et L. quorum gesta in præfato loco habentur: quæ alio fortasse spectabant. V. In civitate Piceni Auximo Florentii, Diocletiani. Et S. Peregrini episcopi. A. T. L. In civitate Piceno natale S. Florentii. In Autissiodorensi passio S. Peregrini primi ipsius civitatis episcopi. B. In Cæsarea natale SS. Aquilini, Victorini, Paulini. In civitate Epheso Mangenis, Gajanis, Jovini. In Autisiodoro passio Peregrini episcopi. Et depositio Fidoli presbyteri.
• 17 XVI. Kal.Vacat Beda.D. In Tuscia Torpetis martyris sub Nerone principe. V. Natale S. Syri confessoris. Et depositio Liberii episcopi. B. A. T. L. Romæ via Salaria veteri sancti Paterni ac Primi et Liberii episcopi. B. Gallicori episcopi. In Alexandria Victoris, Basilii. B. A. T. L. Nividuno natale Eracli et Paulini. B. Minerii, Aquilini, Arthemii.
• 18 XV. Kal.Vacat Beda.D. Apud Ægyptum Dioscori lectoris: addunt L. et T. qui pro Christi nomine multa sustinuit tormenta. L. Romæ passio Joannis episcopi. V. In Alexandria Patamonis presbyteri, Ortasii presbyteri, Serapionis. A. T. In Alexandria natale S. Hortasii presbyteri et Maximi, alias Maximæ. B. In Alexandria Partomi presbyteri, Serapionis presbyteri. Et S. Martini papæ. In Ægypto Dioscori lectoris, qui multa passus est. In Constantinopoli Dativi, Luciosi, Marciani. Et alibi natale SS. Casii et Victoris.
• 19 XIV. Kal.Romæ natale S. Potentianæ virginis.Addit Florus in A. T. L. Romæ natale Caloceri et Partheni, [hucusque est in V.] eunuchorum: sub Decio imperatore: qui pro eo, quod idolis sacrificare noluerunt, occisi sunt: paulo plenius Rabanus et B.A. Atrebatæ depositio S. Hadulfi episcopi. Et depositio S. Dunstanni archiepiscopi. L. Eodem die in basilica S. Quintini adventus reliquiarum SS. Firmini, Fusciani, Victorici, Gentiani, Acii, Acioli, Honerati, Walerici, item Firmini. B. In Alexandria natale S. Areni diaconi. D. Et Pudentis discipuli apostolorum.
• 20 XIII. Kal.Vacat Beda.V. In Africa Victi, Maurellæ, Quinti, Primoli, Salustii, Fortunati. B. In Africa natale sanctarum Victuriæ, Marcellosæ, Falsæ. Et alibi depositio Vallesii et Faustuli episcopi. D. Romæ via Salaria S. Basillæ virginis et martyris. B. A. T. L. Romæ natale S. Basilissæ et Aurei. In Gallia Nemanso civitate, Blandii. T. Bautlii. B. Bauddi. L. Bautii martyris. A. T. L. cum sociis suis.
• 21 XII. Kal.Vacat Beda.Florus in T. et L. In territorio Heburrensi passio S. Mantii, qui passus est a Judæis, quem ob filii Dei confessionem extensum funium vinculis, plagarum ictibus verberabant. Postmodum totum corpus arctissimis vinculis alligaverunt tantisque corpus vulneribus affecerunt, ut membra vermibus pascerent. Hisce adjiciunt ut ab ortu solis usque ad occasum exercendi causa rursus in graviorem culturam pœnalis numerus adderetur: sed istis omnibus invictus, Deo spiritum reddidit.V. Romæ Basilissæ, Aurei, Gervasii et Protasii. D. Mauritania, Timothei presbyteri et Eutycii diaconi. B. In Africa natale SS. Victi, Marcellæ, Quinti, Primuli, Salutii, Fortunati. In Britannia natale Timothei diaconi. In Autisiodoro depositio B. Valis presbyteri. A. T. L. In Mauritania natale SS. Polientici diaconi, Timothei, et Victi: qui in una die meruerunt coronari.
• 22 XI. Kal.In Africa Casti et Emylii: qui per ignem passionis martyrium consummaverunt. Scripsit hoc Cyprianus in libro de Lapsis.B. Romæ nat. SS. Faustini, Timothei, Venusti. In Corsica insula passio S. Juliæ. In Autisiodoro depositio S. Elenæ virginis.
• 23 X. Kal.Vacat Beda.Florus in T. L. In Africa passio Juliani martyris. Et in Vienna depositio S. Desiderii episcopi: qui jussu Theodorici regis et Brunechildis reginæ primo est lapidatus: et cum jam vitam exhalaret, fuste in collum percussus, et sic interemptus est.D. Romæ Gaii papæ et aliorum ducentorum quinquaginta. Lugduno Epipodii. V. Vienna passio S. Desiderii martyris. Quinti, Lucii, Januarii. A. Natale S. Julii martyris. Et Desiderii episcopi. B. In Africa Quinti, Lucii. Bienna passio S. Desiderii episcopi et martyris. In Hispaniis nat. SS. Epictiti, Aptoni, Basilii episcopi.
• 24 IX. Kal.Vacat Beda.D. S. Manahen Herodis collactanei, Antiochiæ quiescentis. B. V. In portu Romano natale S. Vincentii. In Syria Zoili, Sateri. B. Timii, Saturnini. B. A. T. L. In Gallia civitate Nannetis passio SS. Rogatiani et Donatiani germanorum martyrum. B. In Africa natale SS. Fortunati et aliorum trium.
• 25 VIII. Kal.Romæ natale S. Urbani papæ et confessoris, cujus doctrina multi martyrio coronati sunt.Addit V. et S. Maronis. B. Mediolano depositio Dionysii episcopi, Polegrati, et aliorum quatuor coronatorum. Alibi, Trecas S. Marcellini episcopi. Trecas Leonis martyris.
• 26 VII. Kal.In Britannia depositio S. Augustini primi Anglorum episcopi.B. A. T. L. In Autissiodoro passio S. Prisci martyris cum sociis suis, innumera multitudine. V. Et S. Prisci. B. In Africa Rufini et Valeriæ. D. Et Athenis Quadrati discipuli apostolorum. Romæ Symmitrii, et aliorum viginti duorum martyrum.
• 27 VI. Kal.Vacat Beda.Florus in A. T. L. Passio S. Julii, qui sub Maximo præside capitis amputatione complevit martyrium.V. T. L. In Alexandria Aquilini presbyteri, Evangelii, et aliorum quatuordecim. A. T. L. In Africa SS. Martialis et Litiani. A. T. Romæ natale S. Castuli. A. In Pago Atrebatensi translatio corporis S. Ragnulfi martyris. B. In Tomis Heliæ, Luciani, Eutrici episcopi. D. Mœsia civitate Dorosterensi Julii martyris.
• 28 V. Kal.Parisius Germani confessoris.Florus addit in T. et L. Qui tantæ virtutis fuit, ut sicut in gestis ejus legitur, causas infirmitatum hoc esset sancto viro curare quod et tangere. Vel, quod habetur in A., qui beatus ejusdem urbis episcopus, quantæ sanctitatis, quantique meriti fuerit, quibus etiam claruerit miraculis, Fortunatus episcopus veraci stylo digessit.Ipso die depositio S. Joannis papæ: quem, quia orthodoxus erat, et a Justino imperatore orthodoxo Constantinopolim veniens gloriose susceptus erat, Theodoricus rex Arianus revertentem in Ravennam in custodia tentum ad mortem usque cum aliis æque catholicis perduxit. Hujus meminit S. Gregorius in libro Dialogorum: cujus corpus translatum de Ravenna sepultum est in basilica S. Petri V. Kalendas Julii Olybrio consule.Deest character temporis in V. et L. solius diei in T. totum elogium ipsaque memoria Joannis papæ in A.B. In Sardinia Emilii, Felicis, Priami, Luciani.
• 29 IV. Kal.In Treviris Maximini episcopi et confessoris.Addit Florus in A. T. L. Qui magnus advocatus populo suo magnis se virtutibus declaravit. Et primo loco: Apud Cæsaream passio S. Cyrilli, [hucusque L.] qui ob Christi fidem mortis detrimenta libere suscepit.B. T. Romæ natalis S. Restituti. B. Et natale septem germanorum. V. Roma via Aurelia Restitutæ, septem germanorum, et dedicatio S. Clementis. B. In Africa nat. SS. Primi, Accidiæ, Passimoni, et aliorum quinquaginta trium. In Cæsarea Cappadociæ nat. S. Cyrilli, Primoli, et Venusti.
• 30 III. Kal.Vacat Beda.D. Via Aurelia in cœmeterio Felicis papæ. Turribus Sardiniæ Gabinii et Crispuli. B. In Sardinia natale SS. Gabini, Crispoli. V. Antiochia Palatini, qui multa tormenta passus est. Gavisii, Scrispuli. A. T. Romæ SS. Processi et Martiniani. A. T. L. In Aquileia natale SS. Cantii, Cantiani, Proti, et Chrysogoni. B. T. L. In Antiochia passio SS. Sici, Palatini, Eutymii. T. qui et multis afflicti sunt tormentis. B. qui multa tormenta passi sunt.
• 31 II. Kal.Romæ Petronillæ virginis.Addit T. et L. filiæ B. Petri apostoli. V. D. Romæ via Aurelia Processi et Martiniani. A. T. In Antiochia natale SS. Paulini, Isici, et Justi. B. In Antiochia Paulini et Isici. In civitate Gerunda natale SS. Germani, Victuri, Silvani. In civitate Sista Donatiani.

• JUNIUS.
• 1 Kalendis.Natalis Nicomedis martyris.B. Romæ dedicatio basilicæ S. Nicomedis. M. T. et Reveriani martyrum. V. Thessalonica Luciæ virginis et Aucegæ reginæ barbarorum. A. T. B. Vienna depositio S. Claudii episcopi. A. T. Romæ natalis S. Exuperantii. L. In Vienna SS. Elladii et Claudii episcoporum. B. In Africa Crispini, Joventi, Cyriaci.
• 2 IV. Nonas.Romæ Marcellini presbyteri et Petri exorcistæ: qui multos in carcere ad fidem erudientes, post dira vincula et plurima tormenta decollati sunt, sub judice Sereno: et qui eos decollavit, vidit animas eorum splendide ornatas ab angelis ferri in cœlum: et pœnitentiam agens, sub Julio papa baptizatus est in senectute sua, nomine Dorotheus.Ipso die in Lugduno S. Blandinæ, cum quadraginta septem martyribus: cui a prima luce usque ad vesperam tormenta semper innovantes, ad ultimum victos se tortores confitentur: quæ et secundo die pulsata cruciatibus non superatur. Tertio quoque die religata ad stipitem, atque in crucis modum distenta, bestiis pabulum præparatur. Quam cum nulla ex bestiis auderet attingere, rursum revocata ad carcerem; quarto etiam verberibus acta, craticulis exusta, et multa alia perpessa, ad ultimum gladio jugulatur: tunc et Ponticus puer annorum quindecim, per omnia tormentorum genera cum ipsa circum actus, et materna ejus cohortatione roboratus, ante illam martyrium consummavit sub Antonino Vero. Scriptum in Historia Ecclesiastica libro quinto.V. Eodem die S. Erasmi episcopi et confessoris.
• 3 III. Nonas.Vacat Beda.Florus in A. T. L. Aurelianis vico Magduno depositio S. Liphardi presbyteri: qui tantæ abstinentiæ fuit ut uncia hordeacei panis manibus propriis compositi, et ad diem tertium; in bibitione aqua solummodo parcissime uteretur. T. Hic maximis pollens meritis, in sublimi cœlestium agminum chorum animæ Theodomiri quondam Miciacensis abbatis vidit occurrere, et cum gaudio ad cœlum canendo usque deferre. Scriptum in gestis ejus.D. Aretio Tusciæ martyrum Pergentini et Laurentini. Campania Erasmi episcopi et martyris. V. Romæ natale SS. Marcelli, Donati, Gagi, Januarii, Victoriæ. T. omisso Gago pro Victoria habet nomen Urbani. A. T. L. In Africa natale S. Quirini et Laurentii. B. Romæ Marcelli, Saturnini, Urbani, Felicis, Veneriæ. Et alibi Silvani cum aliis octoginta duobus. In Aureliano depositio S. Liphardi presbyteri.
• 4 II. Nonas.Vacat Beda.D. Illyricum civitate Sissia Quirini episcopi et martyris. B. V. T. L. Romæ in cœmeterio ad catacumbas via Appia milliario quarto natale SS. Picti, Aretii, Datiani. A. T. L. Nividuno natale S. Saturninæ, Zotici et Euticii. deest in L. locus agonis. B. In Cilicia nat. SS. Expergenti, Philippi, Juliæ, Saturnini. In Salaria civitate, Rustili cum aliis duobus.
• 5 Nonis.Vacat Beda.Annis ab hujus Bedæ morte viginti S. Bonifacii archiepiscopi in Fresonis martyrii passio peracta est, et Eobanci episcopi ejus cum aliis servis Dei sociis eorum: ita D. et V. similiter fere B. In Frisonis passio SS. Boniphatii archiepiscopi et Eobanchi presbyteri ejus cum aliis servis Dei duodecim. deinde addit: Romæ Feliculæ et Felicitatis. In Ægypto Marciani, Nigandri, et Apollini. In Africa Evasi et Privati. A. Pulsa monasterio S. Bonifacii archiepiscopi, qui Fresonibus verbum Dei annuntians martyrio coronatus est. T. omisso loco addit: Eodem die Eobanci episcopi cum aliis servis Dei. L. In Fresoniis natale S. Bonifacii archiepiscopi, qui Fresonibus verbum Dei annuntians martyrio coronatus est. Eodem die passio Eobanci ejus coepiscopi cum aliis servis Dei sociis eorum. Martyrol. Rabani: Nonis Junii Bonifacii archiepiscopi, cujus in Fresonis martyrii passio peracta est: et Eobani coepiscopi ejus cum servis Dei Wintrunge et Uualthere, Scirbalde et Bosan, Hamunde et Æthelhere, Wancare et Guandacare, Willehere et Hadovolfe. Porro quomodo Rabanus ista suo inseruit martyrologio, propter sacri corporis in Fuldensi ecclesia tumulationem et miraculorum celebritatem, ita videtur memoria ejusdem S. martyris totis Galliis gratiosissimi, ob regium diadema a Merovingicis in Pippinum ejusque successores translatum, statim adscriptum fuisse antiquissimis omnibus Gallicanarum ecclesiarum fastis, ipsisque Bedæ necdum aucti exemplaribus, sub ea verborum diversitate, quam exhibent codices prænotati: unde factum sit ut in V. et D., alias nihil nisi Bedæ textum commune habentibus, eadem inveniatur formula, et in D. ipsa sic scripta quasi Beda fuisset. An autem harum aliqua Flori sit et quæ, divinare non præsumimus.
• 6 VIII. Idus.Vacat Beda.D. Philippi diaconi de septem. Apud Cæsaream Cappadociæ Liciniani. B. V. In Africa natale Itali, Zotici. B. et Tali. V. Et Interamnæ translatio corporis B. Proculi martyris. B. Et depositio Cærati episcopi. B. A. T. L. Nividuno natale SS. Amantii, Lucii, Gratianopoli Alexandri. T. L. Gandavo depositio S. Guduali episcopi et confessoris. T. Eodem die in Alexandria passio Philippi et depositio Claudii episcopi. L. Passio Philippi Alexandrini episcopi.T. primo loco translatio sanctarum virginum et martyrum Christi Honoratæ atque Florinæ; insuper et multarum reliquiarum a Colonia Agrippina ad civitatem Tornacum: inter quas reliquiæ de sacratissimo corpore eximiæ virginis et martyris Ursulæ: quæ in illo nominatissimo virginum undecim millium consortio principatum tenuit, totiusque collegii dux ad Christum effulsit. Translatæ sunt et reconditæ in ecclesia S. Martini Tornacensis in suburbio civitatis, quod actum esse constat clementia divinæ misericordiæ anno Verbi Incarnati mclxx.
• 7 VII. Idus.Vacat Beda.D. Constantinopoli Pauli episcopi. V. A. T. L. In Byzantio, quæ est Constantinopolis, natale SS. Pauli, Fortunati. L. Primosi. A. T. L. Et Achaici monachi. V. Et Luciani martyrum. Ast A. T. B. In Cæsarea Cappadociæ passio S. Juliani martyris. B. Et alibi Pauli, Fortunati, et Macharii monachi. L. Et passio Luciani Cæsariensis. B. In Africa Victuri, Evasi, Privatæ.
• 8 VI. Idus.Suessionis S. Medardi confessoris.Florus addit in A. T. L. Et episcopi, de cujus ore visa est columba exisse nive candidior, cum præsentem terminaret vitam.B. Et Licinii episcopi et confessoris. V. B. Romæ natale SS. Naboris et Nazarii. T. Eodem die S. Gildardi episcopi et confessoris. L. Et S. Gilgardi Rothomagensis archiepiscopi. T. Et translatio S. Audomari episcopi secunda. B. In Sardinia natale Salustiani.
• 9 V. Idus Junii.Natale SS. Primi et Feliciani martyrum.Adjectum erat postea ad MS. D. In Cilinio monte. in A. vero in Monte Cælio Romæ: Additur in B. Et Vincentii mart. in L. autem Romæ via Numentana.Florus in A. T. Aginno passio S. Vincentii martyris, qui Leviticæ stolæ candore micans, pro amore Christi martyrium adeptus, magnis sæpissime virtutibus fulget.V. Alibi Januarii, Alexandri. B. Romæ passio sanctorum militum numero xv. In Alexandria Maximi presbyteri, Amandi, et Januarii.
• 10. IV. Idus.Vacat Beda.D. Romæ via Aurelia Basilidis, Tripodis, et aliorum. B. Romæ militum Basilidis, Rogati, Martiani, et aliorum viginti. V. Romæ via Aurelia milliario decimo tertio, Basilii, Aurisii, Rogati, Januarii. L. Romæ via Aurelia passio SS. Rogati, Januarii, cum sociis tredecim. A. T. Romæ natale Basilidis, Rogati, et Victoris. T. B. In Nicomedia natale S. Zachariæ. B. In Autisiodoro depositio Censuri episcopi.
• 11 III. Idus.Barnabæ apostoli.Florus in A. præsignat in India, et tum ibi tum in T. ac L. subjungit: qui pretium agri sui ante pedes apostolorum attulit, ac deinde cum Paulo gentium apostolus ordinatus est: [Hactenus L.] sed postea propter Joannem discipulum, qui et Marcus vocabatur, separatus a Paulo, nihilominus evangelicæ prædicationis injunctum sibi opus exercuit.D. Et Sosthenis discipuli Pauli. V. Romæ natale S. Basillæ. Et natale S. Crispili et Onufrii. B. In Aquileia Emeriti, Hereti, Victuriani. Romæ depositio S. Babillæ. Et SS. Crispuli et Restituti. Alibi natale SS. Naboris et Felicis. Et S. Onuphrii.
• 12 II. Idus.Natale SS. Basilidis, Cirini, Naboris, et Nazarii.Addit V. et C. Tripodis et Magdalis. L. præsignat Romæ. D. primo loco, et eodem quo cætera Bedæ charactere, sic habebat, Mediolani Nazarii et Celsi pueri inventio: quod non audemus admittere ex uno solo MS. tanquam Bedæ. A. Et translatio S. Leodegarii episcopi et S. Odulfi confessoris. B. alibi, Zabini, Aurelii, Secundæ.
• 13 Idibus.In Africa natale SS. Luciani, Fortunati, et Crescentiani. Romæ S. Feliculæ.V. B. C. primis addunt ultimo nomen Teclæ. D. omnes omisit eorumque loco ex sequenti die habet Helizæum prophetam. T. Gandavo castro elevatio corporis S. Landualdi confessoris.
• 14 XVIII. Kal.Julii. Helizæi prophetæ. Aurelianis civitate translatio corporis S. Aniani episcopi et confessoris.In D. scribitur natalis: in V. B. C. interponitur: et Feliculæ, nomen ex die præcedenti perperam repetitum.Florus in A. T. L. In pago Suessionis passio SS. Valerii et Rufi martyrum: qui, ut prosequitur L. solum, Floro nihilominus imputandum subjungens elogium, Tempore Diocletiani et Maximiani Roma egressi et Gallias aggressi a Rictiovaro præfecto comprehensi, catenis ac carceri mancipati, eculeis suspensi, plumbatis cæsi, tanta pœnarum sunt acerbitate afflicti, ut totam corporis speciem unum vulnus obduceret, et carne defluente secreta viscerum panderentur. Sicque iterum in carcerem missi et ibidem ab angelo Domini confortati, ad ultimum gladio jugulantur.In T. additur, Et liberatio ipsius civitatis a Wandalis. A. T. B. In Aquileia natale S. Proti. B. In Gallia Suessionis civitate passio SS. Rufini et Valerii martyrum.
• 15 XVII. Kal.Natale S. Viti martyris.Addit V. et C. Modesti et Crescentiæ.Plenius Florus in A. T. L. In Sicilia natale sanctorum martyrum Viti pueri, et Modesti senis, atque Crescentiæ, qui sub Diocletiano et Maximiano variis sunt pro nomine Christi pœnis afflicti et passionibus coronati.T. et L. sed hoc locum omittit, Apud Crispinum natale S. Landolini confessoris et sacerdotis. B. In Aquileia Cantiani, Clementis. In Lucania Candidi, Proti, Grisogoni.
• 16 XVI. Kal.Ferreoli presbyteri et Ferrutionis diaconi, qui sub Claudio judice ad trochleas extenti et flagellati, deinde in carcerem reclusi, et mane amputatis linguis prædicabant verbum Dei. Post hæc subulæ triginta utrisque infixæ in manibus et pedibus et pectore, ad ultimum gladio feriuntur.A. T. L. præsignant in civitate Visionensi. C. Ubisoncensi. B. Vindocinense.Florus in A. et T. In Nicomedia civitate passio S. Adriani et comitum ejus, qui passi fuerunt sub Maximiano imperatore. Hi enim cum cogniti essent Christiani, jussi sunt ab imperatore extendi, acriterque fustibus cædi: ac deinde susceptos in carcerem, jussit incudem æneam pedibus eorum supponi, sicque eos abscindere, tibiasque eorum confringere donec deficerent.Idem in T. primo loco. Apud Antiochiam passio S. Cyrici et Iulittæ matris ejus: quorum prior post dira verbera, etiam calcem cum aceto et sinapi in os accepit: deinde pariter clavis confixi, evulsis oculis in carcerem trusi sunt. Post hæc decalvati et excoriati super carbones in lecto æneo assati sunt. Qui regnante Alexandro, sub præside Alexandro, martyrii sui cursum obtruncatione capitis impleverunt. Passi sunt autem cum eis et alii quadraginta quatuor.Quæ sic breviter et ultimo loco habes in A. Et natale Cyrici et Iulettæ matris ejus cum quadringentis quatuor martyribus. In V. simplex fit Quirici et Iulittæ matris ejus mentio. A. et B. eos in Antiochia præsignant. B. In civitate Nannetis natale S. Similini. In Africa natale SS. Diogenis, Valerii, Martiæ.
• 17 XV. Kal.Aurelianis civitate depositio S. Aviti presbyteri et confessoris.Florus in A. T. L. addit: Cujus vitæ descriptio inter cætera virtutum suarum miracula astipulatur mortuum suscitasse.Non satis tamen constat primum esse Beda: nam sic legitur in V. et C. Romæ Cyriaci, Blasti, Nicandri, Diogenis, Aviti presbyteri: et in A. T. L. hæc de Avito ultimum locum tenent, præter quam solent ea quæ vere sunt Beda. Præmittitur autem in T. ac L. Romæ ad septem columnas passio SS. Quiriaci, Blasti, et Diogenis: in A. Romæ natale S. Quiriaci: ac deinde omnia tria MSS. pergunt pariter. Alexandri passio SS. Dioscori et Marini martyrum. Aurelianis &c. B. Romæ nat. SS. Nicandri et Alexandri, Dorostoli, Alexandri, Dioscori, et Marini martyrum. Et S. Bartholomæi apostoli. Et S. Heliæ prophetæ.
• 18 XIV. Kal.Romæ SS. martyrum Marci et Marcelliani.Addit Florus in A. T. L. Qui monitis B. Sebastiani in fide Christi solidati, sub præfecto Fabiano ad stipitem ligati, in pedibus aculeos acceperunt: ubi una die et nocte in psalmis et hymnis perseverantes, ambo lanceis per latera verberati sunt, talique martyrio ad cœlestia regna migraverunt. [Hactenus A.] Scriptum in gestis B. Sebastiani.V. et C. addunt Cyriaci, Thomæ apostoli, et Pauli. B. Ravennæ natale SS. Felicis, Emilii, Crispini. In Alexandria natale S. Marinæ.
• 19 XIII. Kal.Sanctorum Gervasii et Protasii in Mediolano,—Additur in A. T. L. fortassis a Floro: Quos Nero imperator post varia tormenta Amilium præfectum interficere jussit.quorum sepulcra Ambrosius Domino revelante reperit, et ita incorrupta eorum corpora ac si eodem die fuissent interempti: quæ cum in urbem introducerentur, quidam diu cæcus feretri tactu lumen recepit.Addunt V. et C. Sanctorum Nazarii et Celsi pueri: in MSS. autem A. et T. Celsi pueri nomen duobus prioribus jungitur. B. Romæ Hypoliti, Honorii, Petri, Valeriæ, Marcellini, Vitalis.
• 20 XII. Kal.Vacat Beda.D. Romæ Novati, fratris Timothei presbyteri: qui ab apostolis eruditi sunt. B. In civitate Tomis natale SS. Pauli, Cyriaci, Felicianæ, Felicis, Emilii. Eodem die passio SS. Crispini et Vitalis martyrum. V. C. In Tomis civitate Pauli, Cyriaci, Paulæ, Feliciæ, Vitalis, Crispini. A. T. In civitate Tomis passio S. Crispini martyris Emili et S. Felicis. L. In civitate Tomis passio Cyriaci, Feliciani, Emili, et Felicis.
• 21 XI. Kal.Vacat Beda.Florus in A. T. L. In Cæsarea Palæstinæ depositio S. Eusebii confessoris, qui scripturis divinis studiosissimus et bibliothecæ divinæ cum Pamphilo martyre diligentissimus investigator fuit.D. Syracusis Rufini. Romæ Demetriæ virginis. V. C. Saturnini, Quiriaci, Apolinaris, Januariæ, Rufini, et Marciæ. A. T. In Africa natale SS. Saturnini et Quiriaci. B. In Africa Saturnini. In Cæsarea depositio Eusebii episcopi. Ipso die in Moguntia S. Albini martyris. In Sicilia civitate Rufini et Martiæ. Item in Africa Quiriaci et Apollinaris.
• 22 X. Kal.In Britannia S. Albani martyris, [Additur in A.] cum aliis octingentis octoginta octo. Qui tempore Diocletiani imperatoris in Verolamio civitate, post verbera et tormenta acerba capite plexus est: sed illo in terram cadente, oculi ejus qui eum percussit pariter ceciderunt. [Hactenus A.] Passus est cum illo etiam unus de militibus, eo quod eum ferire jussus noluerit: divino utique perterritus miraculo, quia viderat beatum martyrem sibi, dum ad coronam martyrii properaret, alveum amnis interpositi orando transmeabilem reddidisse.Addunt V. et C. Et cum eo alii numero octingenti octoginta novem positi in Cathalacum: quorum nomina scripta sunt in libro vitæ. Ast B. præmittit: In Alexandria civitate natale S. Rufi; et natale S. Jacobi apostoli, et natale sanctorum mille quadringenti octoginta, hactenus L. B. In civitate Nola natale S. Paulini episcopi.Florus in A. T. L. Eodem die Nolano, [deest locus in A.] depositio S. Paulini episcopi et confessoris, qui valde dives et locuples ad verbum Domini vendidit omnia quæ habebat et dedit pauperibus: deinde episcopus factus tantum virtute multiplicata in gratiarum charismata resplenduit, ut in obitu suo S. Martinum et S. Januarium episcopum Italicum, priusquam spiritum redderet, corporeis oculis contemplaretur: prius enim eo de hoc mundo migraverunt.
• 23 IX. Kal.S. Ediltrudæ virginis et reginæ in Britannia: cujus corpus cum undecim annis esset sepultum, incorruptum inventum est. Et vigilia S. Joannis Baptistæ.B. In Nicomedia passio sanctarum virginum Pistis, Helpis, et Agapæ, matris earum, Capitonis, et aliorum septuaginta et octo.
• 24 VIII. Kal.Nativitas præcursoris Domini. Florus in A. T. L. Eodem die Augusta Veromanduorum in fluvio Somenæ, inventio ab Eusebia corporis B. Quintini martyris, insigniter probati: pergit T. nam eadem matrona angelo revelante ad pagum et locum fluminis, ubi ipsum corpus annis quinquaginta quinque jacuerat, pervenit, præconata oratione: ad se ventum nimio candore et odore fragranti nulla macula corruptum suscepit: volensque eum Vermandis oppido sepelire, tantam sui ponderis gravitudinem dedit, ut de loco, quem suo consecraverat sanguine, moveri ulterius non posset. Inventrici vero suæ pro beneficiis exhibitis lumen amissum, et omnibus, quos eadem hora illic contigit venire, pristina est reddita sanitas.B. C. V. Romæ SS. Sisti, Luceiæ. B. C. cum aliis viginti duobus. A. T. L. B. Augustoduno depositio S. Simplicii episcopi et confessoris.
• 25 VII. Kal.Vacat Beda.D. Pyrrhiberoa Sosipatris, discipuli Pauli apostoli. C. V. Lamptani, Salunicæ, Luceiæ virginis, et Accegæ regis. L. Natale S. Lucæ virginis et Aucei regis cum aliis novem. A. et T. In Thessalonica civitate natale S. Luciæ virginis, et natale S. Agapiti. A. Et S. Amantii episcopi. Translatio Eligii et Vindiciani, primo loco. T. Eodem die S. Lietbuini episcopi et confessoris, et Aucei regis, cum aliis octo. B. In Thessalonica Lamptani et Bigitti. In Genelaico natale S. Amandi confessoris.
• 26 VI. Kal.Romæ SS. Joannis et Pauli, quorum primus præpositus, secundus primicerius fuit Constantiæ virginis filiæ Constantini: qui postea sub Juliano martyrium capitis abscissione meruerunt, per Terentianum campiductorem: qui deinde Christianus factus est.Additur in T. et L. a Floro ut opinamur: hic cum quoddam idolum in quodam loco confregisset, in ejusdem idoli basi residens, et verbum divinum prædicans, ab incolis loci illius imbre lapidum obruitur, et sic martyrii gloria coronatur.Idem in A. T. L. Ipso die apud Valentianas passio S. Salvii episcopi et martyris: T. qui pro nomine Christi suos relinquens et Gallias aggrediens palmam martyrii adeptus est.T. A. Ipso die nativitas S. Nicolai. B. In Alexandria Agathonis et Diogenis. C. In Africa Gaudentii, Felicis, Agapiti, Agathoni, et Diogenis.
• 27 V. Kal.Vacat Beda.D. Apud Galatiam Beati Crescentis discipuli S. Pauli apostoli. V. C. Romæ via Tiburtina milliario nono Crispi, Crispiniani, Felicis. Septem germanorum. B. quartum addit nomen Spinellæ. A. T. L. Romæ Crispini et Crispiniani. Eodem die passio S. Vigilii Tridentinæ urbis episcopi. Et in Epheso, [locus abest ab A.] septem germanorum dormientium, [nomina recenset T.] Maximiani, Malchi, Martiniani, Constantini, Dionysii, Joannis, Serapionis. T. L. Eodem die passio S. Hirenæi sociorumque ejus. B. In Hispaniis Crescentis, Juliani, Eugenii, Novatiani. In Insula via translatio S. Florentii.
• 28 IV. Kal.Vigilia apostolorum Petri et Pauli. Ipso die S. Leonis papæ.A. T. L. In Alexandria SS. Sereni et Theodori. B. In Africa Fabiani, Felicis, Venusti, Crescentii. In Alexandria natale SS. Sereni et Theodori. Lugduno Galliæ natale S. Erenæi, cum aliis sex.
• 29 III. Kal.Romæ natalis apostolorum Petri et Pauli.Addit Florus in T. et L. Qui jussu Neronis imperatoris Petrus crucifixione, Paulus capitis plexione martyrio coronati sunt.Longiora utriusque elogia ab etymo nominis initium sumentia habentur in MS. V. quæ omittimus: sicut et alia aliorum apostolorum, diebus cuique hic assignatis aut assignandis inscripta istis similia: tum quia ad Bedæ aut Flori textus discernendos nihil faciunt, tum quia alibi obvia. B. Et natale S. Novatiani martyris cum aliis nongentis septuaginta octo martyribus. C. Et aliorum dcccclxxviii. martyrum.
• 30 II. Kal.Vacat Beda.Florus in A. T. L. Lemovicas civitate depositio Martialis episcopi, qui fuit unus de septuaginta duobus. T. L. qui a Romana urbe a B. Petro in Gallias missus, in urbe Lemovicina prædicare exorsus est; eversisque simulacrorum ritibus, repleta jam urbe Dei credulitate, migravit a seculo.A. T. Andegavis civitate translatio corporis Albini episcopi et confessoris. V. Commemoratio [C. natale] S. Pauli apostoli. C. Et natale SS. Timothei, Zotici, Pamfli. B. Lemovicas depositio S. Martialis episcopi et confessoris. Andegavis civitate translatio corporis S. Albini episcopi.

• JULIUS.
• 1 Kalendis.Vacat Beda.Florus in A. T. L. Romæ natale sanctorum virginum Fidei, Spei, et Caritatis, et Sophiæ matris ipsarum. Quarum prima, cum duodecim esset annorum, jussu Adriani nimia cæde mactata, mamillarum abscissione lacerata, craticulæ superposita, in sartagine deposita, ad ultimum gladio punita est. Secunda quippe diu nervis contusa, in ignem projecta, acriter torta ac cæsa, et in æneo vase pice resinaque pleno bullita, nec consumpta, ictu gladii interiit. Tertia autem eculeo suspensa, in fornacem missa, sed ab angelis protecta, postea sententiam decollationis suscepit. Mater vero ad monumenta earum projecta, a somno suppressa, requievit in pace. Scriptum in gestis earum.Vacat, quod rarissimum, supplem. D. nisi quod recenti manu inscriptum sit, Ecolesma Esparsi presbyteri et confessoris. V. C. Romæ Gagi papæ. Et sanctorum Luci virginis et Accegæ regis cum aliis octo. V. C. B. Et in monte Hor depositio Aaron sacerdotis primi. A. Natale S. Gagii papæ, Karelifi confessoris, et octavæ S. Joannis. T. Eodem die S. Kerlefi, qui bonis actibus ac miraculorum signis effulsit. Romæ depositio Gagii papæ. Et passio SS. Esici, Sereni, et Victoris. L. Ipso die Remis S. Theodorici confessoris. B. Anisolæ monasterio depositio S. Carilephi presbyteri. In Mesopotamia Zeli cum aliis sex. Orionis cum aliis octo, et aliorum cclxxiv. Augustoduno depositio Leontii episcopi et Quintiani confessoris.
• 2 VI. Nonas.Romæ natale SS. Processi et Martiniani.Quæ sic leguntur in A. B. T. Romæ natale SS. Damasi et militum Processi et Martiniani. V. C. B. addit, Et depositio Melchiadis papæ. A. Inventum est corpus S. Vedasti a Theodorico episcopo anno ab incarnatione Domini octingentesimo quinquagesimo secundo. B. Turonis depositio S. Monegundæ virginis. L. Visitatio B. Mariæ virginis.Florus in A. T. L. Turonis S. Monegundis, quæ duabus filiabus orbata, spreto viri consortio, ad Christum convolavit: cujus amore in parva cellula se recludens, ibidem magna enituit abstinentia, et ante et post transitum multitudine miraculorum.
• 3 V. Nonas.Translatio S. Thomæ apostoli in Edessa ex India.Addidit B. qui fuit passus in India xii. Kal. Januarii. A. T. L. In Alexandria natale SS. Menelai, Ammonii, et Cyrilli. B. In Alexandria Triponis, Menelai, Cyrilli, Juliani. Constantinopoli Eufemiæ, Acaci, Demetrii.
• 4 IV. Nonas.Turonis translatio S. Martini confessoris, vel ordinatio episcopatus ejus, seu dedicatio basilicæ ipsius.Florus in A. T. L. Romæ natale Zoæ, uxoris Nicostrati; [Hactenus L.] quæ nimietate ægritudinis sex annis muta, et a B. Sebastiano curata, Christianissimaque effecta, dum in natali apostolorum ad confessionem B. Petri oraret, ab insidiantibus paganis arctatur duciturque ad patronum regionis Naumachium, et compellitur Martis statunculo, quod illic stabat, thuris guttam incendere. [Hactetenus A.] Illa hæc deridens in custodia obscurissima mittitur: ubi per quinque dies, nec lumen videns nec cibum potumque accipiens, ab inclusore minabatur. Transitisque diebus sex jussa est a collo et capillis in arborem excelsam suspendi, et subter fumum ex sterquilinio adhiberi: in qua suspensa in confessione Domini emisit spiritum. Cujus corpus persecutores auferentes saxo ligaverunt, et Tiberis alveo immerserunt, dicentes: Ne Christiani id tollant, et faciant illam sibi deam. Scriptum in gestis B. Sebastiani.C. V. Et natale S. Lauriani martyris, cujus caput in Spanis portatum est. sed A. T. ac L. Bituricas civitate passio S. Lauriani martyris: cujus caput in Hispaniam portatum est. B. In Sirmia Sabbatiæ Innocens cum aliis triginta. Betiricio civitate natale S. Lauriani episcopi et martyris.
• 5 III. Nonas.Vacat Beda.D. Syria S. Donati martyris. Romæ Zoæ uxoris Nicostrati. C. V. In Sicilia Agathonis, Triphonis, Feratoris, Theodosii, Secundini. A. T. L. In Tomis civitate natale SS. Theodoti et Secundini. A. T. In Alexandria S. Arpotis. T. L. B. In Sicilia passio SS. Agathonis et Triphonis. B. In Tomis Stratoris, Theodori, Rodofiæ, Secundini. In Alexandria Erpotis.
• 6 II. Nonas.Isaiæ prophetæ, et octavæ apostolorum.Florus in A. T. L. Romæ passio S. Tranquillini, patris Marci et Marcelliani: qui doctrinis B. Sebastiani Christianissimus effectus, dum ad confessionem B. Pauli accessisset, perpessus insidias, tentus et a populo lapidatus, mortuus est, corpusque ejus Tiberino gurgiti mancipatum. Scriptum in gestis B. Sebastiani.B. In Syria Zotici, Amandi, Artetis. Augustiduno depositio S. Leontii episcopi. In Alexandria Arthoti, Zeti. B. L. Et in Binga natale S. Goaris confessoris.
• 7 Nonis.Vacat Beda.C. B. V. In Alexandria Parthemii, Eraclii, Publii, cum aliis decem et octo. A. T. L. In Alexandria natale SS. Apollonii, Helei, et Parmeni, [hactenus A.] cum aliis novemdecim. B. Et alibi Alexandri, Partiminii. D. Alexandria S. Panteni. Romæ martyrum Nicostrati, Primi, Sesinii, Claudii Commentariensis, Castorii, Victorini, Symphoriani, quos B. Sebastianus credere Christum docuit, et S. Polycarpus presbyter baptizavit.
• 8 VIII. Idus.Natale Procopii in Palæstina, qui ab Scythopoli ductus Cæsaream, ad primam responsionum ejus confidentiam irato judice Flaviano, capite cæsus est.B. Augusta Virmandorum inventio corporis S. Quintini martyris. Et alibi Agresti, Primuli. In Nicea Sostrati, Eradii.
• 9 VII. Idus.In civitate Tyræ natale SS. Anatholiæ et Audacis sub Decio imperatore: quorum Anatholia, cum multos in Piceno infirmos, lunaticos, ac dæmoniacos curasset, ducta est jubente Festiniano ad civitatem Tyræ, et diversis plagarum generibus vexata. Deinde cum serpente tota nocte inclusa, nihil læsa est: quin et ipsum ministrum, qui serpentem immiserat, nomine Audacem, mane a suo serpente devorandum eripuit, et ad Christi martyrium convertit. [Hactenus A.] Nam ipse post hoc ob confessionem veritatis in custodiam datus, nec mora, capitali sententia coronatus est. Ipsa quoque virgo Christi gladio transverberata est, cum staret extensis manibus in oratione; ita ut per dextrum latus gladius missus, per sinistrum exiret. Quæ passa est vii. Idus Julii: sepulta autem mane a civibus Tyrensibus. Audax vero, qui ab Oriente erat, ab uxore sua et filiis illo translatus est. Eodem die depositio S. P. N. Ephrem.Florus in T. et L. In Ægypto passio Cyrilli episcopi: qui tempore Decii imperatoris, jubente Lucio duce, primum in ignem projectus, cum illæsus exiret, postea capitali sententia est damnatus.A. Sennis S. Eraclii episcopi et confessoris. B. Romæ natale virginum Florianæ, Faustinæ.
• 10 VI. Idus.Romæ septem fratrum, filiorum S. Felicitatis, id est, Felicis, Philippi, Vitalis, Martialis, Alexandri, Silani, et Januarii, sub præfecto urbis Publio, tempore Antonini principis. E quibus Januarius, post verbera virgarum et carcerem ac plumbatas, occisus est: Felix et Philippus fustibus mactati: Silanus præcipitio interemptus est: Alexander, Vitalis, et Martialis capitali sententia puniti.L. Ipso die natale S. Etthonis episcopi et confessoris. V. C. Eodem die natale sanctarum virginum Rufinæ, Secundæ, et Fortunatæ.
• 11 V. Idus.Depositio S. Benedicti abbatis.Florus in A. T. L. Translatio corporis. T. quo die prædictis partibus Romæ Floriaco est perductus. A. T. Qui maximis elucens virtutibus regulam monachis et ordinem descripsit. Hujus vitam beatus papa Gregorius stylo dilucidavit. In Armenia civitate Nicopoli passio SS. Januarii et Pelagiæ: qui tanta tormenta perpessi sunt, ut non solum ungulis sed etiam testis corpora eorum usque in diem quartum laniata sint.B. In pagum Aurelianensem invectio corporis S. Benedicti abbatis et depositio ejusdem. L. Et in Pago Pictavensi S. Salvini martyris. C. V. B. Romæ natale SS. Leontii, Stephani, Mauritii. B. addit, et Melitonis.
• 12 IV. Idus.Vacat Beda.D. Apud Aquileiam natale S. Hermagoræ ipsius civitatis primi episcopi, discipuli S. Marci evangelistæ.C. V. In Aquilegia Fortunati. Agathæ virginis. Naboris et Felicis. A. T. In Sicilia natale S. Naboris et S. Felicis. Lugduno Galliæ depositio S. Vincentii episcopi. A. Ermagonæ episcopi, et Fortunati diaconi. T. et L. In Aquileia passio Fortunati. L. B. In Mediolano natale Naboris, Felicis, primitivi. B. In Aquileia natale SS. Fortunati et Armogeni. Lugduno Galliæ depositio S. Viventioli episcopi.
• 13 III. Idus.Vacat Beda.D. Esdræ et Joel prophetarum. Et apud Africam natale sanctorum confessorum Eugenii Carthaginensis episcopi, fide et virtutibus ac miraculis gloriosi, et universi cleri ejusdem ecclesiæ. B. C. V. A. T. L. In Alexandria SS. Serapionis, Melei, Attali, Zenonis, Nasei, Trophimi et Menei presbyteri: qui postremus deest in V. et C. ubi etiam non Trophimi sed Trophimæ legitur: et in A. T. L. deest Attalus: Zeno etiam omittitur ab A. Addit L. Et in Roma depositio Anacleti episcopi.
• 14 II. Idus.S. Phocæ episcopi Ponti: qui sub Trajano imperatore, præfecto Africano, carcerem, ungulas, ferrum, ignem etiam pro Christo superavit: cujus reliquiæ in basilica apostolorum in Gallia civitate Vienna habentur.A. Ipso die in villa quæ dicitur Somnias depositio B. Vincentii: qui monitis B. Autberti pontificis mundum relinquens, in factis bonæ conversationis se exercuit. L. Apud monasterium Sonegias dictum natale S. Vincentii abbatis: qui construxit locum Altimontis per angelum Domini. C. V. Gallia natale S. Justi episcopi et confessoris. B. Lugduno Galliæ depositio S. Justi et Amati episcoporum.
• 15 Idibus.Vacat Beda.D. B. Cyrici et matris ejus. B. Iulittæ, quæ in D. scribuntur rubrica, quod toto in libello solum bis reperitur, eorundem natale primo etiam loco in T. notatur. C. V. S. Cyrici, Philippi, Secundini, Marcialis, et S. Jacobi episcopi Nisibis, qui in corpore multa signa fecit, et arcam Noe solus vidit in monte: nulli alii de iis qui cum eo perrexerant videre est permissum. T. Eodem die S. Florentii; et S. Jacobi episcopi: L. hunc præsignat in Armenia et pariter prosequitur, per quem Dominus multa signa fecit. B. In Alexandria natale SS. Philippi, Zenonis, Nasei et decem sororum. In Cartagine S. Catholini diaconi. Divisio prima apostolorum duodecim. T. addit, ad prædicandum. A. sic prosequitur: quando ipse Dominus Jesus ante passionem suam misit eos ad prædicandum et evangelizandum regnum Dei, præcipiens eis et dicens: In viam gentium ne abieritis, et in civitatem Samaritanorum ne intraveritis, &c.Eodem die relatio S. Vedasti de Belvaco anno octingentesimo nonagesimo tertio Dominicæ incarnationis. Fuit autem apud prædictam urbem in ecclesia S. Stephani protomartyris annos duodecim, menses novem, dies viginti tres. Prædicta in die capta est Hierusalem ab exercitu Christianorum, et liberata de manu paganorum.
• 16 XVII. Kal. Aug.In Ostia natale S. Hilarini: qui sub persecutione Juliani, cum nollet sacrificare, fustibus cæsus martyrium sumpsit.C. V. In Antiochia Theodosii, Eustasii, Dionysii. L. Ipso die SS. Monulfi et Gundulfi episcoporum. T. Eodem die adventus corporis S. Cassiani episcopi in basilica S. Quintini martyris, signis et miraculorum virtutibus gloriose coruscantis. Et S. Bertini corpus transfertur et reconditur. B. In Cæsarea natale SS. Pauli et Mammetis. Et natale sanctorum Valentinæ, Theoni, Diocletis.
• 17 XVI. Kal.In Carthagine Scillidanorum, id est, Marcialis, Cithii, Vesturii, Felicis, Aquilini, Lactantii, Januarii, Generosi, Vestæ, Donatæ, et Secundæ, sub Saturnino præfecto: qui post primam Christi confessionem in carcerem missi et in ligno crucifixi, in mari gladio decollati sunt.C. V. Autisiodoro Theodosii episcopi. V. Et S. Alexii in Ap. . . Et Marinæ. A. T. L. Romæ S. Alexis confessoris. B. Mediolano natale S. Marcelli.
• 18 XV. Kal.Natale S. Arnulfi confessoris.Addit Florus in A. T. L. Cujus vita maximæ extitit sanctitatis.Notatur autem in A. In Galliis Silva Aquilina passio S. Arnulfi episcopi: in T. vero, eodem die in Gallia civitate Metis depositio S. Arnulfi episcopi et confessoris: ast in L. non prænotato loco solus ei datur titulus martyris. C. V. Romæ Symphorosæ matris septem germanorum. B. addit nomina et elogium quæ infra vide xii. Kal. A. Sanctæ Symphorosæ cum septem filiis. B. In Ponto Amantiæ civitate, Pontini, Filantii, Helianæ virginis, Mariæ virginis.
• 19 XIV. Kal.S. P. N. Arsenii, de quo in verbis seniorum refertur, quia propter redundationem lachrymarum tergendam sudarium semper in sinu vel in manu habuerit.C. V. Et alibi Rustici. V. Presbyteri et confessoris. C. Lugduno Galliæ depositio Rustici episcopi et confessoris. In Alexandria Sisinni. In Spania natale S. Justi.
• 20 XIII. Kal.Vacat Beda.D. Natale B. Joseph, qui cognominatus est Justus, quique cum B. Matthia, ut numerum duodecim impleret, ab apostolis statuitur. C. V. Romæ passio S. Striæ, Magrini, Nesticæ, Satiri, Amarini, Secundi. B. Romæ natale SS. Passeriæ, Macrini, Saturi. In Africa Sabini, Luciani, Amabilis. In Thebaida natale Victoris. A. T. L. In Africa natale SS. Luciani, Sabini, et Sandi. Ipso die passio S. Margaretæ virginis et martyris. T. In pago Galliæ Bononense monasterio Silmaco. T. A. Depositio S. Vulmari abbatis. B. In Damasco natale Lucianii, Marcrobii, cum aliis decem.
• 21 XII. Kal.Natale S. Praxedis virginis, et S. Danielis prophetæ. Et apud Tiburtinam urbem Italiæ natale S. Symphorosæ cum septem filiis, Crescente, Juliano, Nemesio, Primitivo, Justino, Stacteo, Eugenio: cum quibus simul passa est ab Adriano principe: qui ipsam Symphorosam jussit palmis cædi, deinde suspendi crinibus: sed cum superari nullatenus posset, jussit eam alligato saxo in fluvium præcipitari: cujus frater Eugenius, principalis curiæ Tiburtinæ, colligens corpus ejus sepelivit. Et mane imperator jussit septem figi stipites, ibique filios ejus ad trochleas extendi: et Crescentem in gutture transfigi, Lucianum in pectore, Nemesium in corde, Primitivum per umbilicum, Justinum per membra distensum scindi per singulos corporis nodos atque juncturas, Stacteum lanceis innumerabilibus donec moreretur in terra configi, Eugenium findi a pectore usque ad inferiores partes. [Hactenus A.] Altera autem die Adrian us præcepit corpora eorum auferri et projici in foveam altam, et posuerunt pontifices nomen loci illius ad septem Biothanatos.Deest hoc ultimum in T. ac L. et pro eo ponitur, Ne Christiani ea haberent: deest etiam in B. ad xv. Kal. L. Eodem die Victoris sociorumque ejus. B. Eodem die S. Danielis prophetæ. In Massilia natale SS. Victoris, Alexandri, Feliciani, et Longini.
• 22 XI. Kal.Natale Mariæ Magdalenæ.Prænotatur in T. In Massilia. B. C. V. In Antiochia Cyrilli, Andreæ. B. Tabelli. T. Massilia natale S. Adriani. A. T. L. Et S. Cyrilli. Et in cœnobio Fontanellæ S. Wandregisili abbatis. A. Et Octava S. Vedasti episcopi, patris nostri. B. Et alibi natale S. Platonis.
• 23 X. Kal.Natale S. Apollinaris episcopi in Ravenna: qui Romæ ordinatus est ab apostolo Petro et illuc missus est: qui etiam in Æmilia prædicavit, et in partibus Corinthiorum, et in Mysia et in ripa Danubii et in partibus Tarachiæ: in quibus locis exilio relegatus est. Et ubicunque potuit innumeras virtutes fecit, et passiones sustinuit: nam nimia cum cæde mactatus est, et rursum diutius fustibus cæsus, ac nudis pedibus super prunas impositus, et eculeo appensus tensus est, et saxo os ejus contusum est, et cum gravissimo ferri pondere inclusus carcere horribili atque in ligno extensus est, ubi hominibus quidem neglectus sed ab angelo publice pastus est. Deinde catenatus et in exilium directus est, in quo rursum diutius fustibus cæsus, et rursum in Ravenna ligatus a paganis cæsus et vulneratus, et rursum in carcere missus et cæsus, sic martyrium consummavit, sub Vespasiano Cæsare, Demosthene patricio. Rexit ecclesiam annis viginti dies octo.Ita D. ast B. C. A. T. annis viginti octo et dies quatuor. V. annis triginta et octo. L. Annis decem et octo et diebus quatuor.C. V. Romæ Vincentii. Natale Primitivi. B. Primitivæ.
• 24 IX. Kal.Natale S. Christianæ virginis.A. T. L. prænotant in civitate Tyro. C. V. In Am. . . S. Victorini. B. A. T. L. In Armenia passio SS. Theozoni, Victoris, et Militaris: qui multa tormenta passi sunt. Horum primus abest a MS. L. Sola regionis et martyrum nomina ponuntur in B.
• 25 VIII. Kal.Natale S. Jacobi apostoli, Zebedæi.Addit Florus in T. et L. Fratris Joannis evangelistæ, cujus passionem Clemens Alexandrinus describens, Et is, inquit, qui obtulerat eum, Jacobum scilicet, judici ad martyrium, motus etiam ipse confessus est se esse Christianum. Ducti sunt autem ambo pariter ad supplicium. Et cum ducerentur, in via rogavit Jacobum dare sibi remissionem. At ille parumper deliberans, Pax tibi, inquit, et osculatus est eum: et ita ambo simul capite plexi sunt.Idem Florus in A. et T. Eodem die in Lycia civitate Samon natale S. Christophori. Idem legitur in B. et pergit solum T. qui jussu Dagni regis in carcere reclusus, Niceam et Aquilinam, quas ipse tyrannus ad seducendum eum miserat, ita convertit, ut idola Jovis et Apollinis, quæ ante colebant, fide Christi ferventes, zonis suis ligata ad terram prosternerent. Unde, præcipiente Dagno, altera est membris disrupta; altera stipiti suspensa, et igni apposita, ac deinde gladio trucidata. Sanctus vero Christophorus, ligatis manibus et pedibus, virgis ferreis cæsus, deinde in scamno ferreo et in igne olei liquore superfuso positus; hinc stipiti appensus, et a militibus sagittarum ictibus pulsatus est. Sed sagittis a dextris ejus et a sinistris suspensis, una ex eis velut venti flamine retorta, in oculum Dagni penetravit, sicque data sententia isdem athleta Christi capite plexus est. Post cujus decollationem ipse Dagnus ad sepulcrum ejus altera die veniens, secundum promissionem ipsius martyris et oculi sui sanitatem recepit, et magnifice Deum S. Christophori glorificavit.L. C. V. simpliciter nomen Christophori hoc die habent: cui addit V. In portu S. Acontii.Ejusdem Flori esse videtur in T. et L. In Barcinona civitate S. Cucuphatis martyris. Et S. Eutyciani papæ et martyris: qui cum ecclesiam Romanam annis viginti octo post Petrum rexisset, trecentos quadraginta duos martyres propriis manibus sepelivit, passusque est martyrium temporibus Aureliani.A. Ipso die depositio B. Judoci egregii confessoris: cui adstipulatur inter cæteras virtutes, quæ præ multitudine dinumerari non possunt, etiam duos mortuos suscitasse. B. Parisiis translatio corporis S. Germani episcopi et confessoris.
• 26 VII. Kal.Vacat Beda.Florus in A. T. L. In Laodicia Phrygiæ natale S. Saturnini, et S. Juliani et Felicis. In Italia civitate Aretio passio SS. Donati episcopi et Elarini monachi: qui tempore Juliani imperatoris capitis amputatione martyrium consummaverunt, sub Quadratiano, A. Adriano, L. Quadritone, præfecto.D. Romæ in portu S. Hiacynthi martyris, qui passus est sub consulari Leontio, Luxurio primo civitatis tradente. B. C. V. In Laodicia Phrygiæ Jobiani, Juliani, Felicis, Marciani, et Pastori presbyteri. B. Et alibi sanctarum Marcianæ, Laudiæ.
• 27 VI. Kal.Vacat Beda.Florus in A. T. L. Eodem die Romæ passio S. Symphronii: cum quo Olympius cum uxore sua Exuperia et filio Theodolo, jussu Valeriani et Galieni, ignibus sunt exusti.B. C. D. V. A. T. In Syria Simeonis monachi. A. T. Romæ SS. Agontii et Emeriti. T. B. Autisiodor depositio S. Etheri episcopi et confessoris. B. In Nicomedia natale SS. Juliæ, Secundi, Januariæ.
• 28 V. Kal.Vacat Beda.Florus in A. T. L. In Mediolano passio SS. Nazarii et Celsi pueri: qui jussu Neronis, sub Juliano præfecto, amputatis capitibus Christo sunt immolati. Horum corpora B. Ambrosius, Domino revelante, miro modo conservata invenit. Lugduno natale Pantaleonis: qui sub Maximiano imperatore martyrio coronatus est. Hactenus L. Britannia monasterio Dolo depositio S. Sampsonis episcopi et confessoris.V. C. In Nicomedia Juliani, Jocundi, et S. Pantaleonis martyris. Mediolano Nazarii et Celsi. In Britannia S. Sampsonis episcopi et confessoris. Nicomedienses tamen in C. habentur die præcedenti. B. In Nicomedia natale SS. Nazarii et Celsi. In Laodicea civitate Phrygiæ natale SS. Theophili, Prudentii, Philippi, Alexandri. Et alibi natale S. Augustæ virginis in occiduis partibus. V. Nicomediæ passio S. Pantaleonis: qui cum jubente Maximiano artem disceret medicinæ, ab Hermolao presbytero ad Christi fidem conversus, multa miracula fecit. T. Romæ S. Victoris episcopi.
• 29 IV. Kal.Natale SS. Felicis, Simplicii, Faustini, et Beatricis. Eodem die depositio S. Lupi episcopi de Trecas: qui cum Germano venit Britanniam, et quinquaginta duos annos sacerdotio functus est: qui tempore Attilæ, qui Galliam vastabat, sicut in hymno ejus canitur,
  • Dum bella cuncta perderent,
  • Orando Trecas muniit.
  Anni sacerdotii in D. dumtaxat sex: in A. et B. quinquaginta: in C. nulli exprimuntur. V. nominibus martyrum subjungit. Et S. Seraphiæ virginis: atque post S. Lupi memoriam ibidem legitur, Depositio B. Prosperi episcopi. Eundem habet C.
• 30 III. Kal.Romæ Abdon et Sennes subregulorum: qui cum in Cerduba civitate Persarum vincula paterentur a Decio, ad ultimum duxit eos Romam catenis obligatos et diversis pœnis maceratos, ubi primum plumbatis cæsi, deinde gladio interfecti sunt.Florus in A. et T. sic phrasim mutavit et sensum, Romæ passio S. Abdon et Sennes: qui de Persida Romam venerunt, et sub Decio imperatore diversis pœnis macerati ad ultimum gladio interfecti sunt.Idem Florus in T. et L. Eodem die Romæ passio S. Tertullini: qui præcepto Valeriani cum diis sacrificare nollet, primum fustibus mactatus et ignibus affictus est, deinde Sapricio præfecto traditus, post quæ os ejus lapidibus tundi et iterum ignibus affligi, et in eculeum suspendi jussus est. Et cum vinci non posset, nuntiata ejus constantia Valeriano, data sententia capite jussus est puniri. Sed hæc contractus L. sic absolvit, Qui jussu Valeriani, post dira tormenta, capite jussus est puniri.B. Autisiodoro depositio S. Ursi episcopi.
• 31 II. Kal.Vacat Beda.Vacat etiam supplementum Divionense.V. C. Autisiodoro depositio S. Germani. Et natale SS. Secundini, Maximæ. C. Eodem die reconciliatio S. Nicolai. B. In Africa civitate Sindana natale SS. Democriti, Secundi, Dionysii, Thyrsi. A. T. In Africa SS. Dionysii, Secundi, et Thyrsi. Item A. T. L. hoc die habent quæ alibi ubique i. Augusti leguntur de S. Germano ex Beda.

• AUGUSTUS.
• 1 Kalendis.Ad S. Petrum ad Vincula. Et SS. Machabæorum.B. Dedicatio primæ basilicæ a B. Petro constructæ, quæ dicitur ad S. Petrum ad Vincula. De Machabæis in A. T. L. B. sic legitur: In Antiochia passio SS. Machabæorum, qui passi sunt sub Antiocho rege cum matre sua.Et Altissiodoro Germani episcopi, qui multis virtutibus doctrina et continentia clarus, etiam Britonum fidem per duas vices a Pelagiana hæresi defendit. Et in Vercellis Eusebii episcopi, qui moventibus persecutionem Arianis, sub Constantio principe martyrium passus est.Florus in A. T. L. Romæ passio SS. Boni, Fausti, Mauri, Primitivi, Calumniosi, Joannis, Exuperantii, Cyrilli, Honorati: qui, cum essent clerici B. Stephani episcopi, a Valeriano et Gallieno sine ulla audientia pro nomine Christi pariter sunt decollati. In T. et L. Eodem die Romæ S. Victoris papæ, qui ad interrogationem sacerdotum de circulo paschæ, cum episcopis et presbyteris facta collatione, Theophilo Alexandriæ episcopo accersito, constituit, ut a quarta decima luna primi mensis usque ad vicesimam primam semper sanctum pascha die Dominico celebraretur; passusque est martyrium tempore Commodi et Granionis. Scriptum in libro episcoporum. In Hispaniis Gerunda civitate, passio S. Felicis: hic enim post multa tormenta mulis alligatus, et per civitatem tractus est, deinde suspensus, et in mare projectus, cum ad littus auxilio Domini pervenisset, in tantum est ungulis ferreis discerptus, ut hac dilaniatione deficeret.V. Natalis Spei, Fidei, Charitatis, et matris earum Sapientiæ. T. Ipso die transitus S. Jonati discipuli S. Amandi. B. In Hispania Gerunda natale S. Felicis.
• 2 IV. Nonas.Romæ S. Stephani papæ qui martyrio coronatus est in persecutione Valeriani principis. Eodem die natale S. Theodotæ cum tribus filiis suis in provincia Bithynia, urbe Nicæa, tempore Diocletiani, sub comite Leocadio: qui hanc ferro vinctam cum filiis consulari Bithyniæ Nicetio destinavit. At ille primo filium ejus primogenitum Euodium, Christum fiducialiter confitentem, fecit fustibus cædi: deinde illam cum omnibus filiis igne consumi. [Hactenus A.] Scriptum in passione S. Anastasiæ.B. In Italia civitate Verona natale SS. Felicis et Nicei.
• 3 III. Nonas.Vacat Beda.V. Romæ S. Diogenis, Stephani. Et depositio Eufronii episcopi. C. Romæ natalis S. Drogenti. Stephani protomartyris in Ancona: ubi haberi dicitur unus de lapidibus quibus percussus est. B. D. A. T. L. Hierosolymis inventio corporis protomartyris Stephani, [hactenus A.] et SS. Gamalielis, Nicodemi, et Abibon. A. T. Augustoduno depositio Eufronii episcopi. B. Romæ natalis SS. Diogenis et Stephani. Constantinopoli natale S. Acellæ.
• 4 II. Nonas.Vacat Beda.D. Beati Aristarchi discipuli S. Pauli apostoli. Romæ Tertulliani martyris. B. C. V. Romæ in cœmeterio S. Laurentii, Crescentiani et Justi. L. Natale SS. Crescentiani, Justi, et Jacinthi martyrum. A. Romæ S. Justini presbyteri et S. Crescentianæ. T. Romæ natale S. Justi et S. Crescentianæ. Et passio S. Justini presbyteri, qui multa corpora sanctorum collegit ac sepelivit. B. In Nicomedia natale SS. Sagæ et Bartholomæi.
• 5 Nonis.Vacat Beda.Florus in A. T. L. Ipso die natale S. Cassiani episcopi et confessoris: qui a Theone martyre cœlestibus instructus disciplinis, in civitate Ægyptiorum, vocabulo Ortensi, episcopus est ordinatus: in qua cum ecclesiam construeret B. Laurentius martyr ei apparuit, et ut eandem suo nomini dedicaret admonuit. [Hactenus L.] Deinde divina revelatione Gallias penetrans, Augustidunensem urbem cum suis aggressus, a S. Simplicio ejusdem urbis episcopo honorifice est susceptus; ministratoque a S. Simplicio sacerdotio et defuncto, in ejus locum S. Cassianus subrogatus est episcopus: ubi et multis coruscavit miraculis et requievit in pace. Ad cujus sepulchrum B. Germanus Autisiodorensis episcopus veniens, et ex more Christo preces fundens, fertur adloqui: Quid, inquit, gloriose frater Cassiane agis? Respondit B. Cassianus: Dulci in pace quiete potior, et adventum Redemptoris expecto. Cujus postea corpus multitudine miraculorum pollens, in municipium, quod Augusta Viromanduorum nuncupatur, est translatum et intra basilicam B. Quintini martyris sepultum.D. Apud provinciam Rhetiæ civitate Augustana natalis S. Afræ: quæ cum esset pagana et meretrix per doctrinam S. Narcissi episcopi ad Christum conversa, et cum omni domo sua baptizata, pro confessione Domini igni tradita est. B. V. Augustoduno S. Cassiani episcopi. B. In civitate Augusta passio S. Afri M. C. V. Cathalonis S. Memmi episcopi. V. Et alibi Floriani et Philistinæ. C. Et Agapiti. A. T. In civitate Anxiopoli natale S. Eraclii et Erentii. Et Catalaunis S. Memmii episcopi.
• 6 VIII. Idus Aug.Romæ S. Xysti episcopi, Felicissimi et Agapiti diaconorum; qui decollati sunt sub Decio. [Hactenus A.] Decollati sunt cum eo et alii quatuor subdiaconi, Januarius, Magnus, Vincentius, et Stephanus, ut in Gestis Pontificalibus legitur.V. Primo loco: uti et in L. sed die sequenti. Transfiguratio D. N. Jesu Christi, in monte Thabor.Florus in A. T. L. In Complutensi civitate passio SS. Justi et Pastoris: qui cum essent pueri in schola discentes, cum audissent de inquisitione Christianorum, projectis in schola tabulis, ultro se Datiano præfecto obtulerunt: quos ille postquam flagellare acriter jussit, pariter decollare eos præcepit.B. In provincia Rhetia civitate Augusta passio S. Afræ virginis et aliorum clxvi. C. Eodem die passio S. Afræ.
• 7 VII. Idus.In Aretio S. Donati episcopi et martyris: qui, ut Gregorius in libro Dialogorum meminit, fractum a paganis calicem sanctum ad missas orando restauravit.Florus in T. et L. In civitate Augusta passio S. Afræ: quæ primo quidem gentilis fuit, postea vero a Narcisso episcopo ad fidem conversa, et baptizata, tempore Diocletiani sub judice Gaio, cum idolis sacrificare nollet, igni est deputata. Cujus eodem die corpus cum integrum inventum esset, et ab Hilaria matre ejus cum tribus filiabus suis, Digna videlicet, Eumenia, et Euprepia, sepulturæ traderetur, eodem loco et ipsæ, quia culturæ deorum contradixerunt, ignibus sunt concrematæ et pariter passionis gloria decoratæ. Eodem die apud Cæsaream Cappadociæ passio S. Mametis martyris: qui post eculeum et ignes variasque torsiones, bestiis traditur: et cum nec sic, virtute Domini, læsus fuisset, lapidatus occubuit, agente præside Adriano.D. Romæ passio sanctorum martyrum numero viginti quinque. In Antiochia natale SS. Suffronei, Veneriæ, et aliorum sex. Mediolano natale S. Faustini.
• 8 VI. Idus. Natalis S. Cyriaci.Addit T. Largi et Smaragdi: V. insuper jungit nomina Crescentiani, Memmiæ, et Juliani: C. omisso Smaragdo habet nomina Crescentiani et Theodori. Elogium autem retexit Florus in A. et T. Quem Diocletianus imperator propter filiam a dæmonis vexatione ab ipso curatam maxime venerans, pro eadem re regi Persarum misit. Cujus etiam filiam cum a dæmonio liberasset cum patre et aliis quadringentis triginta baptizavit. Hinc reversum Maximinus catenis ligatum, ante rhedam suam nudum trahi, et a vicario suo Carpasio diversis pœnis afflictum, cum aliis viginti jussit capite plecti.L. sic brevius: Romæ elevatio corporis S. Cyriaci cum sociis suis, quos Maximinus Diocletiani filius diversis pœnis afflictos cum aliis viginti jussit capite plecti. B. Romæ S. Cyriaci martyris et sociorum ejus. In Nicomedia natale SS. Nazari, Juliani, et Agapæ virginis. Philadelphia natale S. Leonis.
• 9 V. Idus.Vigilia S. Laurentii. Eodem die Romæ S. Romani militis, qui confessione S. Laurentii compunctus, petiit ab eo baptizari; et mox, jubente Decio, cum fustibus exhibitus ac decollatus est.Florus in A. et T. Coloniæ natale SS. Faustini, Marcellini, Secundiani, et Sixti. Eodem die apud Veronam passio SS. Firmi et Rustici: qui post ignem cæteraque tormenta, sub Maximiano, Anulino consiliario ejus, capitibus plectuntur. L. sola horum nomina et agonis locum habet.B. In Alexandria natale SS. Antonini, Tiburtii, Valeriani. C. V. In Oriente Firmi, Rustici, Crescentiani. Theodori, vel Theodoli.
• 10 IV. Idus.Natale S. Laurentii sub Decio: qui post plurima tormenta carceris, verberum diversorum, laminarum ardentium, ad ultimum in craticula ferrea assatus martyrium complevit.V. C. Et vita sanctorum septem fratrum dormientium. B. Et alibi Crescentionis Januarii, Exuperati.
• 11 III. Idus.Romæ S. Tiburtii martyris et Susannæ.Excidit hæc in A. T. L. dum istius gesta sic describit Florus: qui de sacro fonte a B. Sebastiano susceptus et in fide Christi roboratus, cum figmenta idolorum detestaretur, a Fabiano præfecto comprehensus est. [Hactenus A.] Ante cujus pedes idem præfectus carbones ardentes effudit dicens: Aut thura in istis carbonibus adjice, aut pedibus nudis super eos incede. At ille signum crucis faciens, constanter super eos nuda ingressus est planta. Hinc ductus via Lavicana, fundens ad Dominum preces, ictu gladii verberatus, migravit ad Christum. Scriptum in gestis B. Sebastiani.Idem Florus ibidem. Eodem die in Gallia civitate Cameraco depositio S. Gaugerici episcopi, [hactenus A.] qui et magnæ abstinentiæ magnæque religionis, et eleemosynarum largitor ac miraculorum patrator fuit: et S. Taurini fratris ejus.V. B. C. Et passio S. Cassiani.
• 12 II. Idus.In Sicilia civitate Catanensium natale Eupli diaconi: qui cum diutissime torqueretur, decollatus est a Calvisione consulari, tempore Diocletiani et Maximiani.B. Romæ natale Chrysanthi et Dariæ. In Syria natale SS. Macharii et Juliani.
• 13 Idibus.Romæ S. Ypoliti, qui tempore Decii, ligatus pedes ad colla indomitorum equorum, sic per carduos tribulosque tractus emisit spiritum. Et Concordiæ nutricis ejus, quæ ante ipsum plumbatis cæsa martyrizatur: et aliorum de domo ejus decem et novem, qui simul decollati sunt. [Hactenus A.] Eodem die natale S. Cassiani Romæ: [ast C. hucusque:] qui cum adorare idola noluisset interrogatus a persecutore quid artis haberet, respondit quia pueros notas doceret. Et mox spoliatis vestibus ac manibus post terga revinctis statuitur in medio: vocatisque pueris, quibus docendo exosus factus fuerat, data est facultas eum perimendi. At illi quantum doluerant discentes, tantum ulcisci gaudentes, alii eum tabulis aut buxibus feriebant, alii stylis vulnerabant: quorum quanto infirmior ætas, tanto graviorem martyrii pœnam dilata morte faciebat. Scripsit Prudentius poeta.Florus in T. In Gallia Pictavis civitate depositio S. Radegundis reginæ, quæ in thoro Lotharii Francorum regis recubans, potius monacha vocabatur quam uxor. Cujus consortium spernens, Christum, quem dilexit, amplexa est, tantamque meruit virtutem, ut etiam mortuam suscitaret.L. Ipso die S. Radegundis reginæ.
• 14 XIX. Kal. Sept.Natale S. Eusebii presbyteri.Additur in T. L. Tituli, Conditoris. In A. Tituli et S. Conditoris: in V. et C. Et Peregrini. B. præsignat Viridena Syri.A. T. L. Vigilia assumptionis S. Mariæ Dei genitricis. B. In Africa natale S. Demetrii. In Africa natale S. Stratonis. Item in Africa Pauli, Eraclii, Possessoris. In Aquileia natale SS. Felicis, Fortunatæ, Vincentiæ.
• 15 XVIII. Kal. S. Mariæ dormitio.Notatur rubrica in D. in A. T. L. B. C. Assumptio dicitur. V. C. Et alibi Trationis, Philippi, et Anticiani. A. T. L. In Nicomedia natale SS. Philippi et Euticiani. In Carthagine natale SS. Isaac et Maximiani. B. In Nicomedia natale SS. Stratonis, Philippi, et Euticiani, cum sociis eorum.
• 16 XVII. Kal.Vacat Beda.D. In Nicæa Bithyniæ natale S. Ursacii confessoris. V. C. Natale Simpliciani et S. Thyrsi, Orionis et Emelii. A. T. L. B. In Persida natale Tyrsi cum sociis suis. In Alexandria passio SS. Orionis et Agnatii. In Galliis civitate Metis natale S. Arnulfi episcopi confessoris. Verum in A. omisso Orione, tantum legitur: Et depositio S. Agnatii. In B. scribitur Ignatii, et interponitur nomen Emelii.
• 17 XVI. Kal. Octavæ S. Laurentii.V. C. Et S. Mametis monachi. T. Passio S. Mammetis. L. B. In Cæsarea Cappadociæ natale S. Mammetis monachi et martyris. A. B. T. In Calcedonia Cappadociæ passio S. Eufemiæ virginis. T. Eodem die passio septem martyrum, qui passi sunt sub Honorico rege. B. In pago Cenomanico, Anisola monasterio, translatio corporis et dedicatio basilicæ S. Carilephi abbatis et confessoris.
• 18 XV. Kal. Natale S. Agapiti martyris.Addit D. Sub Aurelio imperatore, Antiocho præside. Præsignant B. A. In Prænestina civitate. C. V. Silantia Helianæ virginis, Marcianæ virginis. L. Et in Prænestina civitate natale Eziachi cum sociis suis. Et natale Helenæ reginæ. A. Et S. Martini papæ. A. T. B. Et natale S. Candidi. P. In Amantia civitate natale SS. Pontimi, Philantiæ, Helianæ virginum.
• 19 XIV. Kal.Natale S. Magni, seu S. Andreæ, cum sociis suis duobus millibus quingentis nonaginta septem.Præfigunt A. T. L. In Alexandria: ast A. et T. sic distinguunt. In Alexandria natale S. Magni et S. Andreæ martyrum. Eodem die natale S. Mariani cum duobus millibus quingentis nonaginta septem. Deinde addunt: Romæ natale S. Magni martyris.
• 20 XIII. Kal. Samuel propheta.Florus in A. T. L. Cainone castro, depositio S. Maximi confessoris: qui et maximis virtutibus enituit, et, ut liber vitæ ejus docet, quæ versu conscripta legitur, beatissimi Martini discipulus fuit. Et S. Philiberti abbatis: qui diversas hominum infirmitates curans, per spiritum futura prævidit. Habetur in T. primo loco.C. V. Et S. Valentini martyris. T. In Lucana natalis Valentini. B. In Lucania natale SS. Valentiniani et Leontii. In Alexandria natale S. Dioscori.
• 21 XII. Kal.Vacat Beda.Florus in A. T. L. Et passio S. Privati: qui Valeriani et Galieni temporibus, cum esset episcopus Minatensium, ob sanctæ fidei confessionem, a barbaris flagris et ustionibus afflictus tempus terminavit.B. C. V. L. In Hispania Julii et Juliani. C. V. Vincentii, Augurii, et Fructuosi. B. In Sardinia natale SS. Luxurii, Trajani, Quadrati episcopi. Syndofagiæ natale SS. Artosii, Diomedis, Zotici. Et alibi Privati martyris. D. In territorio civitatis Gavalitanæ Privati episcopi et martyris. A. T. In Hispaniis natale S. Vincentii. Eodem die Juliani. T. Colodi.
• 22 XI. Kal.Natale S. Timothei, qui ab Antiochia veniens Romam, sub Miltiade papa, susceptus est in hospitium a S. Sylvestro, qui postea episcopus factus est: [Hactenus A.] qui cum totum annum et aliquot menses ibi prædicans multos ad Christum convertisset, tentus a Tarquinio urbis præfecto, et longa carceris custodia maceratus, cum sacrificare idolis noluisset, tertio cæsus et gravissimis suppliciis attrectatus, ad ultimum decollatus est, et juxta beatum apostolum Paulum sepultus. Scriptum in historia S. Sylvestri. Eodem die natale S. Symphoriani martyris.Florus in A. T. L. prænotato Augustoduno addit: qui tempore Aureliani imperatoris ab Eraclio consulari comprehensus, quia statuam Berecinthiæ adorare noluit cæsus et carceri est mancipatus, ductusque extra murum a persecutore est prostratus.V. Et S. Ypoliti in portu. Et alibi Martialis et Aureæ in civitate Ostia. L. Ipso die S. Mauri martyris cum sociis suis. B. In Antiochia natale Marini. In Gallia civitate Augustoduno natale SS. Medardi et Emiliani cum filiis suis octo.
• 23 X. Kal.Vacat Beda.Florus in A. T. L. In Aquileia natale SS. Fortunati et Ermogenis et Martialis. Et in civitate Egeas passio SS. Claudii, Asterii, Neonis: qui sub Lysia præside crucifixi sunt. Eodem die Remis civitate passio SS. Timothei et Apollinaris: qui a Roma in Gallias missi, apud urbem Remensem consummati martyrio, cœlestia regna meruerunt.D. Natale sanctorum martyrum Donati, Restituti, Valeriani, Fructuosæ, cum aliis duodecim: qui præclarissimo confessionis honore Antiochiæ coronati sunt. V. S. Cyriacæ ad S. Laurentium. In Nepe S. Tholomæi episcopi et martyris. C. In Aquileia S. Fortunati. Ermogenis. Et in portu urbis Romæ natale S. Hippolyti, qui dicitur Nonus. B. Romæ natale SS. Laurentii, Abundii, Innocendi. In Gallia Remis civitate natale SS. Timothei, Apollinaris. Augustoduno depositio S. Flaviani.
• 24 IX. Kal.In India natale Bartholomæi apostoli.Florus addit in A. et T. Qui decollatus est in India interiore pro Christo jussu regis Astyagis. Abest hoc die in V. et refertur sequenti.Idem Florus in A. T. L. Romæ passio S. Genesii, qui, cum esset miles, se fidei Christianæ subjecit. Hactenus A. Hic cum jussu Diocletiani imperatoris diu in eculeo positus, ungulis attractatus, lampadibus inflammatus in confessione sancta persisteret ac diceret judici, Si centuplicaveris circa me tormenta, Christum mihi de ore, Christum de corde auferre non poteris, gladio jussus est interimi. Eodem die Rodomo depositio S. Audoeni episcopi et confessoris, qui plurimis miraculorum signis rutilans, oratione sancta more Eliæ e cœlo pluviam adeptus est.D. Carthagine martyrum massæ candidæ. V. C. Romæ nat. S. Genesii martyris. Et in Ostia S. Aureæ virginis. B. In Antiochia natale Jebonii, Capitulani, Italiæ. Redonis civitate depositio S. Audoeni episcopi et confessoris. Neveruis civitate depositio S. Patriani abbatis et confessoris. Cenomanis civitate natalis Rigomeri presbyteri et confessoris.
• 25 VIII. Kal.Vacat Beda.Florus in A. et T. Arelato passio S. Genesii martyris, qui decisione capitis agonem pro Christi nomine pollenti fervore conservavit. L. qui, ut fertur, alio non est tinctus baptismate quam proprio sanguine. Pergit Florus in T. et L. Et Romæ natale Lucii episcopi et martyris: qui vigesimus primus post Petrum cum ecclesiam annis tribus et mensibus tribus rexisset, temporibus Gallieni et Valesiani exilio retrusus, sed postea nutu Dei ad propriam ecclesiam incolumis est reversus, deinde martyrium in confessione Christi pertulit.V. S. Bartholomæi apostoli hic in Lycaonia prædicavit, ad ultimum in Albano majoris Armeniæ urbe vivens a barbaris decoriatus, atque per jussionem regis Astyagis decollatus est, sicque terræ conditus ibique sepultus. Natalis ejus viii. Kal. Septembris celebratur. C. In civitate Ostia S. Aureæ. Romæ S. Ginesii martyris. D. Natale S. Genesii martyris: qui prius in urbe mimitemelæ artis magister fuit. B. In Syria natale S. Juliani martyris. In Capua civitate Campaniæ natale SS. Rufini et Julii. Hermetis. B. A. T. In Hispania natale SS. martyrum Justi et Pastoris. T. In pago Viromandensi natale S. Hunegundis virginis. Ipso die natale S. Aredii abbatis. A. Tumularias depositio S. Hunegundis virginis. L. locum reticet.
• 26 VII. Kal.Romæ natale SS. Erenei et Abundii: quos Deciana persecutione jussit Valerianus incloacari, eo quod corpus B. Concordii in cloacam missum levaverunt. Et ipsorum quoque corpora levavit Justinus presbyter, et sepelivit in crypta juxta B. Laurentium.Florus in A. et T. Eodem die civitate Thessalonica natale S. Anastasii: hic fullo fuit, sed fidei merito inter numerum martyrum annumeratus est.L. Et in civitate Salonia natale S. Anastasii martyris. V. alibi. C. In civitate Salona. V. C. Natale S. Anastasii, hic fullo et martyr fuit. Quintini martyris. B. In civitate Salona natale S. Anastasii martyris. Autisiodoro civitate depositio S. Eleutherii episcopi.
• 27 VI. Kal.Vacat Beda.Florus in A. T. L. Arelato civitate depositio S. Cæsarii martyris. Et in Ægypto civitate Oxirenchena sedecim martyrum, quorum gesta habentur, qui bestiis et igne superatis, gladio occubuerunt. Eodem die Romæ passio Nemesii diaconi et Lucillæ filiæ ejus, qui capitis plexione jubentibus Valeriano et Gallieno consulibus ob confessionem Christi sine audientia perempti sunt.Vacat supplementum D. nisi quod recentissima manu inscriptum sit nomen Syagri episcopi. V. C. In Lucania civitate Felicis, Saviniani, Honorati, et S. Rufini. T. Et passio sanctorum martyrum Felicis, Georgii monachi, Libiosæ, Aurelii, atque Nataliæ. Eodem die translatio S. Sulpitii episcopi. B. Arelatis depositio S. Cæsarii episcopi. Constantinopoli SS. Ollii et Stephani diaconi. Augustoduno natale S. Agri episcopi. B. A. T. L. In Capua natale S. Ruphi martyris.
• 28 V. Kal.Natale S. Hermetis martyris. In Africa S. Augustini episcopi: qui primo de sua civitate propter barbaros Sardiniam translatus, nuper a Luitbrando rege Longobardorum Ticinis relatus et honorifice conditus est.Florus in A. T. L. Sconis civitate natale Bibiani episcopi et confessoris, qui multis languentibus tribuit sanitatem. Et Arvernis in vico qui dicitur Privatis, in Galliis, passio S. Juliani martyris: qui sub Crispino præside paganis se ad pœnam quærentibus ultro se pro amore nominis Christi offerens, gladio est interemptus.C. Et depositio S. Faustini episcopi. S. Balbinæ. B. Santonis civitate depositio S. Viviani episcopi et confessoris. Item Romæ Basilei, Heliæ. Constantinopoli depositio S. Alexandri episcopi. Arivernico natale S. Juliani martyris.
• 29 IV. Kal.Romæ S. Sabinæ virginis atque martyris. Eodem die decollatio S. Joannis baptistæ, qui primo in Samaria conditus, tunc in Alexandria, porro caput de Hierosolymis ad Phœniciæ urbem Emissam delatum est.Addit T. ipsum imminente festivitate paschali fuisse decollatum evangelistæ declarant, et anno post hunc sequente cum denuo tempus paschale rediret, mysterium dominicæ passionis completum est. C. Et pausatio S. Helizæi prophetæ, discipuli S. Heliæ prophetæ. B. C. V. Et aliorum nongentorum martyrum qui eodem die passi sunt. T. Peronæ S. Fursei abbatis. B. In Antiochia Syriæ natale SS. Basilei et Pauli. In Sirmia natale S. Basillæ virginis.
• 30 III. Kal.In Venusia civitate Apuliæ natale SS. Felicis episcopi civitatis Tubzocensis, et Audacti et Januarii presbyteri, et Fortunatiani et Septimini lectorum: qui temporibus Diocletiani in sua civitate tenti a Magneliano curatore, inde multis diu vinculis et carceribus macerati; et in Africa et in Sicilia, tandem in occisione gladii consummati sunt. Felix quinquaginta sex annorum, virgo obiit. [Hactenus L.] Sunt autem inter Carthaginem et Tibzocam millia passuum triginta quinque.C. V. Romæ natalis SS. Felicis et Audacti. B. Eodem die S. Severæ.
• 31 II. Kal.Vacat Beda nec non MS. D. in supplemento.C. V. Treviris depositio S. Paulini episcopi. C. Et S. Pauli apostoli et confessoris. V. C. Alibi Gayani, Juliani, Rufini, Vincentii. B. A. T. L. Treviris depositio S. Paulini episcopi et confessoris: qui cum pro fide catholica a Constantio imperatore filio Constantini imperatoris exiliatus fuisset, ibidem requievit. B. Alibi depositio S. Elladi episcopi. A. Eodem die apud Atrebatum depositio S. Hadulfi episcopi et confessoris. T. B. Autisiodoro depositio S. Optati episcopi.

• SEPTEMBER.
• 1 Kalendis.Vacat Beda.Florus in A. T. L. Cenomanis, depositio S. Victoris episcopi et confessoris: qui dum civitas ipsa cremaretur incendio, et validis globis flammæ huc illucque impellentevento propellerentur; quasi pastor bonus non perferens ecclesiasticas caulas ab insidiis Sathanæ devastari obviam se turbinibus obtulit, elevataque manu facto signo crucis e contra, illico omne cessavit incendium.D. Jesu Naue et Gedeon prophetarum. B. C. V. D. L. In Capua natale S. Prisci, [hucusque V. C. et B.] qui fuit unus de antiquis Christi discipulis. Alias, qui unus dicitur fuisse ex septuaginta duobus discipulis. C. V. A. T. L. In Tudertinis natale SS. Felicis et Donati. A. L. Apud Senonas depositio S. Lupi episcopi et confessoris. T. Romæ depositio S. Columbæ virginis. B. In Carthagine natale sanctorum duodecim fratrum. A. Eodem die sanctorum episcoporum Sixti, Sinici, atque Juvandi et Firmini episcopi, et S. Ægidii abbatis. B. In Provincia depositio S. Ægidii confessoris. L. In loco vallis quæ dicitur Flaviana, in prospectu maris, natalis S. Ægidii abbatis, apud Athenas orti, patre Theodoro, matre Pelasia. B. Bectantia prima natale SS. Marciani episcopi, Sisinnii, et Amausi. Cenomanis civitate depositio S. Victoris episcopi et confessoris.
• 2 IV. Nonas.Vacat Beda.Florus in A. T. L. Lugduno depositio S. Justi episcopi et confessoris: qui pro quodam fugitivo ejusdem ecclesiæ, petente primario civitatis, reddito supplicioque mortis affecto, ejus sibi ascribens supplicium; gregem commissum, quem magna puritate et modestia ac patientia multis rexerat annis, derelinquens, se eremo dedit, Domino adhærens et cultoribus ejus, sancto videlicet Macario sanctoque Paphnutio: quorum vitæ ac mortis particeps extitit. T. Et in Sicilia natale Felicis et Secundi.V. C. In Alexandria Theodori. In Antiochia Timothei. Alibi depositio S. Justi. C. Episcopi. D. Natale S. Justi Lugdunensis episcopi, miræ sanctitatis et prophetiæ.Sed hæc omnia in dictis MSS. habentur loco posteriori, initio autem hæc præmittuntur. In A. T. L. passio sanctorum Aniceti et Fotini fratris ejus. T. qui post multiplicia ac sæva tormenta igni traditi sunt. In Nicomedia natale sanctorum Gorgonii et Theodotæ. A. T. L. B. Eodem die S. Antonini martyris. A. B. Augustoduni depositio S. Syagrii episcopi et confessoris. B. In Alexandria natale S. Theodori. Lugduni depositio S. Justi episcopi. In Nicomedia SS. Zenonis, Gorgonii, Monolappi Theodotæ cum filiis suis.
• 3 III. Nonas.Vacat Beda.C. V. Leonis et Marini confessorum. In Aquilegia Syricii, Euphemiæ, et Ariston. D. Romæ beatæ Seraphiæ virginis sub Adriano imperatore ac judice Beryllo. L. In Sicilia natale S. Felicis, et apud Stabulaus S. Remacli episcopi Tungrensis. B. In Alexandria natale S. Aristonis episcopi. Et natale SS. Euphemiæ, Sirici, et Aristonis, cum sociis eorum. T. Fatale S. Justi episcopi. T. A. B. In provincia Syriæ natale S. Antonini pueri annorum duodecim, et S. Aresti episcopi. T. et confessoris. T. A. Et depositio S. Euphemiæ. Et S. Remacli episc. A. In monasterio Stabulaus depositio S. Remacli episcopi et confessoris.
• 4 II. Non.Vacat Beda.Florus in A. T. L. In Gallia, civitate Cavalonis natale S. Marcelli martyris, qui virtutibus coruscans et in confessione Domini constanter perseverans, tempore Antonini sub Prisco præside, medius in terra fossus consummavit martyrium.B. V. T. L. C. Romæ via Salaria depositio S. Bonifacii episcopi. B. Item Romæ. B. C. V. ad S. Felicitatem, Magni, Casti, Saturnini. D. Moysi prophetæ. Apud Ancyram Galatiæ natale sanctorum martyrum trium puerorum Rufini, Silvani, et Vitalicæ. B. Cavellonis passio S. Marcelli episcopi. Treviris natale S. Paulini episcopi.
• 5 Nonis.Vacat Beda.Florus in A. et T. In Viennensi civitate passio S. Ferioli martyris qui gladialem suscepit sententiam sub præside Crispino. Eodem die depositio S. Bertini confessoris et monachi: qui in divinis rebus prudens et in malis simplex virtutibus claruit divinis.V. C. In portu Romano Quinti, Taurini, Arestosi, Donati, Saturnini, Ingenui. B. Romæ natalis SS. Taurini et Saturnini. D. Romæ B. Victorini martyris: fuerunt autem duo fratres Victorinus et Severinus. A. Romæ depositio Bonifacii episcopi. L. In Vienna passio S. Ingenui episcopi. A. T. L. B. In Capua Campaniæ natale sanctorum Quinti et Donati. B. interponit Arconti.
• 6 VIII. Idus. Zachariæ prophetæ.Ponitur ultimo loco in T. et L. Secundo in A.; alibi primo. D. Et natale S. Onesiphori apostolorum discipuli. B. C. V. A. T. L. Romæ S. Eleutherii episcopi. A. T. L. et depositio S. Humberti confessoris Christi. Alias, sacerdotis. B. In territorio Cappadociæ civitate Reaten natale S. Cartidi cum sociis suis.
• 7 VII. Idus. S. Clodaldi confessoris.Quod Florus in A. T. L. sic auxit. Eodem die in territorio Parisiorum vico Novigento S. Clodoaldi confessoris et regis. Simile quid legitur in B.Idem Florus primo loco hoc habet. Aurelianis depositio S. Euurtii episcopi et confessoris, qui tempore Constantini imperatoris causa requirendorum fratrum egressus, in Aurelianis ingressus est urbem: ubi tunc clero et populo jejunium triduanum celebrante pro antistite futuro, ab ostiario ecclesiæ in hospitio receptus, et usque ad diem tertium pacti jejunii nutu Dei est retentus. Confluentibus accersitis episcopis et populis universis ad ecclesiam, ille pariter cum suo intravit ostiario. Quibus orantibus et Domini misericordiam præstolantibus, ecce instinctu Dei columba transmissa per insertam fenestram ingressa, quasi lux immensa fulgens, per totam fere ecclesiam more personam investigantis cœpit volitare. Quæ speculata S. Euurtium januæ inhærentem, illico super caput ejus insedit. Quod signum populus admirans, amplius Deo preces fundebat, iterum duplicari ac triplicari miraculum. His ita orantibus, columba tertio venit, tertioque super præfati viri caput insedit. Hoc indicio cœlitus dato antistes effectus est populo Aureliano: cui tantam Dominus contulit gratiam, ut medicinale infirmis remedium, et fatigatis diversis calamitatibus infinitum præberet beneficium. Nam et in hora confractionis panis cœlestis, dum de more sacerdotali hostiam elevatis manibus tertio Deo oblatam benedicendam offerret, super caput ejus velut nubes splendida apparuit, et manus de nube extensa porrectis digitis oblata benedixit. Quod miraculum ei tantummodo et subdiacono ejus, ac uni pœnitenti et uni castimoniali, permissum est videre. Captivos vero fratres post quadraginta annos recepit incolumes. Scriptum in gestis ejus.B. T. In Beneventis passio sanctorum Januarii, Ferioli, et Desiderii. V. C. In Capua Januarii, Desiderii. Et passio Anastasii. D. et B. Joannis apud Nicomediam diaconi martyris. B. In Gallia Arelate depositio S. Augustalis. Eodem die natale S. Reginæ virginis.
• 8 VI. Idus.Natale sanctæ Dei genetricis Mariæ. Eodem die in Nicomedia natale S. Adriani martyris cum aliis viginti tribus.A. et T. interjiciunt, et S. Nemesii. V. et C. addunt, Demetrii, Severi, cum aliis undecim. L. mutata phrasi. Ipso die in Nicomedia passio S. Adriani et comitum ejus: qui passi sunt sub Maximiano viginti tres numero. B. In Antiochia natale SS. Timothei, Faustini.
• 9 V. Idus. Natale S. Gregorii,Addit L. et Dorothei martyrum. V. C. D. In Sabinis Hyacinthi, Alexandri, Tiburtii. A. Natale S. Gorgonii martyris et Tiburtii. Et depositio S. Alexandri. T. Passio beatorum martyrum Dorothei atque Gorgonii. T. et depositio S. Alexandri. B. In Cæsarea Cappadociæ natale SS. Fortunati, Ammonii.Florus in A. T. L. Ipso die Tarvennæ depositio S. Audomari episcopi et confessoris, [hucusque L.] qui mundo mortuus, Deo vivens, plurimarumque virtutum signis pollens, Tarvennis urbis populum ad cultum convertit divinum.
• 10 IV. Idus.Vacat Beda.B. C. V. A. T. L. Romæ depositio B. Hilarii papæ, [hucusque B.] per quem Victorinus ordinem paschalem scripsit. T. A. In Alexandria natale sanctorum Nemesii, Ammon, et aliorum octingentorum et sex. B. In Alexandria Ammonis, Orionis, Oriosii, et aliorum octoginta sex. D. Apud Africam natale sanctorum episcoporum Nemesiani, Felicis, Lucii. Item Felicis, Littei, Poliani, Jaderis, et Dativi. B. In Africa natale SS. Doletatuli, Tusci, Valentini. L. et S. Theodardi episcopi et martyris. In Santanaco S. Dagoberti martyris. B. Manu recenti adscriptum: Translatio corporis S. Benedicti eremitæ.
• 11 III. Idus.Romæ SS. Proti et Hyacinthi: qui erant eunuchi S. Eugeniæ.Addit Florus in A. T. L. Sed fervore fidei facti sunt doctores Christianæ legis unde et capitalem susceperunt sententiam.A. T. L. B. Lugduno depositio S. Patientis episcopi. B. In Alexandria natale SS. Syri et Serapionis. In Apuria natale SS. Felicis et Donati. C. Et in portu urbis Romæ Ingenui.
• 12 II. Id.Vacat Beda.C. V. In Pamphilia S. Syri, alibi S. Eupli. V. et Serapionis. D. Apud urbem Ticinum, quæ et Papia dicitur, sanctorum confessorum Syri et Hyuentii. B. In civitate Catenas SS. Epuli et Serapionis episcopi. Lugduno Galliæ depositio S. Sacerdotis episcopi. In Pamphilia natale S. Cyrici episcopi et confessoris. A. T. Romæ natale S. Hypoliti. A. T. L. Augustoduno depositio B. Euantii episcopi. T. L. In Sicilia passio Serapionis episcopi et aliorum tredecim.
• 13 Idibus.Vacat Beda.D. Apud Ægyptum civitate Alexandria B. Philippi episcopi et martyris. C. V. L. A. T. Augustiduno depositio B. Nectarii episcopi. L. Et Turonis Lictoris episcopi. B. A. T. In Galliis civitate Turonis depositio S. Lictoris episcopi. Romæ natale S. Dionysii episcopi. Eodem die apud Duacum depositio alias transitus S. Amati episcopi. B. In Apulia natale SS. Felicissimi et Secundini. In Alexandria natale S. Theophili episcopi. Andegavis civitate depositio S. Aurilionis episcopi.
• 14 XVIII. Kal. Oct.Romæ natale S. Cornelii episcopi: cui primo os cum plumbatis cæsum, et sic decollatus est cum aliis viginti et uno promiscui sexus: et Cerealis miles cum uxore sua Salustia, quam Cornelius ab infirmitate sanaverat, passi sub Decio. Eodem die natale S. Cypriani episcopi, qui sub Valeriano principe post longum exilium, detruncatione capitis martyrium consummavit sexto milliario a Carthagine. Eodem die exaltatio sanctæ crucis.B. Et depositio Ebarci episcopi.
• 15 XVII. Kal.Natale S. Nicomedis martyris. D. episcopi. L. addit, et Valeriani. Eodem die S. Apri episcopi: A. et T. præmittunt, in civitate Tullo. B. vero; in territorio Cauillonensi castro Trinorchio. Et Leobini confessoris: desunt Aper et Leobinus in L.A. T. Belvagus translatio corporis S. Luciani. Eodem die depositio S. Aicadri abbatis: qui et in L. invenitur. B. In Alexandria natale trium fratrum Cyrini, Leontii, et Serapionis.
• 16 XVI. Kal.Natale S. Euphemiæ virginis: quæ martyrizavit sub Diocletiano imperatore, proconsule autem Prisco, in civitate Calcedonia: quæ tormenta et carceres, verbera et argumenta rotarum, ignes et pondera lapidum angularium, bestias et clavas virgarum, serras acutas et sartagines ignitas, rursum morsum bestiæ pro Christo superavit, et ad mille passus civitatis Calcedonis sepulta est a patre suo Philosophrone senatore. Ipso die natalis sanctorum Luciæ et Geminiani.C. B. V. Et alibi S. Emerentianæ vel Emerentianis vel Emerentianitis.
• 17 XV. Kal.Natalis S. Lamberti episcopi et martyris. In Britanniis Socratis et Stephani.Florus in A. T. L. præmittit hæc. In Gallia in villa quæ dicitur Leudegus; et subjungit de S. Lamberto: qui sectando justitiam adeptus est martyrii palmam.A. T. In Mediolano depositio S. Eustorgii. B. In Eviduno natale SS. Valeriani, Macrini, et Gurdiani. L. Ipso die elevatio S. Hyltrudis virginis.
• 18 XIV. Kal.Vacat Beda.Florus in A. T. L. In territorio Lingonicæ civitatis, monasterio Segestro, depositio S. Sigonis presbyteri et confessoris. Et passio sanctorum Felicis et Constantii; qui passi sunt sub Nerone imperatore.B. C. V. In Alexandria S. Trophimi. In Nicomedia sanctorum Oceani, Sixti, C. V. Medetei. B. In Mediolano depositio S. Eustorgii episcopi.
• 19 XIII. Kal.In Neapoli Campaniæ natale sanctorum Januarii, Beneventanæ civitatis episcopi; cum Sosio diacono Mesenatæ civitatis, et diacono suo Festo, et lectore suo Desiderio: qui post vincula et carceres capite sunt cæsi in civitate Puteolana, sub Diocletiano principe, judice Dracontio. Qui cum ducerentur ad mortem, viderunt inter alios Proculum Puteolanæ civitatis diaconum, et duos laicos Eutychen et Acutium; et interrogaverunt quare justi juberentur occidi: quos judex ut vidit Christianos jussit decollari cum illis. Sic omnes septem pariter sunt decollati. Et tulerunt noctu corpora Christiani; et Neapolitani Januarium posuerunt juxta civitatem in basilica, Mesenates Sosium æque in basilica, Puteolani Proculum et Eutycetum et Acutium in basilica S. Stephani, Festum et Desiderium Beneventani collegerunt.MS. Lætiense usque ad Desiderio convenit: deinde aliorum trium subjungit nomina.V. B. D. Et natale S. Eustochii. V. C. alibi depositio S. Mariani. B. Treveris civitate depositio S. Miletis episcopi.
• 20 XII. Kal.In Cyzico natale sanctorum Faustæ virginis et Evilasii sub Maximiano imperatore: quam idem Evilasius, cum esset primus palatii, jussit decalvari et radi ad turpitudinem: deinde suspendi ac torqueri: quo tempore coruscatio de cœlis facta multos ministrorum percussit. Deinde jussit loculos afferri et eam immissam ac fixam, quasi lignum secari mediam: sed eam carnifices ferris lædere non valebant. Quæ inter stupens Evilasius Christo credere cœpit; et hoc ubi imperatori nuntiatum est, misit præfectum, qui eum suspensum fortiter torqueret. Qui etiam jussit Faustam nudam et sine mavorte educi de carcere, et ei caput terebrari ac clavis configi. Cui postmodum non solum caput, et facies, sed et pectus et totum corpus usque ad tibias clavis impletum est. Post hæc sartaginem jussit igniri: sed hæc illa psallente refriguit. Hæc inter veniens vox de cœlo vocavit eos et sic tradiderunt Spiritum. Erat autem Fausta annorum tredecim et Evilasius octoginta.C. B. V. D. T. A. Vigilia S. Matthæi apostoli et evangelistæ. B. In Noceria natale SS. Felicis et Constantiæ: qui passi sunt sub Nerone impiissimo imperatore.
• 21 XI. Kal.Natalis S. Matthæi apostoli et evangelistæ.Florus præponit in A. T. L. In Persida: et subjungit: qui orans a tergio gladio percutitur. Et occubuit. B. qui passus est in civitate Tharim.V. C. Alibi S. Vincentii martyris. A. Et passio S. Alexandri episcopi. B. In Mediolano natale S. Victoris martyris.
• 22 X. Kal.Sanctorum martyrum Thebeorum Mauricii, Candidi, Exuperii, [Hucusque R., Victoris addit R.] cum aliis VI. cio. octuaginta quinque martyribus.Quæ a Floro in A. T. L. sic explicantur. Cum sociis quorum omnium numerus sex millia sexcenti sexaginta sex fuisse dicitur, qui pro Christi nomine omnes pariter jussu Maximiani Cæsaris gladio sunt interfecti: et præmittitur: Apud Agaunum passio, &c.V. post Victoris, addit Innocentii, Vitalis, cum sociis septem. Innocentius et Vitalis etiam nominantur in A. et C.B. plenius, sic ut propterea credi posset hoc martyrologium ad usum Agaunensis monasterii, aut alterius eandem tenentis regulam scriptum fuisse. In Gallia Sedunis, civitate Senocto Dorovallense, loco Agauno, passio sanctorum Thebeorum martyrum Mauricii, Exuperii, Candidi, Innocentii, Victoris, et Vitalis, cum sociis eorum sex millibus sexcentis sexaginta sex, sub Diocletiano et Maximiano. Hi accincti venerunt in auxilium Maximiliano, cum destinaretur in persecutionem Christianorum. Et cum non solum idolis sacrificare, sed etiam Christianos persequi recusarent, secundo et tertio decimati sunt. Sed contentio inter eos oritur, qua obvium se quisque præbens, optat esse decimus. Ad ultimum tertio causa justitiæ, sed depositis armis, cervices persecutoribus præbentes, vel intectum corpus offerentes, ipsum solum reminiscentes confiteri, qui ad occisionem ductus est tamquam agnus et non aperuit os suum; ipsi quoque tamquam grex Dominicus laniari se permiserunt, et tamquam ab irruentibus lupis passi sunt. Victor autem senex, qui nec legionis illius fuit, fatigatus in itinere ad contaminatum cædibus locum ductus est, et dum ad epulas pro ætatis veneratione rogaretur, et causam interemptorum corporum cognovisset, detestatus convivas et convivium, statim profanorum turba vallatur; quæ, utrum Christianus esset, respondere minaciter jubet: mox confessus Christum junctus est martyribus.V. Romæ S. Dignæ et Meritæ. B. Romæ natale S. Babillæ et S. Dignæ et Meritæ.
• 23 IX. Kal.Natale S. Sosii diaconi Mesenatæ civitatis in Campania: qui, cum esset annorum triginta, martyrium cum B. Januario Beneventi episcopo capitis decollatione suscepit, tempore Diocletiani imperatoris. [Hucusque L.] Is cum tempore quodam evangelium legeret in ecclesia Mesenatæ civitatis, præsente episcopo Januario, frequenter enim eum pro sanctitate et prudentia ejus visitare consueverat, vidit subito idem episcopus de capite ejus flammam exurgere, quam nemo alius vidit; et prænuntiavit eum martyrem futurum. Et post non multos dies idem diaconus tentus et in carcerem missus est. Ad quem visitandum cum venisset episcopus cum diacono suo Festo et lectore suo Desiderio, et ipse cum eo simul tentus, ac pariter omnes, cum aliis tribus, occisi sunt. Eodem die natale S. Theclæ virginis in oriente in Iconio civitate: quæ a Paulo apostolo instructa in confessione Christi, ignes ac bestias devicit: et post multa certamina ad doctrinas multorum, veniens Seleuciam requievit in pace.Florus in A. T. L. Eodem die Romæ S. Lini papæ et martyris: qui secundus post Petrum Romanam ecclesiam novem annis regens, tempore Neronis martyrio coronatus est.V. C. Romæ depositio S. Liberii episcopi.
• 24 VIII. Kal.Conceptio S. Joannis Baptistæ. Et in Augustoduno natale S. Andochii presbyteri, Thrysi diaconi, et Felicis: qui a S. Polycarpo ab Oriente directi ad docendum Galliam sub Aureliano principe sunt gloriosissime coronati. Siquidem flagellis cæsi, in ultimo tota die inversis manibus suspensi, in ignem missi, sed non combusti; tandem vectibus colla feriuntur. Ubi Symphorianus, tunc viginti annorum, qui postea passus est, semper vigilias et orationes agebat.B. V. C. Alibi depositio Rustici episcopi. T. L. Eodem die Lugduno depositio S. Lupi episcopi. B. Et reversio sanctæ crucis.
• 25 VII. Kal.Vacat Beda.Florus in A. T. L. In Ambianis civitate, depositio S. Firmini episcopi et martyris: qui tempore Diocletiani et Maximiani imperatorum patriam parentesque relinquens, Galliarum confinia aggressus, Arvernorum, Andegavensium, Belvacensium, atque Ambianensium populum, multitudine prædicationis et miraculis effulgens, convertit. Ubi et pro Christo passus est, et insidias persecutorum plurimas sustinuit. Hinc a Sebastiano præfecto comprehensus, post vincula et dira flagella custodiæ traditus, clam noctis silentio in carcere est decollatus.B. V. C. In Asia sanctorum Eucarpi et Bardoniani: et alii viginti sex. B. Et alibi depositio S. Firmini episcopi. D. L. Natale S. Cleophæ, cui Dominus in resurrectione tertius apparuit.
• 26 VI. Kal.Sanctorum martyrum Cypriani episcopi et Justinæ: quorum Justina sub Diocletiano multa propter Christum perpessa, ipsum quoque Cyprianum, cum esset magus, et magiis suis eam dementare conaretur, convertit ad Christum: cum quo postea, jam episcopo et nobili doctore facto, martyrizavit, sub Claudio principe.B. V. C. Romæ depositio S. Eusebii episcopi et confessoris. B. Alvernis depositio S. Apollinaris episcopi.
• 27 V. Kal.Natale SS. Cosmæ et Damiani sub persecutione Diocletiani, præside ejus Lysia, in civitate Ægea: qui post multa tormenta, vincula, et carceres toleratos, mare et ignes, crucem, lapidationem et sagittas divinitus superatas, capite plectuntur.Addit L. Cum fratribus Antinoo, Leontio, et Euprepio.Florus in A. T. L. Ipso die natale S. Timothei discipuli Pauli, quem idem vas electionis puerum assumens, omnem ecclesiasticam disciplinam docuit, et cum manus impositione accommodabilem ecclesiis fecit. Hic pudicus et virgo permanens, apud Ephesum, in monte qui vocatur Pion, cum magno honore sepultus quiescit.L. primo loco. Natale S. Hyltrudis virginis quæ amore Christi sponsum in terris fugiens, ei quem elegerat viriliter adhæsit, bonumque propositum laudabili fine conclusit. V. C. Et in Epheso S. Timothei ad quem Paulus apostolus scripsit epistolas. B. In Tarso Ciliciæ passio SS. Taraci, Probi, et Andronici.
• 28 IV. Kal.Vacat Beda.D. Hispaniis Corduba SS. Fausti, Januarii, et Martialis. V. C. In Africa SS. Martialis, Lauri. Romæ S. Stactei. Et in monasterio Domini Salvatoris dedicatio basilicæ B. Petri apostoli. A. T. L. In Africa natale SS. Martialis, Laurentii, Faustini, et Candidi. T. L. Eodem die Exuperii episcopi. A. T. In Gallia civitate Genua depositio S. Salonii episcopi et confessoris. T. Eodem die Romæ passio S. Stactei. Autisiodoro depositio S. Alodii episcopi. B. Romæ natalis S. Justini presbyteri. In Africa natalis SS. Martialis, Marii, Faustini. Autisiodoro depositio Fraterni episcopi.
• 29 III. Kal.Dedicatio ecclesiæ sancti angeli Michaelis.Plenius V. et C. Romæ via Salaria milliario septimo, dedicatio basilicæ sancti archangeli Michaelis, vel in monte qui dicitur Garganus, ubi multa mirabilia Deus ostendit.A. T. L. Autisiodoro depositio S. Fraterni episcopi. B. Alibi natalis SS. Sossii, Januarii.
• 30 II. Kal.In Bethleem Juda depositio S. Hieronymi presbyteri, qui obiit anno nonagesimo primo.Florus in A. T. L. Qui sanctæ ecclesiæ suo labore multa contulit: huic enim mundus crucifixus fuit et ille mundo, obiitque anno nonagesimo primo.V. C. In Placentia civitate S. Antonini. V. C. A. In Mediolano translatio corporis S. Victoris martyris. L. et T. Ipso die natale sanctorum Victoris et Ursi martyrum. C. Romæ passio S. Sophiæ cum tribus filiabus suis Pistis, Elpis, et Agapis. B. Et SS. Pistis, Elpis, Agapis, Sophiæ.

• OCTOBER.
• 1 I. Kalendis.Festivitas S. Remigii Remis civitate.Florus in A. T. L. Elissipona civitate passio sanctorum Verissimi, Maximi, et Juliæ, qui passi sunt sub Datiano præside. Quorum Datianus confessione comperta, parari secretarium jubet et intromitti lictores, extendi martyres, admoveri verbera, colligari ungulas, exponi aculeos, et tendiculas imperavit. Et, cum nihil horum Dei famulos aut terruit promissum aut superavit appositum, gladio tandem consummantur.A. T. Ipso die in pago Medratense natale S. Piatonis martyris. A. T. L. Treviris civitate depositio S. Nicetii episcopi. V. C. Autisiodoro depositio S. Germani episcopi et confessoris. B. Et alibi Vedasti, Bavonis, et Pietonis. In civitate Tumis natale SS. Prisci, Crescenti, Evagri. Et S. Melori.
• 2 VI. Nonas.Vacat Beda.Florus in A. T. L. In Gallia passio S. Leodegarii episcopi et martyris, qui jussu Ebroini, qui ante monachus, tunc major-domus extitit, oculis et lingua privatur, sed fame non tollitur: et postea magna inopia trucidatus, novissime ense suscepto plectitur capite.Supplementum deest in D. manu autem recentiori inscriptum est. Natale S. Leudegarii martyris. B. V. C. In Antiochia Primi, Quirilli, et Secundiani, Romæ S. Eusebii episcopi, alibi Felicis et Casti. In pago Pictavensi depositio Leodegarii episcopi et confessoris.T. Romæ via Appia depositio Eusebii episcopi et Beati episcopi. B. In Nicomedia S. Eleutherii.
• 3 V. Nonas.Apud antiquos Saxones natale duorum Ewaldorum presbyterorum, qui cum Willibrordo episcopo venientes in Germaniam, transierunt ad Saxones: et cum ibi prædicare Christum cœpissent, comprehensi sunt a paganis et sic occisi: ad quorum corpora multa diu lux apparens, et ubi essent et cujus essent meriti, declaravit.C. V. In Africa Victoris, Urbani. V. C. B. Alibi Felicis et Casti. A. In Africa natale SS. Victoris et Casti. T. In Africa natale SS. Victoris, Felicis, et Casti. Et S. Dionysii episcopi et martyris. Et hæc utrobique primo loco quoad Africanos: in A. ad calcem ponitur. Eodem die passio S. Dionysii episcopi. B. In Antiochia natalis S. Theogenis. In pago Pictavensi passio S. Leodegarii martyris.
• 4 IV. Nonas.Vacat Beda.B. V. C. In Ægypto Marci et Marciani. V. C. Alibi Marcelli episcopi. V. et depositio Marsi episcopi. B. C. Autisiodoro depositio Marci presbyteri. In Africa Maurusii, Restituti. D. apud Corinthum Crispi et Gaii: quorum meminit apostolus Corinthiis scribens. B. In Anxiopoli natale S. Clasii. A. T. L. In Africa natale sanctorum Restituti et Marcelli episcopi. Autisiodoro depositio S. Marci presbyteri. L. Et natale S. Francisci confessoris.
• 5 III. Nonas.Vacat Beda.V. C. In Sicilia Placidi, Eutici, et alii triginta. Alibi Victorini, Fausti. D. Apud Siciliam SS. Placidi, Eutychii, et aliorum triginta. B. A. T. L. In Gallia civitate Valentiæ depositio Apollinaris episcopi. Autisiodoro depositio sanctorum germanorum Firmati diaconi, et S. Flavinæ, vel Flaviæ vel Flavianæ virginis.
• 6 II. Nonas.Vacat Beda.V. C. Romæ depositio Marci episcopi. Et in Africa Rogati, Saturnini, Januarii, Faustini, et Marcialis. B. Eodem die passio SS. Fausti, Januarii, et Mercialis. B. D. Apud Capuam sanctorum Marcelli, Casti, Æmilii, Saturnini. Et observa frequentius aliquoties recurrisse ut ubi Vaticanum et S. Cyriaci habent Africam, Divionense legat Capuam, ut fortassis alicubi Carthago scripta fuerit.A. T. Romæ depositio S. Marci episcopi. Capua natale sanctorum Casti et Saturnini. A. T. B. Autisiodoro depositio S. Romani episcopi. In Aginno S. Fidis martyris. T. sociorumque ejus Caprasii, Primi, et Feliciani. B. Romæ natale S. Balbinæ. L. In Capua natale SS. Casti et Saturnini. Et in Agenna S. Fidis virginis.
• 7 Nonis.Natalis S. Marci papæ. Ipso die natalis S. Lini papæ.Abest postremus a MSS. A. T.L.V. C. B. Et SS. Sergii et Bacchi. In Capua Quarti et Marcellini. L. Et SS. Marcelli et Apulei martyrum.A. T. Romæ depositio S. Marci papæ. Ipso die natale SS. Sergii et Bacchi martyrum. A. T. B. Bituricas civitate depositio S. Augustini episcopi et confessoris. A. T. Eodem die natale SS. Marcelli et Apulei.
• 8 VIII. Idus.Vacat Beda et suppl. Diu.B. V. C. In Antiochia Dionysii episcopi, Januarii, Faustini martyrum: Martialis, Privati. A. T. In Antiochia civitate natale SS. Januarii, Privati, et S. Faustini martyrum. A. L. In Auriniaco S. Benedictæ martyris. In Cæsarea Palæstinæ passio S. Reparatæ virginis. A. In Hunulficurte depositio S. Valeriæ virginis. Ipso die in Donnino natale S. Ragenfredis virginis. T. Eodem die natale sanctarum virginum Ranghenfledis et Benedictæ martyris. B. Eodem die natale SS. Marcelli et Apulei.
• 9 VII. Idus.In Parisiis natale sanctorum martyrum Dionysii episcopi, Rustici, et Eleutherii.Additur in A. et T. Qui Trinitatem confitentes trino gloriose meruerunt coronari martyrio. Ast in L. Qui post nimia tormenta securibus submiserunt colla tempore Domitiani principis.Eodem die in Colonia Gereon martyris cum aliis trecentis quindecim.Ut est in D. septemdecim; in Barberiniano et S. Cyriaci cccxviii: in V. decem et octo. Absunt omnia ab A. T. L. dubia igitur nobis sunt.C. et V. Eodem die S. Domini martyris. B. Romæ natalis SS. Marcellini, Genuini, Nivii. Et inter duas lauros natale S. Priminæ.
• 10 VI. Idus.Passio S. Victoris martyris. Et in Britannia Paulini episcopi Eburaci.Sed deest Victor in A. et T. MSS. et ultimo loco ponitur Paulinus: hæc enim præmittuntur in A. et T. In Africa natale SS. Venusti, Crescentii, et S. Victoris martyris. In Colonia quæ vocatur Agrippina natale Gereonis martyris cum aliis trecentis et octodecim. Quæ postrema Flori esse videntur: habenturque etiam in L. ubi ultimo loco est solus Victor.V. Malosi cum aliis trecentis triginta. B. In Africa natale SS. Eusebii, Eraclii, Dionysii. Et alibi Malusii, cum aliis trecentis et triginta.
• 11 V. Idus.Vacat Beda.Florus in A. T. L. Turonis depositio S. Venantii abbatis et confessoris, viri magnificæ sanctitatis: qui multis infirmis in corpore positus opem commodavit.C. V. Sancti Tanasii presbyteri, Ampodi, Fausti, Januarii. V. Marcelli. C. Martialis. D. Apud Tharsum metropolim martyrum Taraci, Probi, et Andronici: qui persecutione Diocletiani martyrizati sunt. A. T. primo loco: In Antiochia natale S. Athanasii episcopi, Eraclii, et Placidi. T. In Colonia quæ vocatur Agrippina super fluvium Rheni natale S. Malusii, cum aliis trecentis triginta. L. ultimo loco: et in Antiochia passio Eracli et Placidi. B. In Acervo Siciliæ natale SS. Thanasii presbyteri, Placidi, Marcialis. Antiochiæ natale S. Heraclii.
• 12 IV. Idus.Vacat Beda.B. V. C. In provincia Syriæ sanctorum. V. B. Evagri, Proseriæ. Romæ Cœlestini, Saturi. C. Evagri et Seriæ. Romæ Cœlestis. B. In Ægypto S. Eustasii presbyteri. D. Apud Africam sanctorum confessorum et martyrum quatuor millium nongentorum septuaginta sex. A. T. B. In Campania natale SS. Eucharisti et Fortunati. B. Prisciani. A. T. Romæ depositio SS. Saturi et Calesti. T. In Ravenna natale S. Edesti. L. In Ravenna passio S. Edisti. Et Romæ passio S. Saturi. B. Biturice S. Opinionis presbyteri.
• 13 III. Idus.Vacat Beda.V. C. In Spania Fausti, Marciæ. Alibi, Adriani. Alexandriæ Athanasii episcopi. B. In Hispanis Gordoba civitate Fausti et Marciæ. Turonis depositio S. Venantii abbatis et confessoris. D. S. Polycarpi discipuli Pauli apud Troadem. B. A. T. L. Calcedonia natale sanctorum Adriani, Januarii, et Marcelli. T. L. In Hispania passio SS. Fausti et Rustici. T. primo loco, natale S. Geraldi confessoris.
• 14 II. Idus.Natale S. Calixti papæ: qui in persecutione Alexandri imperatoris diutius fame cruciatus et quotidie fustibus cæsus, per visionem a presbytero suo Calepodio, qui antea martyrium consummaverat, confortatus et consolatus est: qui in carcere eodem positus quendam militem, nomine Privatum, ab ulcerum dolore ac fœditate simul et ab infidelitate curavit. Quod audiens Alexander, ipsum quidem militem fecit plumbatis deficere: beatum vero Calistum per fenestram domus præcipitari: et ligato ad collum ejus saxo in puteum demergi, et in eum per rudera cumulari. Post dies vero septemdecim presbyter Asterius, cum clericis noctu veniens, levavit corpus, et sepelivit in cœmeterio Calepodii. Pridie idus Octobris.Addit V. C. sic obiit.A. Eodem die depositio S. Donatiani episcopi. B. Corduba civitate natale SS. Lupi et Aureliæ.
• 15 Idibus.Vacat Beda.V. Sanctorum Maurorum de militibus et S. Legadiæ. Ast C. de militibus et S. Gaidæ virginis. D. Transitus S. Justi in eremo, Lugdunensis episcopi. B. Romæ natale S. Fortunatæ. A. T. L. Romæ passio S. Silvani martyris et S. Fortunati. In Colonia Agrippina natale sanctorum Maurorum de militibus, seu ut habet L. Maurorum martyrum innumerorum. B. In Gallia Colonia Agrippinensi natale sanctorum Maurorum de militibus. Eodem die natale Savinæ.
• 16 XVII. Kal. Novemb.Vacat Beda.V. C. Depositio S. Galli confessoris. Et aliorum pariter ducentorum septuaginta. D. Sanctorum martyrum Marciani et Satyriani cum duobus fratribus eorum et aliorum ducentorum septuaginta. A. T. L. In Africa passio sanctorum martyrum septingentorum sexaginta. A. T. Et natale SS. Saturnini et Nerei. T. et L. In Noviomo civitate depositio S. Mummolini confessoris. Ast primo loco in T. Natale S. Juliani confessoris. B. In Africa passio SS. Ceieræ et aliorum ducenti septuaginta. Et alibi Saturnini, Nerei. Et depositio S. Galli confessoris, Berarii confessoris. In Nicomedia natale SS. Alexandri, Victorii. Et passio Silvani.
• 17 XVI. Kal.Vacat Beda.C. V. In Nicomedia Alexandri. Alibi Mauriani, Crescentiani, Turini, Donati. D. Marthæ sororis Lazari et Aristionis qui fuit unus de septuaginta Christi discipulis. A. T. L. In Mauritania natale sanctorum Donati, Nobilitani, Crescentiani, Defensoris, et Rusticiani. Sed deest Nobilitanus in L. et A. item in hoc Crescentianus. B. In Mauritania SS. Nenilucii, Sacrati, Venerii, Primæ, Donatæ, Victoriæ, Basillæ.
• 18 XV. Kal.Natale S. Lucæ evangelistæ. Hic Syrus Antiochensis, arte medicus, discipulus apostolorum, postea Paulum secutus est, usque ad confessionem ejus serviens Domino sine crimine. Nam neque uxorem unquam habens neque filios, septuaginta quatuor annorum obiit in Bithynia, plenus Spiritu sancto. Romæ S. Triphoniæ uxoris Decii Cæsaris, quæ, viro suo post interfectionem Beatorum Sixti et Laurentii divinitus punito, petiit baptizari cum Cyrilla a Justino presbytero, et alia die est defuncta, ac juxta S. Hippolytum in crypta sepulta.B. In Anxiopoli natale SS. Hermetis et Taxii. In Campania civitate Puteoli, Januarii, Euticis. Et alibi Victricis, Marcialis.
• 19 XIV. Kal.Vacat Beda.B. V. C. In Ostia Asterii. Neapoli sanctorum Januarii, Festi, ac Desiderii. D. Lucæ evangelistæ et Asclepiadis Antiocheni episcopi. A. T. In Hostia natale sanctorum Januarii, Festi, et Desiderii. T. Eodem die natale sanctorum martyrum Saviniani et Potentiani sociorumque eorum. A. Eodem die Duaco S. Amati Senonum archiepiscopi. T. L. Et depositio S. Amati episcopi et confessoris. Turonis depositio S. Columbani abbatis. T. B. Et in Antiochia Syriæ passio sanctorum Pelagii et Beronicæ. B. In civitate Puteoli, Proculi et Niceæ matris ejus.
• 20 XIII. Kal.Vacat Beda.B. V. C. In Puteolis Sozimi, Januarii, Dorotheæ. V. C. Alibi Uticii, Marcellini. A. T. L. Natale SS. Euticii, Lucii, Marcelliani. B. In Nicomedia Eutici, Promati, Lucii, Marcellini. D. Antiochia Beroræ, Pelagiæ, et aliorum quadraginta novem. B. Romæ natale Asterii presbyteri. A. T. L. In Aginno passio S. Caprasii martyris. B. prænotat. In Galliis.
• 21 XII. Kal.Sancti patris nostri Hilarionis, cujus vitam Hieronymus virtutibus plenam scripsit. Eodem die natale S. Asterii, presbyteri Calixti; qui cum corpus ejus elevatum de puteo sepelisset, post dies sex audiens hoc Alexander imperator, præcepit eum per pontem præcipitari: cujus corpus inventum est, et a quibusdam Christianis in eadem civitate sepultum. Scriptum in passione S. Calixti papæ.A. T. L. In Colonia Agrippina passio sanctorum undecim millium virginum. Et hæc primo loco cum aliqua diversitate: ultimo autem loco in L. additur. Et S. Ciliniæ. B. In Nicea Bithyniæ natale Macharii, Proculi, Modesti, cum aliis ducentis septuaginta. Lugduni Galliæ natale B. Viatoris pueri et discipuli S. Justi episcopi. In Africa Modesti, Eutici.
• 22 XI. Kal.Vacat Beda.V. C. In Adrianopoli Severi, Philippi episcopi, Eusebii, Hermetis. B. In Thracia natale S. Severi. In Antrianopoli Philippi episcopi, Eusebii, Hermetis. T. Thracia natale SS. Hermetis, Eusebii, et S. Philippi episcopi. L. In Thracia natale Philippi episcopi, et Severi presbyteri, et Hermetis diaconi. A. Thracia natale SS. Ermetis, Eusebii, et S. Philippiani. Eodem die passio S. Gratiani martyris, et depositio S. Autbodi epis. B. Alibi passio S. Leugati martyris. D. Antiochia Theodoriti presbyteri.
• 23 X. Kal.Vacat Beda.C. V. B. In Adrianopoli Severi, Dorothei. C. die præcedenti. In Trajanopoli Severi episcopi, Dorothei, et S. Oresti. D. Venusia Felicis episcopi Tubzocensis, et Audacti et Januarii presbyterorum. A. T. Natale SS. Severini, Dorothei, et Victoris. In territorio Cadetano passio SS. Servandi et Germani: qui ob confessionem Domini jussu Viatoris præfecti jussi sunt decollari. A. Eodem die depositio S. Romani Rothomagensis archiepiscopi. T. B. Ipso die in Cæsarea Cappadociæ natale Longini. B. In Cæsarea Cappadociæ S. Serensi et alibi S. Longini. L. In Cæsarea Cappadociæ passio SS. Longini, Severi, Victoris, et Dorothei. Et S. Severini Coloniensis archiep.
• 24 IX. Kal.Vacat Beda.Vacat etiam Divionense MS. nisi quod ex sequenti die de xlvi. militibus hic posita suo deinde loco in Bedæ contextu repetantur. B. V. C. In Nicomedia Vitalis, Felicis, Rogati, Victoriæ, Flaviani, Victoris. A. T. L. Nicomedia natale Rogati, Flaviani, et Vitalis. T. L. addunt Felicis, Papperii. B. Hierapoli Phrygiæ natale SS. Claudiani, Eleutherii, Justi, et Victoris.
• 25 VIII. Kal.Suessiones natale sanctorum martyrum Crispini et Crispiniani.Addit Florus in A. T. L. Quos Rictiovarus præfectus jussu Maximini imperatoris comprehendens, cum idolis sacrificare nollent, fecit a trochleis extendi et fustibus cædi: deinde in ungulis eorum sudes mitti: et de dorso singulorum singulis corrigiis ablatis, eorum colla molis suspensis in fluvium demergi: ac plumbo ignito et pice ferventi et oleo concremari. Qui in cunctis dextera Christi protecti, et Rictiovaro præfecto in his ultione divina interempto, præcipiente Maximiano imperatore gladio sunt trucidati. Quorum corpora angelo monente quidam senex nocte in navicula contra undam fluminis leviter vehens, clam sepelivit.Ipso die Romæ via Salaria natale quadraginta sex militum, qui simul baptizati a Dionysio papa, et mox jubente Claudio imperatore decollati sunt. Ubi sunt positi et alii martyres centum viginti unus: inter quos fuerunt quatuor milites Christi Theodotius, Lucius, Marcus, et Petrus. Scriptum in passione S. Xisti.A. T. Eodem die in pago Viromanduensi dedicatio ecclesiæ S. Quintini et translatio corporis ipsius. C. Romæ SS. Chrysanthi et Dariæ. B. Translatio S. Bartholomæi de insula Lippari in Benevento. Eodem die Grisanti et Dariæ. In Italia civitate Florentia passio S. Miniati martyris, cum sociis suis. Eodem die passio SS. Luciani et Marciani.
• 26 VII. Kal.Vacat Beda.Florus in A. T. L. Nicomediæ natalis sanctorum martyrum Martiani, Flori, et Luciani: qui tempore Decii imperatoris igni traditi sunt sub Sabino proconsule.B. V. C. In Nicomedia Luciani, Marciani, Flori, Eraclii. B. Tutti, Florini. D. Alehela civitate Vincentii, Sabini, et Christetes. A. T. L. Eodem die Elnone monasterio translatio corporis S. Amandi, et dedicatio ecclesiæ ipsius. B. Et Amandi episcopi et confessoris.
• 27 VI. Kal.Vacat Beda.Florus in A. T. L. Romæ S. Evaristi, qui sextus post Petrum annis novem, mensibus undecim, ecclesiam Romanam regens, temporibus Domitiani et Nervæ martyrio coronatur.B. C. D. V. A. T. L. Vigilia apostolorum Simonis et Thadæi. C. V. In Africa Polycarpi. V. Romæ Marciani, Luciani, Marciani, Floriani, Lucii. Alibi S. Florentii. C. Romæ Martiani, Lucii, Florentii. A. T. L. In Sardinia SS. Victi, Proti, et Florentii. T. Maslinas monasterio natale S. Romaldi martyris. L. Ipso die S. Rictrudis. B. Natale SS. Mariniani, Lucii, Victi. In Sardinia natale S. Florini. In Phrygia SS. Tarsi, Polycarpi, Gagii, Metrobi, Eumeniæ.
• 28 V. Kal.Natale sanctorum apostolorum Simonis et Thadei.Additur in A. T. L. Qui a templorum pontificibus occisi sunt in Suanis civitate magna apud Persidam. B. In civitate magna Silantis apud Persidam.Et Romæ S. Cyrillæ filiæ Decii Cæsaris, quæ sub Claudio principe jugulata et necata est gladio: et sepulta a Justino presbytero cum matre sua juxta S. Hippolitum.Florus in A. T. L. Ipso die passio SS. Vincentii, Sabinæ, et Christetæ: qui passi sunt in urbe Avila. Qui singillatim sursum ac deorsum in eculeo sunt extensi, divaricatis membrorum compagibus, et dissipati verberibus. Et cum nec sic deficerent, colla lapidibus supposita, fuste desuper cerebro illiso, tali martyrio consummati, pariter animas tradiderunt.B. In Carthagine S. Suffratiani et S. Rituti confessoris.
• 29 IV. Kal.Vacat Beda.Florus in A. T. L. Eodem die natale S. Pontiani papæ et martyris: qui ab Alexandro imperatore sub consulibus Severo et Quintiano, cum Hypolito presbytero, exilio in insula Sardiniæ Bucina deportatus, martyrium consummavit. Scriptum in libro episcoporum.B. V. C. In Lucania S. Sacincti, Quinti, Feliciani, et Lucii. C. Et natalis S. Euphrosynæ. A. T. L. In Lucania SS. Luciani, Quinti, et S. Feliciani martyris. T. primo loco: natale S. Theuderii confessoris. D. Narcissi Hierosolymorum episcopi.
• 30 III. Kal.Vacat Beda.V. C. In Nicomedia Januarii, Marcialis. B. V. C. D. Et in Africa passio sanctorum martyrum ducentorum viginti. B. In Nicomedia SS. Calendionis, Martialis, Theophili. D. Civitate Tingitana passio S. Marcelli centurionis. B. Et alibi passio S. Feliciani cum sociis suis. Eodem die passio S. Marcelli martyris. A. T. L. Passio S. Marcelli: qui amputatione capitis martyrium consummavit jussu Agricolani principis. (Atque hæc forte Flori sunt.) In Africa natale SS. Theophili et Eusebii. Tolosa civitate translatio S. Saturnini episcopi et martyris. T. L. In Nicomedia passio Calendionis, Marcialis, Germani.
• 31 II. Kal.In Galliis S. Quintini qui sub Maximiano imperatore martyrium passus est: et post annos quinquaginta quinque inventum est revelante angelo corpus, et sepultum viii. Kal. Julii.Florus in A. T. L. elogium amplius exhibit hoc modo: in Galliis Augusta Veromanduorum passio S. Quintini martyris, qui Romæ senatorio corpore editus, sed amore Christi tempore Maximiani imperatoris Gallias aggressus, maximis prædicationibus signis et miraculis gloriose enituit. [Cujus fama Rictiovarus præfectus audita, jussit perquiri, et comprehensum catenis adstringi ac carceri mancipari. Denique ex officio sibi exhibito percunctata religione, quia idolis sacrificare contempsit, dirissimis fecit flagellis cædi. In qua cæsione oculis mentis ac corporis in cœlum directis, Domino gratias agens, tortoribus ejus in terram ruentibus, cœlitus voce dilapsa talem divinam meruit allocutionem: Quintine, inquit, constans esto: viriliter age: ego autem adero tibi. Rursusque catenatus in carcerem recluditur: ubi angelica visione usus, ductuque ejus universas carceris custodias transiens, ad locum ostensum veniens, longa populis prædicatione perorata, ferme ad sexcentos viros usque convertit. Qua indignatione Rictiovarus stomachatus, in tantum trochleis torqueri præcepit, ut membra ejus vi durissima solvi cogerentur. Insuper et resticulis ferreis eum cædi, et] oleum candens, picem et adipem ferventissimum dorso applicari; calcem et acetum sinapimque ori ejus infundi, iterumque ponderosis catenis collum colligari, et duos sudes ferreos a cervice usque ad crura, itemque decem clavos inter ungulas et carnem jussit transfigi. Quibus divina protectione superatis, ad ultimum capite jussit plecti et corpus illius nocte in fluvio subplumbari. Amputatoque capite, velut columba candida sicut nix mox visa est de collo ejus exire, et liberrimo volatu cœlum penetrare. [Corpus vero ejus, quod in fluvio Somenæ subplumbatum fuerat, post annos quinquaginta quinque cuidam Romanæ matronæ ab angelo revelatum est, et ab eadem inventum in municipio, quod Augusto Viromandorum nuncupatur, viii. Kal. Julii sepultum. Scriptum in Gestis ejus.] In Nicomedia passio S. Eusebii: qui tempore Maximiani imperatoris sub Maxentio præside capitis abscissione martyrium consummavit.Primis [ ] uncis inclusa in MS. Lætiensi hoc modo brevius contrahuntur. Quo comperto Rictiovarus præfectus vinctum ad se jubet adduci, et post plura supplicia carceris, vinculorum, diversorum verberum, ad extremum oleum candens, &c. Reliqua de inventione corporis similiter [ ] signata desunt in Atrebatensi.V. C. Natale S. Quintini martyris, Felicis, Donati, et aliorum viginti novem. B. In Macedonia SS. Vitalis, Petri, Crescentii, Alterni.

• NOVEMBER.
• 1 Kalendis.Festivitas omnium sanctorum. Et in castro Diveon natale S. Benigni presbyteri: qui cum Andochio compresbytero et Tyrso diacono missus est a S. episcopo Polycarpo ab oriente Galliam tempore Aureliani. Qui prædicatione ejus comperta, vinctum eum et cæsum ad se adduci præcepit: et rursum, audita sermonum ejus constantia, nervis durissimis eum cædi fecit, et Terentio comiti superandum tradidit. A quo ad trochleas extensus et cæsus ac rursum carceri mancipatus, mane idola orando destruxit, et reductus est in carcerem. Cui subulas decem calentes in manibus fixerunt, et cum plumbo remisso pedes in lapide perforato fixerunt, et canes feroces duodecim cum eo incluserunt per sex dies. Et alit eum angelus pane cœlesti, subulas abstulit, et eum de plumbo ac ferro eripuit. Post hoc, collum ejus vecte ferreo tundi ac lancea forari jubetur. Quo facto columba nivea de carcere Christianis aspicientibus ad cœlos ascendit, et odor suavissimus quasi paradisi secutus est. Descendente Aureliano a loco, supervenit B. Leonilla, et conditum aromatibus corpus longe ab ipso carcere sepelivit.Eodem die natalis S. Cæsarei diaconi et Juliani presbyteri: [Hactenus A.] qui videlicet Cæsarius tempore Claudii veniens ex Africa ad Terracinam Campaniæ civitatem, dum contra idololatras proclamaret, in publico tentus est a Firmino pontifice, et in custodiam reclusus: ubi diebus multis maceratus, deinde traditus est Leontio consulari Campaniæ. Quem ille cum verbis superare nequiret, jussit vinctum ante carpentum duci, ligatis manibus nudum usque ad templum Apollinis. Quo cum pervenissent, ad orationem ejus corruit templum et occidit pontificem Firminum. Post hoc reclusus in carcerem a Luxurio primo civitatis, fuit ibi annum et mensem unum. Deinde eductus in foro, a Deo, cum oraret, cœlesti est luce circumdatus, ut ipse Leontius crederet, Cæsarium qui erat nudus sua chlamyde tegeret, baptizaretur, corpus et sanguinem Domini acciperet de manu Juliani presbyteri: nec mora, dicta super eum oratione, tradidit spiritum iii. Kalendas Novembris. Tunc Luxurius jussit Julianum et Cæsarium mitti in saccum et præcipitari in mare. Qui eodem die rejecti ad littus et sepulti sunt ab Eusebio servo Dei juxta urbem Terracinam. Et idem Eusebius postea martyrium passus est cum Felice presbytero.Eodem die depositio Severini monachi de Tiburtina civitate.Florus in A. et T. Ipso die passio sanctorum martyrum Eustachii et uxoris ejus Theospidis, et filiorum Agapiti et Theospidis: qui tempore Adriani imperatoris, cum nollent sacrificare Diis, missi pariter in bovem igneum igni succensi sunt: in MS. Lætiensi ponuntur hæc die sequenti.A. T. Eodem die translatio corporis S. Audomari episcopi et confessoris. T. Ipso die natale S. Remedii episcopi et confessoris. V. C. Pictavis dedicatio basilicæ S. Hilarii episcopi et confessoris. B. Et alibi depositio Eustachii militis cum uxore et duobus filiis. Parisiis civitate natalis S. Marcelli episcopi et confessoris. Eodem die Cenomanis civitate natale S. Domnoli episcopi et confessoris. Ipso die natale S. Vigoris.
• 2 IV. Nonas.Vacat Beda.B. V. C. Dedicatio basilicæ SS. Sixti, Hypoliti, et Laurentii. D. Laodicia Theodoti episcopi, qui arte medicus fuit. A. L. In Africa natale sanctorum Victoris, Hermetis, et Justi. A. Eodem die elevatio corporis S. Bertini abbatis. Ipso die memoria fidelium defunctorum celebratur, a B. Odilone Cluniacensis cœnobii abbate anno Dei Christi millesimo secundo devote instituta. T. Commemoratio solennis omnium fidelium defunctorum. T. B. In Africa passio SS. Popliani, Victoris, Ermetis, Justi, Vitalis, et Papiæ. Ipso die S. Lauteni abbatis. Et elevatio et translatio S. Bertini abbatis et confessoris.
• 3 III. Nonas.Vacat Beda.B. V. C. In Cæsarea Cappadociæ Germani, Theophili, Cæsarii, Vitalis. Alibi passio S. Agricolæ. B. Et passio S. Pabuli, qui passus est sub Herode rege. D. Quarti discipuli apostolorum. Cappadocia martyrum Germani, Theophili, Cæsarii, Vitalis: qui sunt sub Deciana persecutione martyrizati. A. T. L. In Africa natale sanctorum Germani, Theophili, et Vitalis. Eodem die S. Huberti episcopi et confessoris. Interponit his L. Et passio S. Agricolæ virginis. T. primo loco habet: Passio SS. Valentini et Hilarii martyrum. Ipso die passio innumerabilium martyrum, qui passi sunt sub Datiano præside.
• 4 II. Nonas.Vacat Beda.Florus in A. T. L. Bituricas depositio S. Lusoris pueri: qui filius cujusdam senatoris fertur in Galliis migrasse: ad cujus sepulcrum S. Germanus Parisiacæ urbis episcopus, dum quadam vice vigilias celebraret, et ejus clerici longæ stationis labore lassi, quasi pro aliquo relevamine se super sepulcrum sancti defixis ulnarum compagibus sustentarent, illico tumulus sancti confessoris contremuit. Unde idem pontifex tremore perterritus, amoveri desuper somnolentos præcepit dicens: Absistite, o segnes, procul a tumulo, ne sancto Dei molestia afferatur. Quibus amotis tremorem ullum deinceps non sensere. Scriptum in libro miraculorum Gregorii Turonensis episcopi.B. V. T. C. In Africa Primii, Cæsarii, Gregori, Porphyrii: et in Nicæa Dominini. D. Alexandria Hierii presbyteri, vita purissimi, in Scripturis nobiliter eruditi. A. T. primo loco: Lugduno depositio S. Genesii episcopi et confessoris et S. Quarti. Augustiduno S. Proculi episcopi. qui postremus solus et primo loco habetur in L. B. Redonis depositio S. Amandi episcopi. T. post martyres Afros. et Amantii.
• 5 Nonis.In Terracina Campaniæ civitate, natale SS. Felicis presbyteri et Eusebii monachi, tempore Claudii imperatoris: [hucusque MS. Atr.] qui videlicet Eusebius cum sepelisset sanctos martyres Julianum et Cæsarium, et ad sepulchra eorum orans ac jejunans multos converteret ad fidem, quos Felix presbyter baptizabat, tenti sunt ambo a Leontio filio Leontii consularis, ob eam maxime causam, quia Cæsarius patrem ejus Christianum fecisset: et ad forum ejus ducti nec superati, in carcere reclusi; et nocte eadem, cum nollent sacrificare, decollati et in fluvium projecti sunt. Quorum corpora venerunt usque ad mare, et rejecta ad littus a quodam presbytero de Capua, nomine Quartus, sunt inventa: qui ea mox imposita vehiculo duxit in casam suam, et curiose quærens, etiam capita invenit, et adjuncta corporibus sepelivit juxta S. Cæsarium.B. In Cæsarea Cappadiciæ natale SS. Domnini, Epiphanii, Antonini. In Capua civitate Campaniæ natale SS. Marciæ, Secundæ, et Quarti.
• 6 VIII. Idus.Vacat Beda.D. Toniza Africæ Felicis martyris, et aliorum quadraginta martyrum. V. B. C. In Nicomedia Adriani, Juliæ, et Eusebii. V. B. A. T. In Africa natale sanctorum Donati, Pauli, et Balsami. C. In Africa Donati, Paulini. Natale S. Leonardi primo loco A. T. L. In Gallia Redonas civitate depositio S. Melanii episcopi et confessoris: et depositio S. Winnoci abbatis. quod ultimum in T. sic legitur. Et in cella Warmholtvoorta obitus Winoci confessoris Christi. B. In Gallia civitate Redonis depositio S. Leonardi confessoris.
• 7 VII. Idus.Vacat Beda.V. C. In Nicomedia Eusebii, Eustasii, Marii, Primi, Juliani, Januarii. B. In Nicomedia natale SS. Polysii et Euthasii, Primi, Rogatiani. In Africa natale SS. Rogati, Donati, Primæ, Julianæ. D. Alexandria Achillei episcopi. Apud Perusinam Herculani episcopi martyris. A. T. L. Nicomediæ natale sanctorum Castoris, Gaudii, et Victoris. T. L. In Africa passio sanctorum Donati, Rogati. T. addit, et Belsami. A. Ipso die natale S. Willibrordi confessoris.
• 8 VI. Idus.Romæ sanctorum quatuor coronatorum: Claudii, Nicostrati, Symphoriani, Castorii, et Simplicii.Florus in T. priorum nomina sic interponit: Severi, Severiani, Victorini, Carpophori, et aliorum quinque Claudii, &c. deinde hoc elogium subjungit in A. T. L. Qui dum corpora SS. Tranquillini, patris Marci et Marcelliani, et Zoæ uxoris Nicostrati, per oras fluminis Tiberini inquirerent, a persecutoribus tenti sunt et ad urbis præfectum perducti. [Erat autem judex Fabianus, qui eos hortatus est ad sacrificandum; et per decem dies misit ad eos, et blanditiis agens in nullo penitus potuit commovere. Tunc fecit de his suggestionem imperatoribus Diocletiano et Maximiano: qui jusserunt eos tertio torqueri, cumque nulla ratione tormentis compulsi cederent, jussi sunt in medio mari præcipites dari.] Immensis itaque arctati ponderibus, pelagi fluctibus dati sunt. Et in loco mundo inter aquas coronam martyrii celebrarunt. Scriptum in gestis S. Sebastiani. Veruntamen A. in principio contractius. Qui sub Fabiano judice jubentibus Maximiano et Diocletiano imperatoribus torti et in mari mersi sunt. L. contractius in medio sic loco [ ] inclusorum: qui tertio torti, cum superari non possent, immensis, &c.Subjungitur in A. Quatuor coronatorum nomina sunt hæc: Severus, Severianus, Victorinus, et Carpophorus: quorum dies natalis per incuriam neglectus, minime reperiri poterat: ideo statutum est ut in eorum ecclesia, horum quinque sanctorum qui in missa recitantur natalis celebretur, ut cum istis eorum quoque memoria pariter fiat: sed hæc mutila, et confusa, sicut apparet, non audemus ex unius MS. fide attribuere Floro. B. In Africa natale SS. Primi, Macharii, Justi, Amandi.
• 9 V. Idus. Natale S. Theodori martyris.Florus in T. præmittit. Apud Amaseam civitatem: et subnectit elogium: qui temporibus Maximiani et Maximi imperatorum, pro confessione Christianæ fidei fortiter cæsus ac in carcerem missus: deinde Domino Salvatore sibi apparente et monente ut constanter et viriliter ageret, relevatus est. Novissime postquam suspensus est ungulis corrasus, ita ut ejus interiora nuda apparerent, traditur ignibus. Additur ibidem. Eodem die Bituricas S. Ursicini confessoris: qui Romæ ordinatus a successoribus apostolorum, primus eidem urbi destinatur episcopus. Florus in A. T. L. Eodem die in Hispaniis Corduba civitate passio sanctorum Fausti, Januarii, et Martialis: qui pariter in ignem projecti sunt, agente Eugenio præside.B. V. Dedicatio basilicæ Salvatoris. V. A. T. B. C. Romæ L. Sanctorum Clementis et Symphronii. B. In Nicomedia natale Damiani. In Hispaniis SS. Fausti et Martialis. A. Ipso die passio S. Ragnulfi martyris. T. Ipso die natalis S. Vitoni episcopi et confessoris.
• 10 IV. Idus.Vacat Beda.V. C. In Antiochia Eustochii et sociorum ejus. Romæ depositio Leonis episcopi. D. Cersona Lyciæ Martini papæ, qui ob catholicam fidem ibi relegatus est. B. A. T. L. Romæ depositio S. Leonis papæ. In Antiochia natale SS. Demetrii episcopi et Amonesii diaconi, Eustosii et sociorum ejus. A. T. L. Eodem die natale S. Martini papæ. B. Aurelianis depositio Amonitoris episcopi.
• 11 III. Idus.Natale S. Martini episcopi Turonis civitate.Florus addit in A. T. L. Qui copiosius post apostolorum coruscavit virtutibus. L. triumque mortuorum factus est suscitator magnificus.Ipso die natale S. Mennæ martyris.Subjungit A. et L. et S. Bertuini episcopi. T. Eodem die in Alexandria depositio S. Joannis patriarchæ. B. Ravennæ natale sanctorum Valentini, Feliciani, Victurini.
• 12 II. Idus.Vacat Beda.B. C. V. Romæ S. Martini papæ. B. C. A. T. L. In Africa Mauruli, Publii. In Cæsarea Cappadociæ Germani, Cæsarii, Theophili, Eusebii. In C. librariorum culpa Afri et Cæsariensis martyres adscripti sunt diei præcedenti. Afri autem hoc die iterato scribuntur. D. Africa Arcadii, Paschasii, et Probi et Eutychii, quinque martyrum Wandalorum in persecutione. T. In Ravenna depositio SS. Victoris et Solutoris.
• 13 Idibus. Turonis natale S. Bricii episcopi.Florus addit in T. et L. Qui a Turonorum populo criminatus, infantem, de quo sermo erat, triginta dies habentem, adductum adjuravit, ut, si ipse esset genitor ejus, coram cunctis ediceret. Cui infans: Non es tu, inquit, pater meus. Populis iterum furentibus, prunas ardentes birro suo impositas usque ad sepulcrum S. Martini deportavit, dicens: Sicut istud vestimentum ab his ignibus videtis inustum, ita et corpus meum a tactu mulieris scitote impollutum. Scriptum in Gestis ejus.B. In Thracia natale SS. Secundi, Fidentiani, Martialis. In Antiochia natale SS. Donati, Restituti, Valeriani, et Fructuosi, cum aliis duodecim. C. V. Et S. Antonii, et depositio S. Jacobi. L. In Malbodio translatio S. Aldegundis virginis. A. T. Rotenis civitate natale S. Amandi episcopi. A. In pago Cameracensi in villa quæ dicitur Calderiacus natale S. Maxelendis virginis et martyris. Eodem die depositio S. Killiani episcopi et confessoris. T. Eodem die in Thracia passio SS. Eudicti, Euticis, et Agesti.
• 14 XVIII. Kal. Decemb.Vacat Beda.V. C. In Eraclia natale Clementi, Theodotæ, Philomeni, et aliorum multorum quorum nomina Deus scit: quæ sic leguntur in L. B. In Eraclea civitate Thraciæ natale SS. Clementis, Clementini, Filomeni, Theodoti, et Eracli. Pro quibus in A. et T. solum est: Clementini, Philomonis, et Heraclii. In B. ad finem ponitur: Et natale S. Eradii. A. Eodem die repositio sanctorum corporum Quintini martyris et Cassiani pontificis, imminente tristitia summa. D. Alexandria Serapionis, qui sub Decio præcipitatus martyr efficitur.
• 15 XVII. Kal.Vacat Beda.V. C. In Africa Secundini, Marcialis, Calendionis, Valerii, Fructuosi, cum aliis duodecim. D. Felicis episcopi, qui miraculorum gloria insignis fuit. B. A. T. L. In Africa natale SS. Secundi, Fidentiani, et Demetrii. In Antiochia Donati, Restituti, cum aliis triginta. B. duos addit, sic concludens: Valeriani, Fructuosi, cum aliis duodecim. A. Eodem die S. Machati. L. Et passio S. Eugenii Toletanæ sedis episcopi, discipuli pretiosi Dionysii archiepiscopi.
• 16 XVI. Kal.Vacat Beda.B. C. V. In Africa Rufiniani, Marci, Valerii, Victoris, Honorati. C. V. Marinæ, Secundini, Frontoni. In Antiochia Augustini, Justæ, Matronæ, Fructæ. D. Africa Rufini, Fidentiani, Augustini, Felicis. B. Et alibi natale Secundiani, Aureliani, Marcelli. A. T. L. In Capua natale sanctorum Vitalis et Justi. A. T. L. B. Lugduno Galliarum depositio S. Eucherii episcopi.
• 17 XV. Kal.Aurelianis natale S. Aniani confessoris. Et S. P. N. Gregorii miraculorum factoris.Priori hoc elogium texitur a Floro in A. T. L. Qui cum a S. Evurtio antecessore ejus et Aurelianensi populo futurus successor eligeretur, ut in ipso concordia divinæ electionis claresceret, triduano jejunio peracto, necdum loquens parvulus allatus, tacto in altari brevi posito, Christi operante virtute, tertio exclamavit: Anianus istius civitatis a Deo est pontifex institutus. Sicque episcopus creatus, postea multis coruscavit miraculis.V. Et Victoris, Theodotæ, Alfæ, Zachæi. C. Factoris, Theodoræ, Alphei, Zachæi. A. T. Carthagine natale Dubitati et Valentini. B. interponit Tusci. Ibidem Romæ trans-Tiberim natale S. Cæcilii. In Nicomedia natale S. Ammonis. Et natale S. Teclæ virginis.
• 18 XIV. Kal.Vacat Beda.Florus in A. T. L. Cordula civitate passio sanctorum Aciscli et Victoriæ: qui post carceres et tormenta mersi sunt in fluvium, alligatis ad colla pedibus. Unde virtute Domini exeuntes, alligati sunt rotis, et super ignem volutati, ita ut membra eorum quassarentur. Postea vero Victoria, mamillis abscissis linguaque amputata, dignum Deo efflavit spiritum, Acisclus autem capitis abscissione implevit martyrium, sub Sidone præside. Cæsarea natalis SS. Maximi, Luciani, et Marcialis. Antiochiæ passio Romani monachi et Barali pueri, sed et Usici palatini militis: qui tempore Diocletiani imperatoris et Maximiani pro Christi nomine interempti sunt. Romanus quidem post multa flagella et linguæ abscissionem in carcere est necatus: Baralus vero puer capite plexus: Usicus autem alligatus lapidi fluvio mersus.C. V. In Antiochia Romani monachi et in Cæsarea Victoris et Maximæ, et dedicatio basilicæ S. Petri apostoli. B. In Antiochia civitate natale SS. Romani et Isici mart. D. Antiochia Romani monachi et martyris. Et Hesycii palatini et martyris. A. T. B. Eodem die in Hispaniis Cordula civitate passio S. Asclæ virginis et martyris. T. addit: Hac die rosæ ibidem colliguntur. A. Eodem die Cameraco elevatio corporis S. Gaugerici episcopi. A. L. Et depositio S. Eusebiæ virginis.
• 19 XIII. Kal.Vacat Beda.D. Romæ Maximini presbyteri et martyris, et Faustini diaconi et Eusebii martyrum. B. Augustiduno depositio S. Simplicii episcopi. B. V. C. In Cæsarea Cappadociæ Maximi, Muciani, Neopheri, Januarii, Vitalis. A. T. Cæsarea natale SS. Januarii, Neopheri, et Vitalis. T. Castherii, Marciani, et Zephori. L. In Cæsarea natale Januarii, Casterii, Zephori, et Vitalis. Et depositio S. Elisabeth viduæ.
• 20 XII. Kal.Vacat Beda.D. Romæ Pontiani papæ et martyris. Messanæ Ampeli et Gaii. B. V. C. In Eraclia Bassi, Dionysii, Orionis. V. C. In Hispania Maximi presbyteri. A. T. Eracleæ natale SS. Gagii et Dionysii. T. Bassii et Classii. A. L. In Hispania depositio S. Crispini. T. In Sicilia passio S. Ampelii. B. In Antiochia natale SS. Basilii et Dionysii. Taurinis civitate natale SS. Octavi, Solutoris, et Adventoris.
• 21 XI. Kal.Vacat Beda.D. Rufi, quem apostolus ad Romanos scribens salutat. C. V. In Antiochia Basilei et Auxilii, Saturnini, Carali, Eutycii. B. In Antiochia natale SS. Basilei, Auxilii, Matroni. Et alibi natale SS. Demetrii, Quintiani, Sisinnii. A. T. L. Antiochiæ natale sanctorum Basilei et Saturnini. In Hystria civitate natale S. Mauri martyris. L. Et S. Columbani abbatis. T. ejus natalem primo loco refert. Addit L. Idem præsentatio beatæ Mariæ virginis.
• 22 X. Kal.Natale S. Ceciliæ virginis, quæ et sponsum suum Valerianum et fratrem ejus Tibertium ad credendum Christo ac martyrium perdocuit: et ipsa deinde martyrizavit, ignem quidem superans, sed ferro occisa sub Almachio urbis præfecto.A. T. Alexandria natale SS. Demetrii et Felicis. Suessonis depositio S. Medresinæ virginis. B. In Cappadocia SS. Longini, Leontii, et Fausti. C. V. Maximi. S. Longini, qui latus Domini lancea aperuit. MS. Lætiense hic habet elogium prolixius ex Floro, quod vide infra iv. Nonas Decembris.
• 23 IX. Kal.Romæ natale S. Clementis episcopi, qui jubente Trajano missus est in exilium trans Pontum maris. Ubi multis ad fidem vocatis per miracula ad doctrinam ejus, præcipitatus est in mare, alligata ad collum ejus anchora. Sed recessit mare orantibus discipulis ejus per tria millia: et invenerunt corpus ejus in arca saxea in templo marmoreo, et anchoram juxta. Eodem die S. Felicitatis, matris septem filiorum martyrum, quæ jubente Antonino decollata est pro Christo.Florus in A. T. L. Ipso die pago Hasbaniæ depositio S. Trudonis confessoris: qui mundum despiciens maximis enituit virtutibus.L. Et S. Severini. V. C. Eodem die natale S. Columbani in Bobio. B. In Italia monasterio Bobio depositio S. Columbani. Bituricæ civitate S. Fateri presbyteri. Et alibi S. Trudonis confessoris.
• 24 VIII. Kal.Romæ natale S. Chrysogoni, qui sub Diocletiano decollatus martyrium complevit. Scriptum in passione S. Anastasiæ.Ipso die natale S. Crescentiani: qui erat cum Cæsareo diacono et Largo et Smaragdo in carcere sub persecutione Maximiani, filii Maximini: et eductus jubente Carpasio vicario de carcere, suspensus est in eculeum, et fustibus cæsus atque unguibus rasus, diutius deinde flammis circum latera ejus appositis diu ustulatus emisit spiritum, et ab Joanne presbytero sepultus est in cœmeterio Priscillæ. Ipso die Maximus interfecit sororem suam Arthemiam. Scriptum in Gestis Marcelli papæ.V. C. Eodem die S. Eleutherii et Maximi. Et S. Flaviani episcopi et confessoris. Et S. Romani presbyteri.
• 25 VII. Kal.Natale S. Petri episcopi Alexandrini: qui cum esset omnibus adornatus virtutibus, in scripturis quoque divinis nullius priorum inferior; vere sacerdos et hostia Deo, subito capitur atque ex Maximini præcepto capite obtruncatur: cum quo simul et alii plures ex Ægypto trucidantur. Scriptum in Historia Eccles. libro nono.B. V. C. Et S. Caterinæ virginis. A. T. L. Eodem die passio S. Caterinæ. B. Alibi Luciani, Marciani, Claudiani.
• 26 VI. Kal.Vacat Beda.D. Romæ Lini papæ, et Alexandri episcopi et martyris passi xi. Kal. Octobris, a papa Damaso vi. Kal. Decembris translati, quando festivitatem dicavit. B. C. V. A. T. L. Romæ SS. Sirici episcopi et Saturnini. In Aquileia Valeriani episcopi et confessoris. B. A. T. L. Augustiduno depositio S. Amatoris episcopi.
• 27 V. Kal.Vacat Beda.V. C. In Nicomedia Marcelii, Petri, Serenæ, Victorini. V. C. D. In civitate Bononia Agricolæ et Vitalis martyrum. A. L. Nicomedia natale SS. Petri, Marcelli, et Sereni: quorum alter pro fide Christi crucifixus, alter fuit capite plexus. Rectius et integrius T. B. Nicomedia natale SS. Marcelli, Petri, et Sereni. In Italia civitate Bononia passio SS. Agricolæ et Vitalis: pergit T. solum, quorum alter fuit pro fide Christi crucifixus, alter capite plexus. In Mediolano natale Joannis, Severi, atque Andræ. Iidem habentur in L. Sed perperam præponitur: Civitate Bononia passio Agricolæ virginis.
• 28 IV. Kal.Vacat Beda.D. Sosthenis discipuli apostolorum. Et Rufi martyris, cum omni domo sua per Chrysogonum lucrati. Africa Papirii et Mansueti episcoporum. B. C. V. In Syria Trophimi, Theodoli, Eucerii. Et alibi Eusebii et Julii. A. L. In Syria. T. In Africa natale SS. Trophimi, Eusebii, Julii. T. L. Et Theodoli martyrum.
• 29 III. Kal.Romæ S. Saturnini martyris et Sennis et Sisinnii diaconi sub Maximiano: [a quo primo inter alios damnati ad fodiendam arenam ad faciendas thermas Diocletianas, deinde in carcere diu sunt macerati. Ubi multos gentiles docentes baptizabant: et denuo educti, vincti catenis et nudis pedibus, ante præfectum urbis Laodicium jussi sunt in eculeo levari et attrahi, nervis et fustibus ac scorpionibus cædi: quibus etiam postmodum flammas ad latera jussit apponi, et depositos de eculeo capite truncari.] Quorum corpora cum Joanne presbytero colligens Thrason vir Christianissimus, qui de facultatibus suis martyribus multa ministraverat, sepelivit in prædio suo via Salaria. His in medio certamine positis crediderunt duo milites Papias et Maurus: qui mox comprehensi a Laodicio et non multo post martyrio coronati sunt. Scriptum in Gestis Marcelli papæ. Eodem die vigilia S. Andreæ apostoli.Brevius L. qui post carcerem in eculeum levati, nervis attracti, tandem capite truncati sunt: quorum corpora, &c.Florus in A. et T. Eodem die passio S. Chrysanthi et Dariæ, cum octoginta militibus, qui per S. Chrysanthum ad fidem conversi, jubente Numeriano imperatore pariter sunt interfecti. Chrysanthus et Daria, post plura tormenta, post carceres, bestias, et eculeos, pariter in foveam missi lapidibus obruti sunt.Idem Florus in A. T. L. Tolosa passio S. Saturnini episcopi, qui tempore Decii, Germanici, et Grati tentus a paganis ac tauro alligatus, de capitolio præcipitatur. Nec mora inter primos descensus graduum illius capite colliso, cerebro excusso, et corpore omni membrorum parte lacerato, dignam Deo animam Christus excepit.B. V. C. Eodem die vigilia S. Andreæ apostoli. B. Et natale SS. Chrysanthi et Dariæ et Mauri. C. Mauri et aliorum lxxii.
• 30 II. Kal.Natale S. Andreæ apostoli.Plenius Florus in A. T. L. In Achaia, civitate Patras, passio S. Andreæ apostoli: qui crucifixus pro Christi nomine suum complevit martyrium.B. Romæ natale S. Maurilii, Consuli, Theodoli. C. Et Mediolanensi S. Amatoris episcopi.

• DECEMBER.
• 1 Kalendis.Vacat Beda.Florus in A. T. L. In Noviomo depositio S. Eligii episcopi et confessoris: qui in palatio Lotharii regis Francorum magna prudentia et religione micans, episcopus factus multa corpora sanctorum removens decentissime tumulavit, virtutibusque maximis et signis miraculorum effloruit.D. Romæ Chrysanthi et Dariæ martyrum, qui tempore Numeriani, judice Celerino, Romæ passi sunt. V. C. Interamnæ sive Narniis S. Proculi episcopi et martyris. In Torrente S. Marinæ. V. Ad ursum pileatum S. Candidæ. A. T. L. B. Romæ natale S. Candidæ. B. Lucii et Marinæ, Amboni, Filati. Noviomo civitate depositio S. Elegii episcopi et confessoris. Natale S. Constantiani.MS. Lætiense hic habet elogium SS. Chrysanthi et Dariæ supra relatum, tum addit: Eodem die adventus sanctarum reliquiarum de urbe Constantinopolitana.
• 2 IV. Nonas.Vacat Beda.Florus in A. et T. primo loco et in L. sed ad x. Kal. Decembris. Cappadocia civitate passio S. Longini, militis qui latus Domini lancea dicitur aperuisse. Qui conversus ad fidem cum Christum prædicaret, tentus ab Octavio præfecto, postquam ei dentes ferro confracti sunt linguaque abscissa, capitalem subiit sententiam.V. Romæ natale S. Primitivi, Pontiani, Piminii. Alibi Veri, Severi, Januarii. Romæ S. Bibianæ. A. T. Romæ natalis SS. Victorini, Demetrii, et Donatii. T. Et passio SS. Primenti, Pontiani, Dafrosiæ, Juliani. L. Romæ natale sanctorum Victorini, Primentii, Pontiani, Dafrosii, Demetii, et Urbani. D. Romæ Juviniani et Fausti martyrum. Et Dafrosæ filiæ. B. Agnetis secundæ. C. Romæ natalis Pimenti, Pontiani, Pisinni. Alibi Securi, Januarii, Vibianæ, Dafrosæ. B. Romæ natale SS. Primiti, Pontiani, Viniani. Cœnomanis civitate depositio S. Domnoli episcopi et conf. In Mauritania Securi, Victorini, Fortunati.
• 3 III. Nonas.Vacat Beda.D. Romæ Claudii tribuni et Hilariæ uxoris ejus, et Jasonis et Mauri. B. C. V. In oriente Meroni, Claudici, et Felicis. In Africa Crispinæ, Magnæ, Joannis. B. A. T. L. In Africa natale SS. Crispini, Magni, Joannis. T. L. Et Stephani martyrum. B. Stephani, Victoris, Martini. In Bononia SS. Agricolæ et Cassiani.
• 4 II. Nonas.Vacat Beda.D. Romæ Symphronii et Olympii, Exuperii et Theodoli martyrum a B. Sisto translatorum ii. Nonas Decembris, quando eorum festivitas agitur. C. V. S. Barbaræ virginis, Eraclii, Christiani, Pudentii, Victoris. Et in Laudicia Felicis. A. T. L. In Laodicia natale SS. Felicis, Eraclii, et Prudentii. Eodem die Aurelianis in loco qui vocatur Floriacus illatio corporis S. Benedicti abbatis et monachi: addit T. cujus adventu feruntur illic arbores floruisse. A. Apud Antiochiam passio S. Barbaræ virginis. L. et T. eamdem habent omisso loco. B. Romæ Barbaræ virginis, Pudenti. In Laodicea metropoli, Felicis, Merobii.
• 5 Nonas.Vacat Beda.B. Natale S. Dalmatii martyris. V. S. Sabæ monachi. C. V. In Africa Humilis, Felicis, Julii, Potamiæ, Victoris. C. S. Sabæ et aliorum viginti. V. Et alii octo. A. T. In Africa natale sanctorum Felicis, Julii, Potamiæ, Privati, Fulgentii, et S. Crispini martyrum. L. In Africa natale SS. Felicis, Privati, Fulgentii, et alii septem. Et S. Crispinæ virginis. B. In Africa natale SS. Humilii, Felicis, Julii, Potamiæ, Crispini, Trophimi, Eucarpionæ. Et alibi S. Sabæ confessoris.
• 6 VIII. Idus.Vacat Beda.D. S. Nicolai episcopi Myrorum Lyciæ. B. C. V. Sancti Nicolai episcopi. In Africa Zetuli, Fortunati, Gaithi, Hermogenis, et Rogati. A. In Africa natale sanctorum Rogati, Ermogenis, et Fortunati. Eodem die depositio S. Nicolai confessoris: per quem Dominus miracula operari dignatus est præclara. T. Depositio S. Nicolai episcopi et confessoris. In Africa natale SS. Rogati, Ermogenis, et Fortunati. In Asia majore natale SS. Zeloti, Zeculæ, Agatii, et Fortunati. L. In Asia majore natale SS. Zeloti et Fortunati. Et in Mirensium civitate S. Nicolai episcopi.
• 7 VII. Idus.Vacat Beda.C. V. Natale S. Ambrosii confessoris. Spoletum S. Savini. C. Episcopi et martyris. Iidem, sed absque loco, habentur in B. D. Alexandria Agathomi martyris et militis. B. A. T. L. Antiochia civitate natale SS. Polycarpi et Theodori. Romæ depositio S. Eutyciani episcopi. Postremo huic deest locus in Lætiensi. C. Romæ Eutycioni.
• 8 VI. Idus.Vacat Beda.D. Romæ Eutychiani papæ et martyris, qui manu propria trecentos quadraginta duos martyres sepelivit. C. B. V. A. T. L. Romæ S. Eusebii episcopi et Urani presbyteri, et Successi episcopi. In L. deest Eusebius: in T. et A. locus: additur in T. Ac natale S. Sabini. In V. depositio Eutyciani episcopi. A. T. L. Conceptio S. Mariæ matris Domini.
• 9 V. Idus.Vacat Beda.C. V. Natale Syri confessoris de transmigratione. In Africa Petri, Successi. D. et L. S. Leocadiæ virginis, quæ tempore Diocletiani et Maximiani a præfecto Hispaniarum Daciano apud Toletum dira carceris custodia macerata est. A. Antiochia natale SS. Geronti, Valentini, et Ermogenis. T. L. Antiochia natale SS. Geronti, Valentini, Silvanæ, Donatæ, Aguillæ. T. Et Ermogenis. Et passio S. Leocadiæ virginis. Ipso die S. Sirici episcopi. B. In Africa SS. Petri, Successi, Basini, Porphyrii, Urbani. In Africa SS. Generati, Polentiæ, Silvanæ, Valentinæ, Felicis, et Eutyciani.
• 10 IV. Idus.Natale S. Eulaliæ virginis in Barcelona civitate Hispaniæ, sub Daciano præside, quæ cum esset tredecim annorum, post plurima tormenta, decollata est, et resiliente ab ea capite, columba de corpore ejus exire visa est.T. Ipso die S. Valeriæ virginis et martyris. B. In civitate Arvernis natale S. Agricolæ.
• 11 III. Idus. Natale S. Damasi papæ.Florus in A. T. L. In Gallia civitate Ambianis passio SS. Gentiani, Victorici, et Fusciani: qui Victoricus ac Fuscianus a Roma egressi, verbum vitæ pluribus nuntiantes, tempore Maximiani circa Ambianis a Rictiovaro præside comprehensi, prius ferro manibus post tergum vinctis in carcere sunt reclusi: deinde in naribus et auribus eorum sudibus immissis, et clavis in capitibus transfixis, decollati sunt. In quos spiritu irruente, manibus capita propria ad hospitium B. Gentiani martyris usque portantes, ibidem requieverunt.B. In Alexandria Sammoni et Emeriti. In Antiochia SS. Zosimi, Pauli, et Cyriaci. In Gallia civitate Ambianense natale SS. Victrici et Fusciani martyrum. A. et T. Et Prætextati.
• 12 II. Idus.Vacat Beda.V. B. D. A. T. C. Natale SS. Hermogenis et Donati. V. B. C. D. Et aliorum viginti duorum. D. Apud Alexandriam Epimachi et Alexandri: qui cum multo tempore in vinculis et cruciatibus carceris torti et confecti perdurassent in fide, ignibus ad extremum jubentur consumi. L. In pago Vimmo. T. A. Depositio S. Walerici. L. Episcopi. T. Confessoris. A. T. In Hispaniis S. Eulaliæ et alterius virginis nimium tortæ.
• 13 Idibus.Natale S. Luciæ virginis de Syracusis sub Paschasio consulari: quam cum lenones corrumpere, jubente Paschasio, vellent, nullatenus eam movere potuerunt, nec funibus additis aut boum paribus plurimis; picem, resinam, fervens oleum, nihil læsa suscepit. Tandem gladio in viscera merso, percussa, nec tamen mortua est, donec venientibus sacerdotibus, communionem Dominici corporis et sanguinis accepit. Passa est tempore Diocletiani et Maximiani.Deest hoc ultimum Lætiensi MS. Atrebatense est in principio contractius: quæ cum sub Paschasio picem, resinam, et fervens oleum illæsa suscepisset.A. T. L. Ipso die in Gallia Cameraco civitate depositio S. Autberti episcopi et confessoris. A. Per quem Dominus miracula operari dignatus est præclara. T. Eodem die depositio S. Judoci confessoris. L. Et natale S. Odiliæ virginis: quæ cæca nata, sed a Deo curata, et de sacro fonte a tribus episcopis suscepta fuit. V. C. Alibi Leocandidi confessoris et Valentini. B. Ravennæ natale SS. Valentini et Leuchadi confessorum. Mediolano passio SS. martyrum Gervasii et Protasii.
• 14 XIX. Kal. Jan.Vacat Beda.Florus in A. T. L. Hierosolyma passio SS. Justi et Abundi: qui post alapas, carceres, et rotas igni traditi sunt sub Numeriano imperatore et Olybrio præfecto. Lugduno civitate depositio S. Viatoris episcopi. Remis passio S. Nicasii episcopi [et martyris, sororisque ejus Eutropiæ virginis, cum aliis ejusdem urbis civibus] qui missarum solennitatibus peractis a Wandalis infra ecclesiam Remensium passus est martyrium.B. C. V. Lugduno S. Victoris. Vienna Lupicini. Remis natale S. Nicasii episcopi. B. primis duobus addit titulum episcopi et depositionem nominat. D. Sanctorum martyrum Drusi, Zosimi, et Theodori. B. In Antiochia natale SS. Drusi et sociorum ejus.
• 15 XVIII. Kal.Vacat Beda.Florus in A. T. L. Aurelianis depositio S. Maximiani presbyteri et confessoris, [hucusque etiam B. V.] qui in summa religione degens, ejus meritis multa miracula Dominus operari dignatus est.D. Valeriani episcopi et confessoris. C. V. In Africa S. fausti, Lucii, Candidi, martyrum. A. T. L. B. In Africa natale SS. Candidi, Cæciliani, et Fausti.
• 16 XVII. Kal.Vacat Beda.D. Trium martyrum Ananiæ, Azariæ, et Misaelis. B. V. Ravenna natale SS. Valentini, Navalis, Agricolæ, Concordiæ. A. T. L. Ravenna natale SS. Valentini, Navalis, et Concordii. A. In Tuscia passio S. Barbaræ virginis sub Maximiano imperatore. T. Et transitus S. Everardi confessoris. B. Arelate dedicatio basilicæ S. Genesii martyris.
• 17 XVI. Kal.Natale S. Ignatii episcopi et martyris: qui tertius Antiochiæ post Petrum apostolum episcopus, duodecimo Trajani anno, ad bestias vinctus Romæ missus est. Reliquiæ tamen corporis ejus Antiochiæ jacent, [hucusque A. et T.] extra portam Daphniticam in cœmeterio ecclesiæ.T. Eodem die SS. Lazari et Marthæ sororis ejus. C. V. In Africa Victuri, Victoris, et alii triginta et tres. Victorini, Adjutoris, Quarti. B. In Africa natale SS. Victoni, Victoriani, Adjutoris, Honorati, Vincentii, Felicis, et aliorum xxiv.
• 18 XV. Kal.Vacat Beda.Florus in A. T. L. Jerosolyma passio SS. Alexandri episcopi et Theodoli: quorum Alexander in eculeum suspensus est, et postea pariter cum Theodolo igni traditus est, sub Aureliano imperatore.D. Beatorum martyrum Rufi et Zosimi, qui de primis discipulis fuerunt, per quos primitus ecclesia Judæis et Græcis fundata est. C. V. T. Laodicea SS. Theoteni, Basiliani. V. C. In Africa S. Quinti. V. T. C. Alibi passio S. Afræ. A. T. In Africa natale sanctorum Vincentii, Rogatiani. A. Et passio S. Lucæ virginis. T. Romæ natale SS. Antonii, Erenæi, Theodori. B. Laodicea civitate natale SS. Quinti, Simplicii, Pauli, Victoriæ, Privati. Et alibi natale SS. Digni et Badegisili, Honorati cum aliis triginta.
• 19 XIV. Kal.Vacat Beda.Florus in A. T. L. Autisiodoro civitate, depositio B. Gregorii episcopi et confessoris, qui tantæ, ut liber actionum illius pandit, sobrietatis fuit, ut in medio mundi positus, novus effulgeret eremita, seque sæpius multis declaravit miraculis.D. Apud Ægyptum B. Nemesii martyris, qui primum per calumniam quasi latro delatus est judici Æmyliano. B. C. V. In Nicea, civitate Bithyniæ, SS. Zosimi, Pauli, Secundini, Quinti. Autisiodoro depositio B. Gregorii episcopi. A. Et natale S. Cyrici. L. Zosimi et Cirici. T. Et Pauli in civitate Bithyniæ Nicea.
• 20 XIII. Kal.Vacat Beda.D. Beatorum martyrum Ammonis, Zenonis, Ptolomæi, Ingenui, et Theophyli. B. C. V. In Thracia, civitate Gildoba, natale S. Julii. Romæ Zephyrini episcopi. In oriente S. Theclæ. Natale S. Liberati. A. T. Natale S. Anastasii. A. T. L. Romæ depositio S. Zephyrini. In oriente natale S. Liberati. T. Ad ursum pileatum natale S. Pontiani.
• 21 XII. Kal. Jan. Nat. S. Thomæ apost.Florus addit in A. T. L. Qui passus est in India, lancea quippe transfixus occubuit: hujus etenim corpus translatum est apud Edissam civitatem. T. Quinto nonas Julii.B. C. V. A. T. L. Romæ S. Innocentii episcopi. A. T. Et passio S. Honoratii episcopi. C. Et passio S. Phocæ. B. In Eraclea natale S. Passi. Et alibi passio SS. Focæ, Florii, Honorati episcopi et confessoris.D. Catalaunis S. Memmii episcopi primi illius civitatis ab urbe Roma directi: qui inter alia innumera miracula mortuum suscitavit: cujus nunc sepulcrum creberrimis miraculis illustratur. Et in Thuscia Joannis et Festi: sed forte hæc spectant ad diem sequentem: quo perperam in hoc MS. refertur S. Thomas.
• 22 XI. Kal.Vacat Beda.C. V. Inter duas lauros natale triginta martyrum qui omnes una die coronati sunt. A. T. L. B. Romæ, via Lavicana, natale sanctorum triginta martyrum, qui una die sunt coronati. A. T. Romæ depositio S. Felicis episcopi. L. addit Portuensis. A. T. B. Et passio S. Theodosiæ virginis. Et Didymi monachi. B. In portu Romano natale S. Aristoni, et S. Felicis episcopi. Eodem die passio S. Gregorii martyris.
• 23 X. Kal.Depositio S. Victoriæ Romæ sub Decio: quæ cum esset desponsata viro pagano Eugenio, et nec nubere vellet nec sacrificare, post multa facta mirabilia, inter quæ plurimas virgines Domino aggregaverat, percussa est gladio, carnifice Taliarcho templorum comite rogatu sui sponsi: deposita est autem x. Kalendarum earundem.C. V. Eodem die S. Gregorii martyris Spoletini et alii nongenti triginta. A. T. Romæ natale SS. Eleutherii et Cornelii. B. Romæ natale SS. Eugenii, Eleutherii, Urbani, Cornelii, Trajani, Victoris, Castulæ, et aliorum octingentorum et triginta. In Nicomedia natale sanctorum triginta quinque martyrum. Et alibi natalis SS. Joannis et Felicis. L. Eodem die adventus reliquiarum S. Lamberti martyris atque pontificis, quas venerandæ memoriæ Dominus Unedricus, hujus loci abbas tertius, ab episcopo Leodiensi Alberone II. devotissime impetratas, ecclesiæ Lætiensi x. Kal. Januarii solenniter invexit, solenniterque ipsius diei memoriam quotannis celebrandam instituit.
• 24 IX. Kal. Vigilia natalis Domini.D. Apud Antiochiam Syriæ natale sanctarum virginum quadraginta, quæ persecutione Deciana per diversa tormenta martyrium consummaverunt. V. Natale sanctarum virginum quadraginta. A. T. L. Romæ natale SS. Metrobi, Pauli, et Luciani.
• 25 VIII. Kal.Nativitas D. N. Jesu Christi.Florus addit in A. et L. Qui in divinitatis suæ potentia et tempus nativitatis suæ prævidit, et matrem per quam nasceretur elegit.Et S. Eugeniæ virginis. Eodem die natale S. Anastasiæ: quæ tempore Diocletiani primo diram et immitem custodiam a viro suo Publio perpessa est, in qua tamen a Chrysogono confessore Christi multum consolata et confortata est. Deinde a præfecto Illirici in gravissima æque et diutina custodia macerata est: [hucusque A.] in qua duobus mensibus refecta est cœlestibus escis per S. Theodoten, quæ prius martyrium passa est. Deinde navi imposita cum ducentis viris et septingentis fœminis, ut demergeretur in mari, perlata est ad insulas Palmarias, ubi per manus et pedes extensa est ligata ad palos fixos, et circa medium ejus ignis accensus est, in quo martyrium consummavit, et omnes qui cum illa venerant variis interfectionibus martyrium celebrarunt.
  • Florus in A. T. L. præposuit: In Sirmio.
  • B. Constantinopolim S. Anastasii.
• 26 VII. Kal.Natale S. Stephani protomartyris.Florus in A. T. L. In oppido Hierosolymitano villa Caphargamala passio S. Stephani, qui ab apostolis Levita ordinatus, ob testimonium Christi lapidantibus Judæis primus post ascensionem Domini martyrio consummatus est. [Hucusque A.] Hic cœlos vidit apertos et Jesum stantem a dextris virtutis Dei: cui spiritum commendans, et pro persecutoribus exorans, imbre lapidum perfusus obdormivit.B. C. V. Romæ S. Dionysii episcopi. T. Eodem die Romæ passio S. Marini. B. Antiochiæ Juliani et Marciani.
• 27 VI. Kal.Natalis S. Joannis apostoli et evangelistæ, dilecti Domini.Florus in A. T. L. præmittit: In Epheso, et deinde subjungit: quem Dominus non præ cæteris solum, sed et præ cæteris familiarius unum dilexit. Hic supra pectus Domini in cœna recubuit: cui postea levatus in cruce matrem virginem virgini commendavit. [Hucusque A.] Hic inter quatuor animalia aquilæ comparatus, de divinitate Christi et limpidius præ cunctis conspexit, et in evangelii sui principiis scribendo contradidit.T. L. B. Eodem die ordinatio episcopatus S. Jacobi, fratris Domini, qui ab apostolis primus ex Judæis Hierosolyma est ordinatus episcopus. B. Et medio pascha martyrio coronatus. V. C. Et S. Jacobi fratris Domini.
• 28 V. Kal.Natalis sanctorum martyrum Innocentium.Florus in A. T. L. addit: Qui testimonium Christo non loquendo sed moriendo perhibentes, Herodis impietate felici nece consumpti sunt.V. Natale Eutycii presbyteri, Domitiani diaconi, Castorii.
• 29 IV. Kal.Vacat Beda.D. David regis. Apud Arelatem S. Trophimi episcopi et confessoris, discipuli apostolorum Petri et Pauli. V. C. In Africa Crescentii, Primiani, Secundi, Saturnini, Honorati. Romæ Felicis et Bonifacii episcopi. Qui ultimus etiam est primo loco in A. T. L. In Africa SS. Domitii, Victuri, Primiani, Honorati, Saturi, Felicis. L. Et passio S. Thomæ archiepiscopi et martyris Cantuariensis. B. Romæ Felicis et Bonifacii episcopi de ordinatione. In pago Oxoniense Otico monasterio depositio S. Ebrulfi confessoris.
• 30 III. Kal.Vacat Beda.Florus in A. T. L. Turonis civitate depositio Perpetui episcopi et confessoris: qui religioso magnoque voto corpus B. Martini removens, angelicam visitationem promeruit.D. Apud Spoletum passio S. Sabini episcopi, et Exuperanti et Marcelli diaconorum, et Venustiani cum uxore et filiis, sub Maximiano Augusto. V. T. In Alexandria Mansueti, [hucusque T.] et B. Severi, Appiani, Donati, Honorii, B. Poledisi. In Insula S. Florentii, Sereni, Pauli, Stephani, Papiani, Cleteogenis. Turonis Perpetui episcopi et confessoris.
• 31 II. Kal. Depositio S. Silvestri episcopi.Florus præponit in A. T. L. Romæ in cœmeterio Priscillæ via Salaria. Deinde subjungit: qui Romanæ ecclesiæ post B. Petrum trigesimus tertius præfuit, et per viginti duos annos virtutum miraculis et prædicationum doctrinis mirabilis rexit.Et passio S. Columbæ virginis, Senones, sub Aureliano imperatore: quæ superato igne cæsa est.C. V. Romæ via Salaria in cœmeterio Jordanorum, Donatæ, Paulinæ, Rusticianæ, Nominandæ, Serotinæ, Saturnini, Hylarianæ, Retiariæ, Hermetis exorcistæ. In provincia Siciliæ civitate Catanensium Stephani, Pontiani, Attali, Flaviani, Corneli, Sexti, Floridi, Quintiani, Menerbini, Simphoriani. B. Donati, Pauli.Explicit Martyrologium Bedæ presbyteri.